ലൂക്കോസു 17:2 - സാമി സേദി

² സ്‌ന്നവാര്‌ല് ഒരുത്താന്‌ന പാവ ഗേയ ബെക്ക്‌ന്റവാന്‌ക്ക് മ്‌ഗ്‌ന്ത ദെ്ണ്ടണെ കെ്ഡേക്ക്‌മ്. അദ്‌ന ബ്‌ഡ അയാള് കവുത്തുക്കു ദൊഡ്ഡ ഒന്റു ബീസ്‌ങ്കല്ല്‌ന കെ്ട്ടി കഡാല്‌ക്ക് എ്റിവാദ്‌ത്തെ നല്ലാദ്.

ലൂക്കോസു 17:2 ပူးပေါင်းရင်းမြစ်များ

മത്തായി 17:27

എന്റാല്‌മ് നമ്മ അവാര്‌ന മൊനെ പഡ്‌സാദിര്‌ക്ക്യ ബേ്ണ്ടി നീ കഡാല്‌ക്ക് പോയി തൂണ്ട ബ്‌ട്ട് മുദാല് കെ്ഡേക്കുവ മീന്‌ന എ്ഡ്. അയി മീന് ബായി ത്‌റാക്കാട്ടി ഒന്റു പണ ഇര്‌ക്കുവാദ്‌ന കാണുവായി. അദ്‌ന എ്ഡ്‌ത്ത് എനാക്ക്‌മ് നിനാക്ക്‌മ് ബേ്ണ്ടി കന്ത്യ കെ്ട്ട്>> എന്റ് സൊന്നാന്.

മത്തായി 18:10

<<ഈ താന്തവാര്‌ല് ഒരുത്താന്‌ന മാനഗെ്ഡ്‌സാദിര്‌ക്ക്യ സൂസാരിത്തിര്‌ന്. എന്ത്‌ക്കെന്റ് സൊന്ന മേലോഗാത്ത്‌ലിര്‌ക്കുവ അവാര് ദൂദാര്‌ഗാള് മേലോഗാത്ത്‌ലിര്‌ക്കുവ എന്നപ്പാന് സാമിന ഒപ്പ കണ്ട് കൊണ്ട്‌റ്‌ക്ക്‌ന്റാര് എന്റ് നാന് നിമാക്ക് സൊന്റെ.

മത്തായി 18:14

അദേപാസെത്തെ ഈ താന്തവാര്‌ല് ഒരുത്താന് കാണദ്യാവാദ് മേലോഗാത്ത്‌ല നിമ്മ് അപ്പാന് സാമിക്ക് പിഡിക്കുവാദില്ലെ.>>

മത്തായി 26:24

മന്‌സാനായി പ്‌റാന്തവാന് എത്തെ സാഡൊ എന്റ് സാമി ബൊക്കുലു എ്ള്‌ദിര്‌ക്കുവ പാസെത്തെ അദ് നഡാക്ക്‌മ്. എന്റാല്‌മ് മന്‌സാനായി പ്‌റാന്തവാന്‌ന കാട്ടി കൊഡുക്കുവ മന്‌സാന്‌ക്ക് കജട്ട കജട്ടാത്തെ. അയാള് പ്‌റാക്കാദെ ഇന്തിന്ത അവാന്‌ക്ക് നല്ലാദ്‌ത്തെ ആയിന്ത്‌ദ്>> എന്റ് സൊന്നാന്.

മര്‌ക്കോസു 9:42

<<എനാന നമ്പി നഡാക്കുവ ഈ സ്‌ന്നവാര്‌ല് ഒരുത്താന്‌ന ആരാറ്റ പാവ ഗേയ ബെത്തദാന അയാള്‌ക്ക് മ്‌ഗ്‌ന്ത ദെ്ണ്ടെണെ കെ്ഡേക്ക്‌മ്. അദ്‌ന ബ്‌ഡ അയാള് കവുത്തുക്കു ദൊഡ്ഡ ഒന്റു ബീസ്‌ങ്കല്ല്‌ന കെ്ട്ടി കഡാല്‌ക്ക് എ്റിവാദ്‌ത്തെ നല്ലാദ്.

ഓഗന്നാന് 21:15

അവാര് തിന്റ് തീന്ത പ്‌റ ഏസ്സ് സീമോനു പത്ത്‌റോസുക്കു: <<ഓഗന്നാന് മഗാന് സീമോനെ, നീ ഇവാര്‌ന ബ്‌ഡ എനാന സീവാന്‌പഡ്‌ന്റായ?>> എന്റ് കേ്ട്ടാന്. അദ്‌ക്ക് അയാള്: <<ഇ്, ആണ്ടവാനെ, നാന് നിനാന സീവാന്‌പഡ്‌ന്റെ എന്റ് നിനാക്ക് തെരിമല്ല>> എന്റ് സൊന്നാന്. അദുക്കുള ഏസ്സ്: <<എന്ന് കൊറ്യാഡ് കുട്ടിഗാള്‌ന മേസ്>> എന്റ് സൊന്നാന്.

1 കൊരിന്ത്യഗാറാര് 9:15

എന്റാല്‌മ് നാന് ഈ അദിഗരഗാള് ഒന്റുനാമ് കാട്ടാലെ. എന്തൊന്റു കെ്ഡേക്ക്‌മ് എന്റ് നെഞ്ചഡെ ബെത്തല്ല ഈ കാര്യന എ്ള്‌ദുവാദ്‌മ്. ഇത്തെ പെ്ളേക്കുവ എന്ന് പെ്ളേപ്പ്‌ന പറ്റി എനാക്ക് പെരിമെപഡുവാദ്‌ക്കുള്ള നായ ഇര്‌ക്ക്‌ന്റ്. അദ്‌ന ആരാറ്റ ഇല്ലെന്റ് സൊന്നദാന സാവാദ്‌ത്തെ എനാക്ക് നല്ലാദ്.

1 കൊരിന്ത്യഗാറാര് 9:22

മനേസ്സ്‌ല് ഒറേപ്പില്ലത്തവാര്‌ന കെ്ഡേസ്യ ബേ്ണ്ടി അവാര് പട്ട്‌ല് നാന് അവാര്‌ന പാസെ ആനേന്. എത്തെന്റാല് മാഡി ലേസ ആള്‌ഗാള്‌ന കാപാറ്റ്യ ബേ്ണ്ടി നാന് എല്ലാ ആള്‌ഗാള്‌ക്ക് ബേ്ണ്ടി എല്ലാ ആള്‌ഗാള്‌ന പാസെ ആനേന്.