ലൂക്കോസു 17:20 - സാമി സേദി

²⁰ സാമി ആളുവാദ് എന്നാല്‌ക്ക് ബര്‌മെന്റ് ലേസ പരിസാര് ഒന്റു നാള് കേ്ട്ടാര്. അദുക്കുള ഏസ്സ് അവാര്‌ക്ക്: <<സാമി ആളുവാദ് ആള്‌ഗാള് കണ്ണ്‌ക്ക് കാണുവ പാസെ അല്ല ബരുവാദ്.

ലൂക്കോസു 17:20 ပူးပေါင်းရင်းမြစ်များ

ഓഗന്നാന് 18:36

അദ്‌ക്ക് ഏസ്സ്: <<നാന് ആളുവ നാഡ് ഈ ഉലഗാക്ക് പട്ടാദല്ല, നാന് ആളുവ നാഡ് ഈ ഉലഗാക്ക് പട്ടാദ് ആയിന്തദാന എനാന എഗുദാര് കയിക്ക് കൊഡുക്കാദിര്‌ക്ക്യ ബേ്ണ്ടി എന്ന് ഗിലാസഗാറാര് എനാക്ക് ബേ്ണ്ടി ജുദ്ദ ഗേന്ത്‌റ്‌ക്കുവാര്. ആന നാന് ആളുവ നാഡ് ഈ ഉലഗാക്ക് പട്ടാദല്ല>> എന്റ് സൊന്നാന്.

ലൂക്കോസു 19:11

അവാര് ഏസ്സ് സൊല്ലുവാദ്‌ന കേ്ട്ട്‌കൊണ്ടിന്താര്. ഏസ്സ് എര്‌സലേമ്‌ക്കര്‌ഗെ ബന്ത് കൊണ്ട്‌റ്‌ക്കുവാദ്‌നാലേമ് സാമി ആള്യ പോവാദ് സട്ടന ബര്‌മെന്റ് അവാര്‌ക്ക് നെനേവു ബന്താദ്‌നാലേമ് ഏസ്സ് അവാര്‌ക്ക് ഒന്റു കദെ സൊല്ല്യ പ്‌ഡിത്താന്:

ലൂക്കോസു 16:16

നീര്‌ക്ക് മുളുഗുസുവ ഓഗന്നാന് ബരുവ മാട്ട്‌ക്ക്‌ത്തെ മോസെ ബെത്ത സാമിസട്ടാമ് സാമിദാസ്‌ഗാള്‌മ് നിമാന നഡാത്തി ബന്താദ്. ആന ഓഗന്നാന് ബന്ത പ്‌റ സാമി ആളുവാദ്‌ന പറ്റി സൊല്ലി ബന്റാര്. എഞ്ചോ ആള്‌ഗാള് സാമി ആളുവാദ്‌ക്ക് കഡാക്ക്യ തമാക്ക് മുഡിന്തളാവുക്കു ഓരാഡ്‌ന്റാര്.

ലൂക്കോസു 10:11

<ഇദാ നോഡുനു, നിമാക്ക് ദെ്ണ്ടണെ ബന്റ് എന്റ് നിമ്മ തെര്യ ബേ്ണ്ടി നിമ്മ് പട്ടണാത്ത്‌ലിന്ത് എമ്മ് കാല്‌ക്ക് പ്‌ഡിത്ത ദൂളിന നിമ്മ് മുന്നുക്കു ബെത്ത് താനെ തട്ടി തള്ള്‌ന്റേമ്. സാമി ആളുവാദ് നിമ്മ് പട്ട്‌ക്ക് ബന്ത്‌റ്‌ന്റ് എന്റ്‌മ് നിമ്മ തെരിന്ത്‌റ്‌ന്> എന്റ് സൊല്ലുനു.

ലൂക്കോസു 14:1

ഒന്റു ഒയിവു നാള് ഏസ്സ് പരിസാര് തലെവാര്‌ല് ഒരുത്താന് ബീ്ഡ്‌ക്ക് തിന്ന്യ പോനാന്. ആന അദ്‌ലിന്തവാര് അയാള് എന്ത് ഗേന്റാനൊ എന്റ് സൊക്കാന നോഡികൊണ്ടിന്താര്.