21 ജുദ്ദ ഗേവ ജാദിഗാള് മൊത്തനാക്ക് ഇര്ക്കുവ ഒന്റു മന്സാന് തന്ന് ബീ്ഡ്ന കാവ കാത്ത് കൊണ്ടിന്തദാന അയാള് സൊത്തുഗാളെല്ല പാദ്ഗാപ്പോഡ ഇര്ക്ക്മ്.
മുജുവുഗാറാന്ന പ്ഡിത്ത് കെ്ട്ടി ബെക്ക്യ മുഡ്യാദെ പോന അയാള് ബീ്ഡ്ക്ക് നൊഗേന്ത് അയാള്ക്കിര്ക്കുവ മുദാല്മുമ്പുന ത്റ്ഡി എ്ഡ്ക്ക്യ ആര്ക്ക്മ് മുഡ്യാമാട്ട. മുദാല് അയാള്ന പ്ഡിത്ത് കെ്ട്ടി ബെക്കുഡൊ. എന്റപ്റാത്തെ അയാള് മുദാല്മുമ്പുന ത്റ്ഡി എ്ഡ്ക്ക്യ മുഡിവു.
മുജുവുഗാറാന്ന പ്ഡിത്ത് കെ്ട്ടി ബെക്ക്യ മുഡ്യാദെ പോന അയാള് ബീ്ഡ്ക്ക് നൊഗേന്ത് അയാള്ക്കിര്ക്കുവ മുദാല്മുമ്പുന എത്തെ പ്ഡിങ്കി എ്ഡ്ക്ക്യ മുഡിമ്? മുദാല് അയാള്ന പ്ഡിത്ത് കെ്ട്ടി ബെക്കുഡൊ. എന്റപ്റാത്തെ അയാള് മുദാല്മുമ്പുന പ്ഡിങ്കി എ്ഡ്ക്ക്യ മുഡിവു.
ആന നാന് സാമി സക്തില്ത്തെ കെ്ട്ടജാദിന തട്ടിസി തള്ളുവദാന സാമി ആളുവാദ് നിമ്മ് പട്ട്ക്ക് ബന്ത് എജ്ജിര്ക്ക്ന്റ്.
ആന അയാള്ന ബ്ഡ മുജുവുള്ളവാന് ബന്ത് അയാളോഡ ജുദ്ദ ഗേന്ത് അയാള് നമ്പിന്ത ജുദ്ദ ഗേവ ജാദിഗാള്നാമ് പ്ഡിങ്ക്യെ്ഡ്ത്ത പ്റ അദ്ലിന്ത് പ്ഡിങ്ക്യെ്ഡ്ത്ത മുദാല്മുമ്പുഗാള്ന പങ്കി കൊഡുക്കുവാന്.