ലൂക്കോസു 16:1 - സാമി സേദി

¹ ഏസ്സ് പിന്നേമ് തന്ന് സൊല്ലുപഡി നഡാക്ക്‌ന്റവാര്‌ക്ക് ഇത്തെ സൊന്നാന്: <<ഒന്റു പണഗാറാന്‌ക്ക് അയാള് കാര്യഗാള്‌ന നോഡിനഡാത്തുവ ഒന്റൊരുത്താന് ഇന്താന്. അയാള് അയി പണഗാറാന് സൊത്തുന കണ്ടപഡിക്ക് സിലാവു ഗേന്റാന് എന്റ് ബേ്റാള്‌ഗാള് അയി പണഗാറാന്‌ക്ക് സൊന്നാര്.

ലൂക്കോസു 16:1 ပူးပေါင်းရင်းမြစ်များ

മത്തായി 20:8

സന്ത്യോഡ ആഗാട്ടി മുന്തിരി ദോട്ടഗാറാന് തന്ന് മുന്തിരി ദോട്ടന നോഡുന്റവാന്‌ക്ക്: <നീ ഗിലാസഗാറാര്‌ന ബ്‌ളിത്ത് കഡേസി ബന്തവാര്‌ലിന്ത് മുന്നുക്കു ബന്തവാര്‌മാട്ട്‌ക്ക് കൂലി കൊഡു> എന്റ് സൊന്നാന്.

ലൂക്കോസു 12:42

അദുക്കുള ആണ്ടവാന് അവാര്‌ക്ക് ഇത്തെ സൊന്നാന്: <<തന്ന് ഗിലാസഗാറാര്‌ക്ക് അദാദ് ഗളിഗേക്ക് തീനി കൊഡുക്ക്യ ബേ്ണ്ടി പണ്ണാഡിക്ക് നമ്പ്യ മുഡിന്റവാനായി എ്ഡ്‌ത്ത് ബെത്ത്‌റ്‌ക്കുവ ബുദ്ദ്യുള്ള ഗിലാസഗാറാന് ആര്?

ലൂക്കോസു 15:13

തന്ന് പങ്ക്‌ന കെ്ഡേസി അദിഗ നാളാഗാത്ത മുദാല് സ്‌ന്ന മഗാന് തന്ന് സൊത്തുനെല്ല എ്ഡ്‌ത്ത് കൊണ്ടു ദൂരാത്ത്‌ലിര്‌ക്കുവ ബേ്റൊന്റു നാഡ്‌ക്ക് പോനാന്. അദ്‌ല് ബെത്ത് അയാള് കണ്ടപഡിക്ക് നഡാന്ത് തന്ന് സൊത്തുനെല്ല ദാറ്‌ബൂറ മാഡിതള്ള്‌നാന്.

ലൂക്കോസു 15:30

ആന ബേസിഗാളോഡ എ്ണേന്ത് നിന്ന് സൊത്തുന തിന്റ്‌കുഡിത്ത ഈ മഗാന് ബര്‌ഗാട്ടി ദൊഡ്ഡി മിജ്‌മിജ ഇര്‌ക്കുവ ഒന്റു ഓരി കഡേസ്‌ന അയാള്‌ക്ക് ബേ്ണ്ടി കൊന്റു ബിര്‌ന്തട്ടായല്ല> എന്റ് സൊന്നാന്.

ലൂക്കോസു 16:19

<<ഒന്റു എ്ഡേല് ഒന്റു പണഗാറാന് ഇന്താന്. അയാള് ബെലെപെറ്റ ഉഡുപ്പുന ഉളാക്ക് ഇക്കിമ് ബെ്ളിഗെ പട്ടുഡുപ്പുന ഇക്കിമ് നാള്‌ക്ക്‌മ് രാജാങ്കത്തോഡ പെ്ളേത്തിന്താന്.

ലൂക്കോസു 16:2

അദുക്കുള പണഗാറാന് അയാള്‌ന ബ്‌ളിത്ത് ഇത്തെ കേ്ട്ടാന്: <നിനാന പറ്റി ആള്‌ഗാള് എന്ത്‌ക്ക് ഇത്തെ സൊന്റാര്? എന്ന് സൊത്തുഗാള്‌നെല്ല എത്തെ സിലാവു മാഡ്‌നായി എന്നുവ കണാക്ക്‌ന കാട്ട്. നീ ഇന്നി അദിഗ നാള് നോഡിനഡാത്ത്‌ന്റവാന് ആയിര്‌ക്കമാട്ടായി> എന്റ് സൊന്നാന്.

ലൂക്കോസു 19:20

ബേ്റൊന്റൊരുത്താന് ബന്ത്: <പണ്ണാഡ്യെ, നീ എനാക്ക് തന്ത പൊന്നു പണ ഇദാ, നാന് അദ്‌ന ഒന്റു സീലെ കൊത്തുക്കു മുഡിന്ത് ബെത്ത്‌റ്‌ക്ക്‌ന്റെ.

ലൂക്കോസു 8:3

നാഡ് തലെവാന് എരോദ കാര്യഗാള്‌ന നോഡിനഡാത്തുവ കൂസു എന്റവാന് പെ്ണ്ട് ഓഗന്നാമ്, ബേ്റൊന്റൊരുത്തി സൂസന്നാമ്, ബേ്റെ ലേസ പെ്ണ്ണ്‌മക്കാള്‌മ്‌ത്തെ. ഈ പെ്ണ്ണ്‌മക്കാള്‌ഗാള് തമാക്കിര്‌ക്കുവ പണാത്ത്‌ലിന്ത് കൊഡുത്തു ഏസ്സ്‌നാമ് ഏസ്സ് സൊല്ലുപഡിക്ക് നഡാക്ക്‌ന്റവാര്‌നാമ് കയിതാങ്കിന്താര്.

തീത്തോസു 1:7

ഏസ്സ്‌ഗാറാര് കൂട്ടാത്ത്‌ല മൂപ്പനാമ്‌ഗാള്‌ന കയിതാങ്ക്‌ന്റവാന് സാമി കൊഡുത്ത്‌റ്‌ക്കുവ ഗിലാസാന നോഡിനഡാത്ത്‌ന്റവാന് ആയിര്‌ക്കുവാദ്‌നാലെ കുറ്റകൊറേവു ഇല്ലത്തവാന് ആയിര്‌ക്കുഡൊ. അയാള് താന്‌ത്തെ ദൊഡ്ഡവാനെന്റ് നെനേക്ക്‌ന്റവാന്‌മ് മുട്ടു മൊനെഗാറാന്‌മ് ആയിര്‌ക്ക്യ പാങ്കില്ലെ. അയാള് കുഡിഗാറാന്‌മ് ഒപ്പ മല്ല്‌ക്ക് പോന്റവാന്‌മ് അദിഗ പണ സമ്പാരിക്ക്യ ഏമാത്ത്‌ന്റവാന്‌മ് ആയിര്‌ക്ക്യ പാങ്കില്ലെ.

ആക്കോവു 4:3

നിമ്മ കേ്ട്ടാല്‌മ് സാമ്യോഡിന്ത് അദ് കെ്ഡേക്കമാട്ട. അദ് എന്ത്‌ക്കെന്റ് സൊന്ന നിമ്മ ആസെപഡുവ പാസെ പെ്ളേക്ക്യ ബേ്ണ്ടി ആഗാത്ത കാര്യഗാള്‌ന കേ്ള്‌ക്ക്‌ന്റ്‌റ്.

1 പത്ത്‌റോസു 4:10

സാമിക്ക് പല ദിന്‌സ് ബരഗാള് ഇര്‌ക്ക്‌ന്റ്, അദ്‌ന നലമായി നോഡി നഡാത്ത്‌ന്റവാര് ആയിര്‌ക്കുവ നിമാക്ക് ഒന്റൊന്റാള്‌ക്ക്‌മ് കെ്ഡേത്ത അയി ബരഗാള്‌ന ബെത്ത് കൊണ്ടു അഡ്‌ത്തവാര്‌ക്ക് നല്ലാദ് ഗേന്.