ലൂക്കോസു 13:3 - സാമി സേദി

³ <<ഇല്ലെ, പാവ ഗേവാദ്‌ന ബ്‌ട്ട് സാമിസാരി തിര്‌ഗാദെ പോന നിമ്മാമ് അദേപാസെത്തെ കെ്ട്ട് പോവുറു എന്റ് നാന് നിമാക്ക് സൊന്റെ.

ലൂക്കോസു 13:3 ပူးပေါင်းရင်းမြစ်များ

മത്തായി 12:45

അദുക്കുള അയി കെ്ട്ടജാദി പോയി തനാന ബ്‌ഡ കെ്ട്ടാദ് ഗേവ ബേ്റെ ഏ്ള് കെ്ട്ടജാദിഗാള്‌ന ഗുഡി കൂട്ടി ബന്ത് അവാര് ഒന്റായി അയാള്‌ല് തങ്ക്‌ന്റാര്. അത്തെ അയാള് കഡേസില പെ്ളേപ്പ് മുന്നുക്കുല പെ്ളേപ്പ്‌ന ബ്‌ഡ ഒന്റേപെ്ട്ട് മോസായി തള്ള്‌ന്റ്. ഈ കേ്ഡ്‌ഗെ്ട്ട തലെകെ്ട്ട്‌ക്ക്‌മ് അത്ത്യാമ്.>>

മത്തായി 22:7

രാജാവു മൊനേക്ക് തെ്ട്ടി പട്ടളഗാറാര്‌ന ബ്‌ട്ട് അയി കൊലെഗാറാര്‌ന കൊന്റു അവാര് പട്ടണന സുട്ടു തള്ള്‌നാന്.

മത്തായി 3:2

<<സാമി ആളുവ കാല ബര്യ പോവാദ്‌നാലെ പാവ ഗേവാദ്‌ന തള്ളി സാമിസാരി തിര്‌ഗ്‌ന്>> എന്റ് ആലാത്താലാത്ത് സൊന്നാന്.

ലൂക്കോസു 13:2

ഏസ്സ് അവാര്‌ക്ക്: <<അയി ഗലീലഗാറാര്‌ക്ക് ഇത്തെ സാവു ബന്താദ്‌നാലെ അവാര് എല്ലാ ഗലീലഗാറാര്‌ക്ക്‌മ് ബ്‌ഡ പാവ ഗേന്റവാരായി ഇന്താരെന്റ് നിമ്മ നെനേക്ക്‌ന്റ്‌റ?>>

ലൂക്കോസു 13:4

അല്ല, സീലോഗാമ് മണ്ടഗ ഇ്ഡിന്ത് ബ്‌ന്ത് സത്ത് പോന പദ്‌നെ്ട്ടാള് എര്‌സലേമ്‌ലിന്ത എല്ലാ ആള്‌ഗാള്‌നാമ് ബ്‌ഡ കുറ്റഗാറാര് ആയിന്താര് എന്റ് നിമ്മ നെനേക്ക്‌ന്റ്‌റ?

ലൂക്കോസു 13:5

ഇല്ലെ, പാവ ഗേവാദ്‌ന ബ്‌ട്ട് സാമിസാരി തിര്‌ഗാദെ പോന നിമ്മാമ് അദേപാസെത്തെ കെ്ട്ട് പോവുറു എന്റ് നാന് നിമാക്ക് സൊന്റെ>> എന്റ് സൊന്നാന്.

ലൂക്കോസു 24:47

തപ്പ് ഗേവാദ്‌ന തള്ളി സാമിസാരി തിര്‌ഗ്‌ന്റവാര്‌ക്ക് തമ്മ ഗേന്ത പാവാക്ക് പൊറിമെ കെ്ഡേക്ക്‌മ് എന്നുവ സേദിന പറ്റിമ് എര്‌സലേമ്‌ലിന്ത് പ്‌ഡിത്ത് എല്ലാ നാഡ്‌ഗാള്‌ക്ക്‌മ് അയാള് പേര്‌ല് സൊല്ലുവാര് എന്റ്‌മ്‌ത്തെ സാമി ബൊക്കുലു എ്ള്‌ദിര്‌ക്കുവാദ്.

അപ്പോസുത്തലാര് 3:19

അദ്‌നാലെ നിമ്മ ഗേവ കാര്യഗാള് പാവ എന്റ് തെരിന്ത് അദ്‌ന തള്ളി ഇന്നി ഗേഗാദെ ഇര്‌ക്കുഡൊ, പ്‌റ സാമിസാരി ബരുഡൊ. അന്നാപ്പ് സാമി നിമ്മ് പാവാക്ക് പൊറിമെ തരുവാന്. നിമ്മ അത്തെ ഗേന്തദാന,