ലൂക്കോസു 16:10 - സാമി സേദി

¹⁰ സ്‌ന്ന കാര്യ ഗേവാദ്‌ല് നമ്പ്യ മുഡിന്റവാന് ദൊഡ്ഡ കാര്യ ഗേവാദ്‌ല്‌മ് നമ്പ്യ മുഡിന്റവാന് ആയിര്‌ക്കുവാന്. സ്‌ന്ന കാര്യ ഗേവാദ്‌ല് നേരെമൊറെ ഗേഗാത്തവാന് ദൊഡ്ഡ കാര്യ ഗേവാദ്‌ല്‌മ് നേരെമൊറെ ഗേഗാത്തവാന് ആയിര്‌ക്കുവാന്.

ലൂക്കോസു 16:10 ပူးပေါင်းရင်းမြစ်များ

മത്തായി 25:21

അദുക്കുള പണ്ണാഡി: <അ, നല്ലവാന്‌മ് നമ്പ്യ മുഡിന്റവാന്‌മാന ഗിലാസഗാറാ, നീ നലമായി ഗേന്ത്‌റ്‌ന്റായി. നീ സ്‌ന്ന കാര്യാത്ത്‌ല് ഗുഡി നമ്പ്യ മുഡിന്റവാന് ആയിര്‌ക്കുവാദ്‌നാലെ എഞ്ചോ കാര്യഗാള്‌ന നോഡി നഡാത്ത്യ നാന് നിനാന ബെക്കുവെ. ബന്ത് നിന്ന് പണ്ണാഡ്യാന എന്നൊപ്പ എജേന്ത് പിര്യപൊങ്കു> എന്റ് സൊന്നാന്.

ലൂക്കോസു 19:17

അയാള് അയി ഗിലാസഗാറാന്‌ക്ക്: <അ, നല്ല ഗിലാസഗാറ, നീ നലമായി ഗേന്ത്‌റ്‌ന്റായി. നീ സ്‌ന്ന കാര്യാത്ത്‌ല് ഗുഡി നമ്പ്യ മുഡിന്റവാന് ആയിര്‌ക്കുവാദ്‌നാലെ നീ പത്ത് പട്ടണഗാള്‌ക്ക് തലെവാനായിര്> എന്റ് സൊന്നാന്.

മത്തായി 25:23

അദുക്കുള അയി പണ്ണാഡി: <അ, നല്ലവാന്‌മ് നമ്പ്യ മുഡിന്റവാന്‌മാന ഗിലാസഗാറാ, നീ നലമായി ഗേന്ത്‌റ്‌ന്റായി. നീ സ്‌ന്ന കാര്യാത്ത്‌ല് ഗുഡി നമ്പ്യ മുഡിന്റവാന് ആയിര്‌ക്കുവാദ്‌നാലെ എഞ്ചോ കാര്യഗാള്‌ന നോഡി നഡാത്ത്യ നാന് നിനാന ബെക്കുവെ. ബന്ത് നിന്ന് പണ്ണാഡ്യാന എന്നൊപ്പ എജേന്ത് പിര്യപൊങ്കു> എന്റ് സൊന്നാന്.

എവുറായാര് 3:2

സാമിബീ്ഡ്‌ന നോഡിനഡാത്തുവ കാര്യഗാള്‌ല് ഒട്ടുക്കു മോസെ നമ്പ്യ മുഡിന്റവാന് ആയിന്ത പാസെ ഏസ്സ്‌മ് തനാന എ്ഡ്‌ത്ത് ബെത്ത സാമിക്ക് നമ്പ്യ മുഡിന്റവാന്‌ത്തെ.

ഓഗന്നാന് 12:6

അയാള് ഇത്തെ സൊന്നാദ് ഏ്ളെഗാള്‌ന കറ്‌മ്മ പ്‌ഡിക്കുവാദ്‌നാലെ അല്ല, അയാള് ത്‌റ്‌ട്ടാന് ആനാദ്‌നാലേത്തെ. പണ പയി അയാള് കയില് ഇന്താദ്‌നാലെ അദ്‌ക്കിക്കുവ പണാന അയാള് എ്ഡ്‌ത്ത് കൊണ്ടിന്താന്.

ഓഗന്നാന് 13:27

അഡെ തുണ്ടുന ബാങ്ക്‌നാദ്‌മ് സെയിത്താന് അയാള് കുളാക്ക് നൊഗേന്താന്. അദുക്കുള ഏസ്സ് അയാള്‌ക്ക്: <<നീ ഗേവാദ്‌ന സട്ടന ഗേഗ്>> എന്റ് സൊന്നാന്.

ഓഗന്നാന് 13:2

ജാമ തീനി തിന്നുവ ഗളിഗെ ആറ്റ്. സെയിത്താന് കര്യോത്തുഗാറാന് സീമോനു മഗാന് ജൂദാന് മനേസ്സ്‌ക്ക് ഏസ്സ്‌ന കാട്ടി കൊഡുക്കുവ നെനേവു മുദാലെ കൊഡുത്തിന്താന്.

മത്തായി 24:45

<<തന്ന് ബീ്ഡ്‌ല ഗിലാസഗാറാര്‌ക്ക് അദാദ് ഗളിഗേക്ക് തീനി കൊഡുക്ക്യ ബേ്ണ്ടി പണ്ണാഡിക്ക് നമ്പ്യ മുഡിന്റവാനായി എ്ഡ്‌ത്ത് ബെത്ത്‌റ്‌ക്കുവ ബുദ്ദ്യുള്ള ഗിലാസഗാറാന് ആര്?