ലൂക്കോസു 12:47 - സാമി സേദി

⁴⁷ പണ്ണാഡി പിര്യപഡുവാദ് എന്തെന്റ് തെരിന്തിന്ത്‌മ് ഒരുങ്കാദേമ് പണ്ണാഡി പിര്യപഡുവാദ്‌ന ഗേഗാദേമ് ഇര്‌ക്കുവ ഗിലാസഗാറാന്‌ക്ക് സെര്യാന ദെ്ണ്ടണെ കെ്ഡേക്ക്‌മ്.

ലൂക്കോസു 12:47 ပူးပေါင်းရင်းမြစ်များ

ആക്കോവു 4:17

അദ്‌നാലെ ഒരുത്താന്‌ക്ക് സാമി ആസെപഡുവ നല്ല കാര്യഗാള്‌ന തെരിന്തിന്ത്‌മ് അയി കാര്യഗാള്‌ന ഗേഗാദിന്തദാന അദ് സാമി കണ്ണ്ക്ക് കുറ്റാത്തെ.

ഓഗന്നാന് 9:41

അദുക്കുള ഏസ്സ്: <<നിമ്മ കുറുഡാര് ആയിന്തദാന നിമ്മ പാവ ഇല്ലത്തവാര് ആയിന്ത്‌റ്‌ക്കുവുറു. ആന നിമാക്ക് കണ്ണ് കാട്ട്‌ന്റ് എന്റ് സൊല്ലുവാദ്‌നാലെ നിമ്മ് പാവാക്ക് പൊറിമെ കെ്ഡേക്കാദെ ഇര്‌ക്ക്‌മ്>> എന്റ് സൊന്നാന്.

ഓഗന്നാന് 12:48

എന്ന് നായന കേ്ള്‌ക്ക്യ മനേസ്സില്ലാദെ എനാന തള്ള്‌ന്റവാന്‌ന ബിദിക്ക്‌ന്റവാന് ഇര്‌ക്ക്‌ന്റാന്. നാന് സൊന്ന നായഗാള് താനെത്തെ അയാള്‌ന കഡേസി നാള്‌ല് ബിദിക്ക്‌മ്.

അപ്പോസുത്തലാര് 17:30

മുന്തെ കാലാത്ത്‌ല് ആള്‌ഗാള്‌ക്ക് സാമിന തെര്യാദെ ഇന്ത്‌ദ്. അദ്‌ന സാമി കണാക്കാക്കുവാലെ. ആന ഇന്നാല് സാമി ഉലഗാത്ത്‌ല് ഇര്‌ക്കുവ ആള്‌ഗാള്‌ന ഒട്ടുക്കു തമ്മ ഗേവാദ് പാവ എന്റ് തെരിന്ത് അദ്‌നെല്ല തള്ളി സാമിസാരി ബരുഡൊ എന്റ് സാമി സൊന്റാന്.

ഓഗന്നാന് 19:11

അദ്‌ക്ക് ഏസ്സ്: <<സാമിലിന്ത് നിനാക്ക് അദിഗര കെ്ഡേക്കാദെ ഇന്തിന്തദാന നിനാക്ക് എനാന ഒന്റുമു ഗേയ മുഡ്യമാട്ടായിന്ത്‌ദ്. അദ്‌നാലെ എനാന നിന്ന് കയിക്ക് തന്തവാന് അദിഗ പാവ ഗേന്തവാന്‌ത്തെ>> എന്റ് സൊന്നാന്.

ലൂക്കോസു 12:41

അദുക്കുള പത്ത്‌റോസു: <<ആണ്ടവാനെ, ഈ കദെ എമാക്ക് താനെത്തേഗ ഇല്ലെ എല്ലാവാര്‌ക്ക്‌മ് കൂഡിത്തേഗ സൊന്നാദ്?>> എന്റ് കേ്ട്ടാന്.

ലൂക്കോസു 12:46

അയി ഗിലാസഗാറാന് നെനേക്കാത്ത നാള്‌ക്ക്‌മ് തെര്യാത്ത ഗളിഗേക്ക്‌മ് അയാള് പണ്ണാഡി ബരുവാന്. പ്‌റ അയി പണ്ണാഡി അയാള്‌ന ദെ്ണ്ടിത്ത് സാമിന നമ്പാത്തവാര് കൂട്ടാക്ക് സേത്തുവാന്.