ലൂക്കോസു 10:39 - സാമി സേദി

³⁹ അവാള്‌ക്ക് മറിയ എന്റ് സൊല്ലുവ തങ്കേസിമ് അദ്‌ല് ഇന്താള്. മറിയ ആണ്ടവാന് കാല്‌ക്കര്‌ഗെ ഇന്ത് അയാള് സൊല്ലുവാദ്‌ന സൊക്കാന കേ്ട്ട്‌കൊണ്ടു ഇന്താള്.

ലൂക്കോസു 10:39 ပူးပေါင်းရင်းမြစ်များ

ലൂക്കോസു 8:35

എന്ത് നഡാന്ത്‌ദ് എന്റ് തെര്യ ബേ്ണ്ടി ആള്‌ഗാള് ബന്ത് കൂഡുനാര്. അവാര് ഏസ്സ് പട്ട്‌ക്ക് ബര്‌ഗാട്ടി കെ്ട്ടജാദി തട്ടിന്തവാന് ബുദ്ദി തെ്ളിന്തവാനായി സീലെസിലാപ്പിക്കി ഏസ്സ് കാലര്‌ഗെ കുക്കാന്ത്‌റ്‌ക്കുവാദ്‌ന കണ്ട് അഞ്ചിക്കെപട്ടാര്.

ഓഗന്നാന് 12:3

അദുക്കുള മറിയ അരെ പഡി നല്ല ബെലെപെറ്റ ബാഡഡിക്കു എ്ണ്ണേന എ്ഡ്‌ത്ത് ബന്ത് ഏസ്സ് കാല്‌ക്ക് ഊറ്റി തന്ന് തലെ മൂരുലു താനെ അയാള് കാല്‌ന തെനേത്താള്. തയില ബാഡെ ബീ്ഡൊട്ടുക്കു തുമ്പുറ്റു.

അപ്പോസുത്തലാര് 22:3

<<നാന് ഒന്റു എഗുദാര് ജാദിക്ക് പട്ടവാന്‌ത്തെ. കിലിക്ക്യ നാഡ്‌ല തറ്‌സോസു എന്നുവ പട്ടണാത്ത്‌ല്‌ത്തെ നാന് പ്‌റാന്താദ്. നാന് ബളാന്താദ്‌മ് എര്‌സലേമ് എന്റ് സൊല്ലുവ ഈ പട്ടണാത്ത്‌ല്‌ത്തെ. ഗമേലിയേല്‌ത്തെ എന്ന് ബാത്ത്യാന് ആയിന്താദ്. ഈ ഗമേലിയേല് ബാത്ത്യാന്‌ലിന്ത്‌ത്തെ നമ്മ് പാട്ടനാമ് സട്ടഗാള്‌ന എത്തെ കേ്ട്ട് നഡാക്കുഡൊ എന്റ് നാന് നലമായി പഡിത്താദ്. ഇന്നാല് ഇദ്‌ല് നിമ്മ ഇര്‌ക്ക്‌ന്റവാര് ഒട്ടുക്കുമു സാമിക്ക് ബേ്ണ്ടി എത്തെല്ല ഗേയ മുഡിമൊ അത്തെല്ല ഗേയ നിമാന താനെ ഒപ്പിസിര്‌ന്റ്‌റ്. അദേപാസെ ഗേയ നാന്‌മ് എനാന താനെ സാമിക്ക് ഒപ്പിസിര്‌ന്റെ.

ലൂക്കോസു 2:46

മൂറാവാദ് നാള് അവാര് അവാന്‌ന സാമിബീ്ഡ്‌ല് ബെത്ത് കണ്ടാര്. അദുക്കുള അവാന് ബേദബാത്ത്യനാമ് പഡുസുവാദ്‌ന കേ്ട്ട് കൊണ്ടുമു അവാരോഡ കേ്ള്‌വി കേ്ട്ട് കൊണ്ടുമു അവാര് കൂട്ടാത്ത്‌ലിന്താന്.

ഓഗന്നാന് 11:1

ബെദന്യ ഊരുലിന്ത ലാസാറ് എന്റ് സൊല്ലുവ ഒരുത്താന് നോയായിന്താന്. മറിയാമ് അവാള് അക്കേസി മാറ്‌ത്തേമ് ഇന്ത ഊരുത്തെ ബെദന്യ.

ലൂക്കോസു 10:42

ആന ഒന്റുത്തെ ബേ്ഡ്‌മ്, മറിയ നല്ലാദ്‌ന തെരിന്തെ്ഡ്‌ത്താള്. അദ്‌ന അവാളോഡിന്ത് എ്ഡ്‌ത്ത് തള്ള്യ ആര്‌ക്ക്‌മ് മുഡ്യാമാട്ട>> എന്റ് സൊന്നാന്.

ഓഗന്നാന് 11:19

തമ്പ്യച്ചാന് സത്താദ്‌നാലെ ദുക്കപഡുവ മാറ്‌ത്തെനാമ് മറിയനാമ് പിരാക്ക്യ ബേ്ണ്ടി എഞ്ചോ എഗുദാര് അദ്‌ക്ക് ബന്തിന്താര്.