ലൂക്കോസു 12:2 - സാമി സേദി

² ആരാറ്റ എന്ത്‌നെല്ല ഒളിസി ബെത്താല്‌മ് അദ്‌നെല്ല സാമി ബെ്ളിഗെ കഡാത്തുവാന്, സൂഗാന സൊല്ലുവാദ്‌നെല്ല സാമി കാട്ടി കൊഡുക്കുവാന്.

ലൂക്കോസു 12:2 ပူးပေါင်းရင်းမြစ်များ

മര്‌ക്കോസു 4:22

എന്ത്‌നാത്തെ ഒളിസി ബെത്തിന്താല്‌മ് അദ് ബെ്ളിഗെ ബര്‌മ്, മൂഡി ബെത്താദ് ത്‌റാന്ത് ബെ്ളിഗെ കഡാക്കുവു.

ലൂക്കോസു 8:17

ബെ്ളിഗെ കഡാക്കാദെ മറേന്ത്‌റ്‌ക്കുവാദ് ഒന്റുമില്ലെ. അഡേത്ത് ബെത്ത്‌റ്‌ക്കുവാദെല്ല ആള്‌ഗാള്‌ക്ക് തെര്യാദേമ് ബെ്ളിഗാഗാദേമ് ഇര്‌ക്കമാട്ട.

റോമഗാറാര് 2:16

ക്‌റ്‌സ്‌ത്ത് ഏസ്സ്‌ന ബെത്ത് സാമി മന്‌സാര്‌ഗാള്‌ന ബിദിക്കുവ നാള്‌ക്ക് മന്‌സാന് തന്ന് മനേസ്സ്‌കുള്ളുക്കു ബെത്ത്‌റ്‌ക്കുവ എല്ലാ നെനേവുഗാള്‌നാമ് ബെ്ളിഗെ എ്ഡ്‌ത്ത് കാട്ടി അവാര്‌ന ബിദിക്കുവാന്. ഈ കാര്യ നാന് സൊല്ലുവ നല്ല സേദിക്ക് തഗ്‌ന്ത പഡി ഉള്ളാദ്‌ത്തെ.

1 കൊരിന്ത്യഗാറാര് 4:5

അദ്‌നാലെ ആണ്ടവാന് ബന്ത് ബിദിക്കുവ ഗളിഗെ ബരമാട്ട്‌ക്ക് ആര്‌നാമ് ബിദിക്കാദേന്. അന്നമാട്ട്‌ക്ക് കാത്ത്‌റ്‌ന്. ഇ്റ്‌ട്ട്‌ല് മറേന്ത്‌റ്‌ക്കുവാദ്‌ന ബെ്ള്‌സാക്ക് കഡാത്തുവ പാസെ മന്‌സാര് ഒളിസിമറേസി ബെത്ത കാര്യഗാള്‌ന അയാള് എദ്‌ക്ക മാഡുവാന്. അദല്ലാദെ താനെ ആള്‌ഗാള് മനേസ്സ്‌ല് നെനേത്ത് ബെത്ത്‌റ്‌ക്കുവ നെനേവുഗാള്‌നാമ് എദ്‌ക്ക മാഡുവാന്. അയി ഗളിഗെ ഒന്റൊന്റാള്‌ക്ക്‌മ് അവനവാന്‌ക്ക് തഗ്‌ന്ത പേര്‌പെരിമെ സാമിലിന്ത് കെ്ഡേക്ക്‌മ്.

2 കൊരിന്ത്യഗാറാര് 5:10

എന്ത്‌ക്കെന്റ് സൊന്ന ഒന്റൊന്റാള്‌മ് നമ്മ സരിഗലാത്ത്‌ല് ഇര്‌ക്കാട്ടി ഗേന്താദ് കെ്ട്ടാദ് ആനാല്‌മ് സെരി നല്ലാദ് ആനാല്‌മ് സെരി അദ്‌ക്ക് തഗ്‌ന്ത കൂലി കെ്ഡേക്ക്‌മ്. അദ്‌ക്ക് ബേ്ണ്ടി നമ്മ എല്ലാവാര്‌മ് ക്‌റ്‌സ്‌ത്ത് നായ ബിദിക്കുവ പട്ട്‌ക്ക് പോയി നില്ല്യ ബേ്ണ്ടി ബര്‌മ്.