ലൂക്കോസു 11:22 - സാമി സേദി

²² ആന അയാള്‌ന ബ്‌ഡ മുജുവുള്ളവാന് ബന്ത് അയാളോഡ ജുദ്ദ ഗേന്ത് അയാള് നമ്പിന്ത ജുദ്ദ ഗേവ ജാദിഗാള്‌നാമ് പ്‌ഡിങ്ക്യെ്ഡ്‌ത്ത പ്‌റ അദ്‌ലിന്ത് പ്‌ഡിങ്ക്യെ്ഡ്‌ത്ത മുദാല്‌മുമ്പുഗാള്‌ന പങ്കി കൊഡുക്കുവാന്.

ലൂക്കോസു 11:22 ပူးပေါင်းရင်းမြစ်များ

ലൂക്കോസു 11:21

ജുദ്ദ ഗേവ ജാദിഗാള് മൊത്തനാക്ക് ഇര്‌ക്കുവ ഒന്റു മന്‌സാന് തന്ന് ബീ്ഡ്‌ന കാവ കാത്ത് കൊണ്ടിന്തദാന അയാള് സൊത്തുഗാളെല്ല പാദ്‌ഗാപ്പോഡ ഇര്‌ക്ക്‌മ്.

ലൂക്കോസു 11:23

എന്നോഡൊപ്പ ഇര്‌ക്കത്തവാര് എനാക്ക് പോട്ടിഗാറാര്‌ത്തെ. എന്ന് പിന്ന്‌മേലെ നഡാക്ക്‌ന്റവാര്‌ന എന്ന് പട്ട്‌ക്ക് കൂഡുസ്യ കയിതാങ്കാത്തവാന് എന്ന് പിന്ന്‌മേലെ നഡാക്ക്‌ന്റവാര്‌ന ജില്ലമ്പുല്ലാത്ത് മാഡി തള്ള്‌ന്റാന്>>.

എപസോസുഗാറാര് 6:11

എന്ത്‌ക്കെന്റ് സൊന്ന നിമാന ഏമാത്ത്യ നെനേക്കുവ സെയിത്താന് തന്ത്‌റഗാള്‌ന ദൂളു പറാത്ത്യ സാമിക്കിര്‌ക്കുവ ഗുണ ഇര്‌ക്ക്‌ന്റവാരായിര്‌ന്.

എപസോസുഗാറാര് 6:13

അദ്‌നാലെ അവാര് നിമ്മ് മനേസ്സ്‌ക്ക് പല എ്ണ്ണഗാള്‌ന ബരിസ്സി നിമാന ബുദ്ദിമുട്ടുസുഗാട്ടി സാമി നെനേത്ത്‌റ്‌ക്കുവാദ്‌ന ഗേന്ത് മുഡിക്ക്യ നിമ്മ സാമിക്കിര്‌ക്കുവ എല്ലാ ഗുണഗാള്‌മ് ഇര്‌ക്ക്‌ന്റവാരായി പെ്ളേന്.

കൊലേസ്യഗാറാര് 2:15

ഏസ്സ് അത്തെ ഗേന്താദ്‌നാലെ നമാന കുറ്റഗാറാര് മാഡുവ സട്ടഗാള്‌ന ബെത്ത് ദെ്ണ്ടിക്ക്യ ഒരിങ്കിന്ത മാഗെ ലോഗാത്ത്‌ല എല്ലാ അദിഗാരിഗാള്‌നാമ് ആള്‌ന്റവാര്‌നാമ് തന്ന് കാല്‌കഡി മാഡി താന് ഗെലിസി കഡാന്ത് അവാര്‌ന നാണഗെ്ഡ്‌സ്‌നാന്.

1 ഓഗന്നാന് 3:8

സാമി സട്ടാക്ക് മീ്റി പാവ ഗേന്ത് കൊണ്ടു ഇര്‌ക്ക്‌ന്റവാരെല്ല സെയിത്താന് പ്‌ള്ളെഗാള്‌ത്തെ. എന്ത്‌ക്കെന്റ് സൊന്ന മുദാലിന്തെ സാമി സട്ടാക്ക് മീ്റി സെയിത്താന് പാവ ഗേന്റാന്. സെയിത്താന് ഗേവ കാര്യഗാള്‌നെല്ല അളിക്ക്യാത്തെ സാമിമഗാന് മന്‌സാനായി പ്‌റാന്താദ്.

1 ഓഗന്നാന് 4:4

ആന പ്‌ള്ളെഗാളെ, സാമിനിഗാല്‌ല് സാമിപ്‌ള്ളെഗാള് ആയിര്‌ക്കുവ നിമ്മ അയാള്‌ന പാസെ ഇര്‌ക്കുവ ആള്‌ഗാള്‌ന സോലുസിര്‌ക്ക്‌ന്റ്‌റ്. എന്ത്‌ക്കെന്റ് സൊന്ന നിമ്മോഡിര്‌ക്കുവ സാമിനിഗാല് അവാരോഡിര്‌ക്കുവ നിഗാല്‌ന ബ്‌ഡ ദൊഡ്ഡവാന്‌ത്തെ.