ലൂക്കോസു 11:4 - സാമി സേദി

⁴ ബേ്റാള് എമാക്ക് പാവ ഗേഗാട്ടി എമ്മ പൊറുത്ത പാസെ എമ്മ ഗേന്ത പാവാനാമ് പൊറുക്കുഡോമെ, പാവ ഗേവ ആസേക്ക് സിക്ക്‌സാദെ എമാന കാക്കുഡോമേ> >> എന്റ് പരേസ്യ സൊന്നാന്.

ലൂക്കോസു 11:4 ပူးပေါင်းရင်းမြစ်များ

മത്തായി 18:35

നിമ്മ ഒന്റൊന്റാള്‌മ് അഡ്‌ത്തവാരോഡ മനേസ്സാറ പൊറുക്കാദെ പോന മേലോഗാത്ത്‌ല എന്ന് അപ്പാന് സാമിമ് നിമാന അത്തേത്തെ ഗേവാന്.>>

മത്തായി 26:41

സോദണേക്ക് സിക്കാദിര്‌ക്ക്യ ഉറങ്കാദെ പരേസ്‌ന്. മനേസ്സ്‌ക്ക് ആസെ ഇര്‌ക്ക്‌ന്റ്. ആന സരിഗലാക്ക് മുഡിവാദില്ലെ>> എന്റ് സൊന്നാന്.

ലൂക്കോസു 11:5

പ്‌റസാരി ഏസ്സ് അവാര്‌ക്ക്: <<നിമ്മ ആരാറ്റ ഒന്റാള്‌ക്ക് ഒന്റു എ്ണേവുഗാറാന് ഇര്‌ക്ക്‌ന്റാനെന്റ് ബെയിന്. നഡുഗൂറു ജാമാത്ത്‌ല് നിമ്മ അയാള് ബീ്ഡ്‌ക്ക് പോയി <മൂറു അഡെ താ, നാന് പ്‌റ നിനാക്ക് തന്റെ.

ലൂക്കോസു 13:4

അല്ല, സീലോഗാമ് മണ്ടഗ ഇ്ഡിന്ത് ബ്‌ന്ത് സത്ത് പോന പദ്‌നെ്ട്ടാള് എര്‌സലേമ്‌ലിന്ത എല്ലാ ആള്‌ഗാള്‌നാമ് ബ്‌ഡ കുറ്റഗാറാര് ആയിന്താര് എന്റ് നിമ്മ നെനേക്ക്‌ന്റ്‌റ?

ലൂക്കോസു 22:46

<<നിമ്മ എന്ത്‌ക്ക് ഉറാങ്കുവാദ്? സോദണേക്ക് സിക്കാദിര്‌ക്ക്യ ഇ്ളാഗി പരേസ്‌ന്>> എന്റ് സൊന്നാന്.

ലൂക്കോസു 8:13

അഡി അറെര്‌ക്കുവ പട്ട്‌ക്ക് ബ്‌ന്ത ബെദെ എന്നുവാദ് സാമി സൊല്ലുസുലാക്കാന കേ്ട്ട് പിര്യപിര്യാത്ത് തങ്കാരിക്ക്‌ന്റവാര്‌ത്തെ. ആന അഡി ബേര് ഇ്റാഗ്യ മണ്ണില്ലാദിന്ത്‌ദ്. അദ്‌നാലെ പാദി നാള് അവാര്‌ക്ക് നമ്പിക്കെ ഇന്ത്‌ദ്. ആന സോദണെ ബര്‌ഗാട്ടി അവാര്‌ക്ക് നമ്പിക്കില്ലാദാന്റ്.

ഓഗന്നാന് 17:15

അവാര്‌ന ഉലഗാത്ത്‌ലിന്ത് എ്ഡ്‌ക്കുഡൊ എന്റല്ല, കെ്ട്ടവാന് കയിക്ക് സിക്ക്‌സാദെ അവാര്‌ന കാത്ത് കൊള്ളുഡോമെ എന്റ്‌ത്തെ നാന് പരേസുവാദ്.

1 കൊരിന്ത്യഗാറാര് 10:13

പൊദുവുലു മന്‌സാര്‌ഗാള്‌ക്ക് ബരുവ സോദണെഗാള്‌ത്തെ നിമാക്ക് ബന്ത്‌ദ്. നിമാക്ക് താങ്ക്യ മുഡ്യാത്തത്ത്‌റ സോദണെ ബര്യ സാമി ബ്‌ഡമാട്ടാന്. എന്ത്‌ക്കെന്റ് സൊന്ന സാമി നമ്പ്യ മുഡിന്റവാന്‌ത്തെ. നിമാക്ക് സോദണെ ബര്‌ഗാട്ടി അദ്‌ന താങ്കി തപ്പിസി കഡാക്ക്യ സാമി നിമാന ബിലപഡുസുവാന്.

കൊലേസ്യഗാറാര് 3:13

ആര് എന്തെല്ല ഗേന്താല്‌മ് അദ്‌ന നിമ്മ താങ്ക്‌ന്റവാരായി ഇര്‌ന്, എന്തൊന്റു കുറ്റഗാള് ഇന്തദാന ആണ്ടവാന് നിമാന പൊറുത്ത പാസെ നിമ്മാമ് ആങ്കീങ്ക് പൊറുത്തിര്‌ന്.

2 തെസെലോനിക്ക്യഗാറാര് 3:3

ആന ആണ്ടവാന് നമ്പ്യ മുഡിന്റവാന്‌ത്തെ. അയാള് നിമാന ഒറേപ്പുള്ളവാര് മാഡി കെ്ട്ടവാന് കയിലിന്ത് നിമാന സൂസാരിത്ത് ബെക്കുവാന്.

2 തിമിത്തോസു 4:18

എനാന കെ്ഡ്‌സുവ എല്ലാ കാര്യഗാള്‌ക്ക്‌മ് സിക്ക്‌സാദെ പാദ്‌ഗാപ്പോഡ സാമി ആള്യ പോവ നാഡ്‌ക്ക് ആണ്ടവാന് എത്തുസുവാന്. അയി ആണ്ടവാന്‌ക്ക് പേര്‌പെരിമെ എന്നാല്‌ക്ക്‌മ് ഇര്‌ക്കുഡൊ. ആമേന്.

ആക്കോവു 2:13

അത്തെ ഇന്ന്യൊന്റൊരുത്താന് പാവ ഗേവാദ്‌ന കാണ്‌ഗാട്ടി നീയിമ് ഗവപട്ട് നായനൊഡിവദാന സാമി നിനാനാമ് ഗവപഡുവാന്. ഗവ പട്ട ബിദിമ് ദൂളു പറാക്കൂ.

ബെ്ളിപട്ട കാര്യ 2:10

നീ കജട്ടപഡ്യ പോവാദ്‌ന പറ്റി നീ അഞ്ചബേ്ഡ. നിമാന സോദണെ ഗേയ ബേ്ണ്ടി സെയിത്താന് നിമാത്ത്‌ല് പഗ്‌ദ്യാള്‌ന ജെയില്‌ക്ക് അഡേക്കുവാന്. പത്ത് നാള് നിമാക്ക് കജട്ട ഇര്‌ക്ക്‌മ്. നിമാന കൊല്ലുവദാനാല്‌മ് എനാന നമ്പുവാദ്‌ന തള്ളദേന്. എന്റദാന, നാന് നിമാക്ക് എന്നാല്‌ക്ക്‌മ് ഇര്‌ക്കുവ ഉജുരുന ഗിര്യാഡായി തരുവേന്.

ബെ്ളിപട്ട കാര്യ 3:10

പൊറിമോഡ താങ്കുവാദ്‌ന പറ്റ്യുള്ള എന്ന് ബുദ്ദിനായന നീ കേ്ട്ട് നഡാന്തായി. അദ്‌നാലെ ബൂമിലിര്‌ന്റവാര്‌ന ഒട്ടുക്കു സോദണെ ഗേയ ബേ്ണ്ടി ബൂമില് ഒട്ടുക്കുമു ബര്യ ഇര്‌ക്കുവ കജട്ട കാല ഗളിഗേക്ക് നാന് നിനാന പാദ്‌ഗാക്കുവെ.