ലൂക്കോസു 13:31 - സാമി സേദി

³¹ അയി ഗളിഗേല് താനെ ലേസ പരിസാര് ഏസ്സ് പട്ട്‌ക്ക് ബന്ത്: <<നീ ഇദ്‌ലിന്ത് പൊ, എരോദാവു നിനാന കൊല്ല്യ നോഡുന്റാന്>> എന്റ് സൊന്നാര്.

ലൂക്കോസു 13:31 ပူးပေါင်းရင်းမြစ်များ

മത്തായി 14:1

അയി ഗളിഗേല് ഗലീല നാഡ് തലെവാനായിന്ത എരോദ ഏസ്സ്‌ന പറ്റി സൊല്ലുവ സേദിന കേ്ട്ട്:

ലൂക്കോസു 3:1

തിവര്യോസു മഗരാജാവായി ആണ്ടിന്ത പദിനിഞ്ചാവാദ് ബര്‌സ്സാത്ത്‌ല്: പൊന്തിയോസു പീലത്തോസു എഗുദ നാഡ്‌ക്ക് തലെവാന്‌മ് എരോദ ഗലീല നാഡ്‌നാമ് അയാള് തമ്പി പീലിപോസ് ഇത്തൂര്യ, തറക്കോനിറ്റി നാഡ്‌ഗാള്‌നാമ്, ലൂസാന്യാസ് അവിലേന നാഡ്‌നാമ് ആണ്ടിന്താന്.

മത്തായി 14:3

ഈ എരോദ രാജാവു തന്ന് അണ്ണാന് പീലിപോസു പെ്ണ്ട് ഏരോദ്യന തന്ന് പെ്ണ്ടച്ച്യായി എ്ഡ്‌ത്തിന്താദ്‌നാലെ <<അവാള് നിനാക്ക് പെ്ണ്ടച്ച്യായിര്‌ക്കുവാദ് സട്ടപഡി തപ്പ്>> എന്റ് ഈ ഓഗന്നാന് എരോദാവുക്കു സൊല്ലിന്താന്. അദ്‌നാലെ ഓഗന്നാന്‌ന പ്‌ഡിത്ത് കെ്ട്ടി ജെയില്‌ക്ക് ഇക്കി ബെത്തിന്താര്.

മത്തായി 14:6

ആന എരോദാവു പ്‌റാന്തനാള് ആഗാട്ടി ഏരോദ്യ മഗാള് ആള്‌കൂട്ട മുന്നുക്കു ആട്ടാഡി എരോദാവുന പിര്യപഡ്‌സ്‌നാള്.

ലൂക്കോസു 9:7

ഈ കാര്യഗാള്‌നെല്ല ഗലീല നാഡ് തലെവാന് എരോദ കേ്ട്ട് അങ്കലാപ്‌പട്ടാന്. എന്ത്‌ക്കെന്റ് സൊന്ന സത്ത ഓഗന്നാന്‌ത്തെ ഉജുര്‌ളാഗിര്‌ക്കുവാദ് എന്റ് ലേസ ആള്‌ഗാള് സൊന്നാദ്‌നാലേമ്,

ലൂക്കോസു 23:7

അദുക്കുള ഇയാള് എരോദാവു ആളുവ എ്ഡേക്ക് പട്ടവാനെന്റ് പീലത്തോസുക്കു തെരിന്ത്‌ദ്. അദ്‌നാലെ അയി ഗളിഗേല് എര്‌സലേമ്‌ക്ക് ബന്തിന്ത എരോദാവു പട്ട്‌ക്ക് ഏസ്സ്‌ന സൊല്ലി ബ്‌ട്ടാന്.