ലൂക്കോസു 11:43 - സാമി സേദി

⁴³ പരിസനാമെ, നിമാക്ക് കജട്ട കജട്ടാത്തെ, എഗുദാര് പരേസുവ ബീ്ഡ്‌ല് മുക്ക്യമാന എ്ഡേല് കുക്കാക്ക്യാമ് സന്തേക്ക്‌റാഗ ഇര്‌ക്ക്‌ന്റവാര് മദ്‌പ്പ് കെ്ഡേസ്യാമ് നിമ്മ ആസെപഡ്‌ന്റ്‌റ്.

ലൂക്കോസു 11:43 ပူးပေါင်းရင်းမြစ်များ

ലൂക്കോസു 20:46

<<ബേദബാത്ത്യനാമ്‌ഗാള്‌ന നിമ്മ സൂസാരിത്തിര്‌ന്, എന്ത്‌ക്കെന്റ് സൊന്ന നല്ല നല്ല ജൊഗെ ഇക്കി നഡാക്ക്യാമ് സന്തേക്ക്‌റാഗ ഇര്‌ക്ക്‌ന്റവാര് മദ്‌പ്പ് കെ്ഡേസ്യാമ്, എഗുദാര് പരേസുവ ബീ്ഡ്‌ല് മുക്ക്യമാന എ്ഡേല് കുക്കാക്ക്യാമ്, ബിര്‌ന്ത് പട്ട്‌ല് എല്ലാര് മുന്നുക്കു ഇര്‌ക്ക്യാമ് അവാര് ആസെപഡ്‌ന്റാര്.

3 ഓഗന്നാന് 1:9

ഇദേപാസെ ബേ്ഡ്‌മാന കാര്യഗാള് ഗേന്ത് കൊഡുക്ക്യ അദ്‌ലിര്‌ക്കുവ ഏസ്സ്‌ഗാറാര് കൂട്ടാക്ക് മുദാല് താനെ ഒന്റു എ്ള്‌ത്ത് എ്ള്‌ദി ബ്‌ട്ടിന്തെ. ആന ദിയോത്തിരിപോസു ദൊഡ്ഡവാനായ ആസെപട്ടിന്താദ്‌നാലെ നമ്മ സൊന്നാദ്‌ന സെറ്റെ ഗുഡി കേ്ള്‌ക്കാലെ.

പിലിപ്പ്യഗാറാര് 2:3

നിമ്മ ഒന്റു കാര്യ ഗേഗാട്ടി നിമാന താനെ ദൊഡ്ഡവാര് എന്റ് നെനേക്ക്യ ബേ്ണ്ടിമ് നിമ്മ ഗേവാദ്‌ന പറ്റി ഏസ്സി നഡാക്ക്യ ബേ്ണ്ടിമ് നിമ്മ ഗേഗാദേന്. അദ്‌ക്ക് ബദ്‌ല നിമ്മ തണിന്ത് നഡാക്ക്‌ന്റവാര് ആയിന്ത് അഡ്‌ത്തവാര്‌ന നിമാന ബ്‌ഡ ദൊഡ്ഡവാര് എന്റ് നെനേത്ത് കൊണ്ടു നിമ്മ ഗേഡൊ.

റോമഗാറാര് 12:10

ക്‌റ്‌സ്‌ത്ത്‌ന നമ്പിര്‌ക്കുവ നിമ്മ പെ്റ്റപ്‌റാപ്പ്‌ഗാള്‌ന പാസെ ആങ്കീങ്ക് സീവാന്‌ബെത്ത് നഡാന്, ആങ്കീങ്ക് മദിസി നഡാക്കുവ കാര്യാത്ത്‌ല് നിമ്മ മുന്ത്‌നവാര് ആയിര്‌ന്.

മത്തായി 11:16

നാന് ഈ കാലാത്ത്‌ലവാര്‌ന ഏദ്‌ക്ക് എ്ണേത്ത് സൊല്ലുവെ? സന്തെകഡേക്ക്‌റാഗ കുക്കാന്തിന്ത്, <എമ്മ നിമാക്ക് ബേ്ണ്ടി കുഗാല് പ്‌ഡിത്തേമ്, ആന നിമ്മ ആഡാലെ. എമ്മ സുലാക്ക സൊല്ലി കേ്യിന്തേമ്, ആന നിമ്മ നെഞ്ച്‌നമാര്‌ന അഡിത്ത് കേ്യാലെ> എന്റ് എ്ണേവുഗാറാര്‌ക്ക് ബ്‌ളിത്ത് സൊല്ലുവ മക്കാള്‌ഗാള്‌ക്ക് സമാത്തെ അവാര്.