ലൂക്കോസു 13:8 - സാമി സേദി

⁸ അദ്‌ക്ക് അയി കാവഗാറാന്: <പണ്ണാഡി, നാന് അയി മരാക്ക് സുറ്റീല് സെത്തി അണിമാഡി ബള ഇക്കി നോഡുന്റെ. അദ്‌നാലെ ഈ ബര്‌സ്സ ഗുഡി ഇര്‌ക്കുഡൊ.

ലൂക്കോസു 13:8 ပူးပေါင်းရင်းမြစ်များ

ലൂക്കോസു 13:7

അയി കാഡ്‌ഗാറാന് കാഡ്‌കാവഗാറാന്‌ക്ക്: <ഈ അത്തി മര കായി പ്‌ഡിക്ക്‌ന്റ എന്റ് നാന് മൂറു ബര്‌സ്സ നോഡി നഡാക്ക്‌ന്റെ. ആന കായി പ്‌ഡിക്കുവാദേ ഇല്ലെ. അദ്‌നാലെ ഈ മരാന ബെ്ട്ടി തള്ള്, ബെ്റ്‌ദെന്ത്‌ക്ക് അയി മരന മണ്ണ്‌ല് ബെത്ത്‌റ്‌ക്കുവാദ്> എന്റ് സൊന്നാന്.

ലൂക്കോസു 13:9

അഡ്‌ത്ത ബര്‌സ്സ കായിപ്‌ഡിത്തദാന നല്ലാദ്. കായിപ്‌ഡിക്കാദെ പോന ബെ്ട്ടി തള്ള്‌ല> >>.

ലൂക്കോസു 14:35

അദ് മണ്ണ്‌ക്ക്‌മ് ബളാക്ക്‌മ് ഉവഗരപഡമാട്ട. നിമ്മ അദ്‌ന ബെ്ളിഗെ ബീസ്യെ്റിവുറു. നാന് സൊല്ലുവാദ്‌ന കേ്ള്‌ക്ക്യ മനേസ്സിര്‌ക്ക്‌ന്റവാന് കേ്ള്‌ക്കുഡൊ.>>

റോമഗാറാര് 10:1

ഏസ്സ്‌ഗാറാരെ, ഇസ്‌റവേല്‌ഗാറാര് തപ്പിസി കഡാക്ക്യ ബേ്ണ്ടിത്തെ നാന് എന്ന് നെഞ്ച്‌ല് ആസെപഡുവാദ്‌മ് സാമിന ബേ്ണ്ടി കൊണ്ട്‌റ്ക്കുവാദ്‌മ്.

റോമഗാറാര് 11:14

എന്ത്‌ക്കെന്റ് സൊന്ന, ഇത്തെ ഗേവാദ്‌നാലെ എഗുദാര് ജാദിഗാള്‌ക്ക് കണ്ണ്‌കഡി ബരിസ്സി അവാര്‌ല് ലേസ ആള്‌ഗാള്‌ന കാപാറ്റുഡൊ എന്റ് നാന് നെനേക്ക്‌ന്റെ.

2 പത്ത്‌റോസു 3:9

ആണ്ടവാന് ബാക്ക് തന്താദ്‌ന നഡാത്ത്യ ആണ്ടവാന് ഗളിഗെ മാഡ്‌ന്റാന് എന്റ് ലേസ ആള്‌ഗാള് നെനേക്കുവ പാസെ ആണ്ടവാന് അദ്‌ന നഡാത്ത്യ ഗളിഗെ മാഡുവാദില്ലെ. ആര്‌മ് കെ്ട്ട് പോഗാദെ എല്ലാ ആള്‌ഗാള്‌മ് പാവ ഗേവാദ്‌ന തള്ളി സാമിസാരി തിര്‌ഗുഡൊ എന്റ് നെനേക്കുവാദ്‌നാലെ ആണ്ടവാന് നിമാക്ക് ബേ്ണ്ടി സിവനേന്റ് പൊറുത്ത്‌റ്‌ന്റാന്.