ലൂക്കോസു 11:8 - സാമി സേദി

⁸ എന്റാല്‌മ് നിമ്മ കേ്ട്ടാദഞ്ച്‌ക്ക്‌മ് അയാള് ഇ്ളാഗി ബന്ത് തരുവാന്. എന്ത്‌ക്കെന്റ് സൊന്ന അയാള് എ്ണേവുഗാറാന് ആനാദ്‌നാലെ അല്ല, നത്ത്‌നത്ത കേ്ട്ട്‌കൊണ്ടേ ഇന്താദ്‌നാലെത്തെ തരുവാദ്.

ലൂക്കോസു 11:8 ပူးပေါင်းရင်းမြစ်များ

ലൂക്കോസു 11:7

അദുക്കുള ബീ്ഡ്‌കുളാക്ക് ഇര്‌ക്ക്‌ന്റവാന്: <എനാന തൊന്തറെ മാഡാദെ, ബാസാമ് അഡേത്ത്‌റ്‌ക്ക്‌ന്റ്, മക്കാള്‌ഗാള്‌മ് എന്നോഡൊപ്പ ഉറാങ്ക്‌ന്റാര്, ഇന്നാല് ഇ്ളാഗി ബന്ത് എന്തൊന്റു എ്ഡ്‌ത്ത് തര്യ എനാക്ക് മുഡ്യാമാട്ട> എന്റ് സൊന്നാന്.

റോമഗാറാര് 15:30

ഏസ്സ്‌ഗാറാരെ, നമ്മ് ആണ്ടവാന് ഏസ്സ് ക്‌റ്‌സ്‌ത്ത്‌നാമ് സാമിനിഗാല് തന്ത സീവാന്‌നാമ് നെനേത്ത് നാന് നിമാന ബേ്ണ്ടികൊള്ളുവാദ് എന്തെന്റ് സൊന്ന, നിമ്മ എനാക്ക് ബേ്ണ്ടി എന്നോഡ എ്ണേന്ത് ഇത്തെ പരേസ്‌ന്.

2 കൊരിന്ത്യഗാറാര് 12:8

ഇദ് എനാന ബ്‌ട്ട് പോയ ബേ്ണ്ടി നാന് മൂറു ജമ്പ് ആണ്ടവാന്‌ന ബേ്ണ്ട്‌നെ.

കൊലേസ്യഗാറാര് 2:1

നിമാക്ക് ബേ്ണ്ടിമ് ലവുദിക്ക്യാല ഏസ്സ്‌ഗാറാര് കൂട്ടാക്ക് ബേ്ണ്ടിമ് എനാന തെര്യാത്ത ബേ്റെ ആള്‌ഗാള്‌ക്ക് ബേ്ണ്ടിമ് നാന് എത്ത്‌റ പാഡ്‌പഡ്‌ന്റെ എന്റ് നിമ്മ തെര്യ ബേ്ണ്ടി നാന് ആസെപഡ്‌ന്റെ.

കൊലേസ്യഗാറാര് 4:12

നിമ്മ് പട്ട്‌ലിന്ത് ഈങ്ക് ബന്ത എപ്പപ്‌റോസുമു നിമ്മ നലമായി ഇര്‌ക്ക്‌ന്റ്‌റ എന്റ് കേ്ള്‌ക്ക്‌ന്റാന്. സാമി മനേസ്സ്‌ലിര്‌ക്കുവ കാര്യഗാള്‌ന നിമ്മ തെരിന്ത് നിമ്മ ഏസ്സ്‌ന പാസെ ആഡൊ എന്റ് ഒപ്പ പരേസികൊണ്ടു ഏസ്സ് ക്‌റ്‌സ്‌ത്ത്‌ക്ക് ബേ്ണ്ടി നല്ല ഗിലാസ ഗേന്റാന്.