ലൂക്കോസു 16:23 - സാമി സേദി

²³ അയാള് പാദാളാത്ത്‌ല് കൊഡിമെ പട്ട്‌കൊണ്ടിന്താന്. അദുക്കുള അയാള് മേല് നോഡി ദൂരാത്ത്‌ലിന്ത് അവുറഗാമ്‌നാമ് അവുറഗാമ് പട്ട്‌ലിര്‌ക്കുവ ലാസാറ്‌നാമ് കണ്ടാന്.

ലൂക്കോസു 16:23 ပူးပေါင်းရင်းမြစ်များ

2 പത്ത്‌റോസു 2:4

പാവ ഗേന്ത ദൂദനാമ്‌ന ബെ്റ്‌ദെ ബ്‌ഡാദെ സാമി അവാര്‌ന നരഗാക്ക് എ്റിന്ത് ബ്‌ട്ടാന്. ബിദിക്കുവ നാള് മാട്ട്‌ക്ക് പേ്ണ്‌സ്യ അവാര്‌ന ഇ്റ്‌ട്ട് എന്നുവ സങ്കിലിക്കി കെ്ട്ടി ബെത്ത്‌റ്‌ന്റാന്.

ലൂക്കോസു 16:28

എനാക്ക് അയിദ് അണ്ണാര്‌തമ്പ്യാര് ഇര്‌ക്ക്‌ന്റാര്. അവാര് ഈ കജട്ട പഡുവ പട്ട്‌ക്ക് ബരാദിര്‌ക്ക്യ ലാസാറ് പോയി അവാര്‌ക്ക് മുദാല് താനെ സൊല്ലുഡൊ.

മത്തായി 23:33

പാമ്പ്‌ന പാസെ, നാഗ പാമ്പ്‌ന പാസെ ഇര്‌ക്ക്‌ന്റവാരെ, നിമാക്ക് ബന്ത്‌റ്‌ക്കുവ നരഗ ദെ്ണ്ടണേലിന്ത് എത്തെ നിമ്മ തപ്പിസി കഡാക്കുവുറു?

മത്തായി 18:9

നിന്ന് കണ്ണ് നിനാന പാവ ഗേയ ബെത്തദാന അദ്‌ന സൊളോണ്ടി തള്ള്. റാഡ് കണ്ണുള്ളവാനായി എന്നാല്‌ക്ക്‌മ് ഇര്‌ക്കുവ തീക്ക് പോയി അലേവാദ്‌ന ബ്‌ഡ ഒറ്റെ കണ്ണാനായി എന്നാല്‌ക്ക്‌മ് ഇര്‌ക്കുവ പെ്ളേപ്പ്‌ന കെ്ഡേസുവാദ്‌ത്തെ നിനാക്ക് നല്ലാദ്.>>

ബെ്ളിപട്ട കാര്യ 20:10

ബേ്ണ്ട്‌നാമ് സാമി സൊന്റു എന്റ് സൊല്ലി ഉറുട്ടു സൊല്ലുവ സാമിദാസ്‌നാമ് എ്റിന്ത് ബ്‌ട്ട്‌റ്‌ക്കുവ ഗെന്തഗ കത്തി എരേവ തീ കഡാല്‌ക്ക് അവാര്‌ന ഏമാത്തിന്ത സെയിത്താന്‌ന എ്റിന്ത് ബ്‌ഡുവാന്. റാവുപഗാല് അദ്‌ലിന്ത് കൊണ്ടു അവാര് എന്നാല്‌ക്ക്‌മ് ദെ്ണ്ടണെപഡുവാര്.

ലൂക്കോസു 8:28

അയാള് ഏസ്സ്‌ന കണ്ടാദ്‌മ് ബ്‌ളിത്ത് അഗാറി കൊണ്ടു ഏസ്സ് കാല്‌ക്ക് ബ്‌ന്ത്: <<ഏസ്സേ, എല്ലാദ്‌ക്ക്‌മ് ബ്‌ഡ ദൊഡ്ഡവാന് ആയിര്‌ക്കുവ സാമി മഗാനെ, എനാക്ക്‌മ് നിനാക്ക്‌മ് എന്ത് കാര്യ? എനാന സെറ്റെ ദെ്ണ്ടിക്കാഗേ ബേ്ഡ എന്റ് ബേ്ണ്ട്‌ന്റെ>> എന്റ് ദൊഡ്ഡാദ്‌ക്ക് സൊന്നാന്.

മത്തായി 5:29

ആന നിന്ന് ബല കണ്ണ് നിനാന പാവ ഗേയ ബെത്തദാന അദ്‌ന സൊളോണ്ടി എ്ഡ്‌ത്ത് എ്റിന്ത് തള്ള്. നിന്ന് സരിഗലൊട്ടുക്കു നരഗാക്ക് പോയി അലേവാദ്‌ന ബ്‌ഡ നിന്ന് സരിഗലാത്ത്‌ല് ഇര്‌ക്കുവാദ്‌ഗാള്‌ല് ഒന്റു ഇല്ലാദ്യാവാദ് നിനാക്ക് നല്ലാദ്.

മത്തായി 5:22

ആന നാന് നിമാക്ക് സൊല്ലുവാദ് എന്തെന്റ് സൊന്ന, ആരാറ്റോഡ മൊനേക്ക് തെ്ട്ട്‌ന്റവാനെല്ല നായാക്ക് സിക്കുവാന്. ആരാറ്റ്‌ന മൂളെ ഇല്ലത്തവാന് എന്റ് സൊല്ലി ബ്‌ളിക്ക്‌ന്റവാന് എഗുദാര് കോഡിദിക്ക് ബദ്‌ല് സൊല്ല്യ ബേ്ണ്ടി ബര്‌മ്. ആരാറ്റ്‌ന തൊലേന്തവാന് എന്റ് സൊല്ലുന്റവാനൊ അഗ്ഗിനി നരഗാക്ക് എരെ അവാന്.

1 കൊരിന്ത്യഗാറാര് 15:55

<<ഓ, സാവെ, നീ ഏദ്‌ല് ഗെലിസി ഇര്‌ക്ക്‌ന്റായി? ഓ, സാവെ, ബിജ എ്ഡ്‌സ്‌വ നിന്ന് മുള്ളു ഏദ്‌ല്?>>

മത്തായി 11:23

കവറ്‌ണഗൂമു പട്ടണഗാറാരെ, നിമ്മ മേലോഗാക്ക് സമ ഉജാന്തവാരാവുറ? ഇല്ലെ, പാദാളാക്ക് സമ നിമ്മ താന്തവാരാവുറു. നിമ്മ് പട്ട്‌ല് ഗേന്ത അദിസ്യഗാള് സോദോമുഗാറാര് പട്ട്‌ല് ഗേന്തിന്തദാന അവാര് പാവ ഗേവാദ്‌ന തള്ളി ഇന്നമാട്ട്‌ക്ക് ഇന്ത്‌റ്‌ക്കുവാര്.

മത്തായി 8:29

<<സാമി മഗാനെ, എമാക്ക്‌മ് നിനാക്ക്‌മ് എന്ത് കാര്യ? സമ്യാഗാത്ത മുദാല് താനെ എമാന കൊഡിമെപഡിസ്യത്തെ നീ ഈങ്ക് ബന്താദ?>> എന്റ് അവാര് അഗാറി കൊണ്ടു സൊന്നാര്.

ലൂക്കോസു 16:24

അദുക്കുള അയാള്: <അവുറഗാമ് പാട്ട, എനാന ഗവപഡുഡോമെ. ബിരാല്‌നെന്റാല് മുളുക്കി ഒന്റു സൊട്ടു നീര് എന്ന് നാലങ്കേക്ക് സൊട്ടുസ്യ ലാസാറ്‌ന ഈങ്ക് സൊല്ലി ബ്‌ഡ്‌ഡോമെ. നാന് ഈ തീനാവാള്‌ല് ക്‌ഡാന്ത് മ്‌ഗ്‌ന്ത കജട്ട പഡ്‌ന്റെ> എന്റ് സൊന്നാന്.