ലൂക്കോസു 10:34 - സാമി സേദി

³⁴ അവാന് അയാള് പട്ട്‌ക്ക് പോയി ഒലിവെ്ണ്ണേനാമ് ഊറബെത്ത മുന്തിരി സാരനാമ് ഈ്ഡ്‌പട്ടാദ്‌ക്ക് പൂസി അദ്‌ന കെ്ട്ട്‌ന പ്‌റ തന്ന് കള്‌ദെ കുദ്ദാക്ക് ഏ്റ്‌സി ബന്റവാര് പോന്റവാര് തങ്കുവ എ്ഡേക്ക് എ്ഡ്‌ത്ത് പോയി ബെത്ത് അയാള്‌ക്ക് ബേ്ഡ്‌മാനാദെല്ല ഗേന്താന്.

ലൂക്കോസു 10:34 ပူးပေါင်းရင်းမြစ်များ

മര്‌ക്കോസു 14:8

ഇവാള് തനാക്ക് ഗേയ മുഡിന്താദ്‌ത്തെ ഗേന്ത്‌റ്‌ന്റാള്. എന്ന് സാവുന പാത്ത്യ ബേ്ണ്ടി എന്ന് സാവുക്കു എ്ണ്ണെ പൂസി ഒരുക്കുവ കാര്യന മുദാല് താനെ അവാള് ഗേന്ത്‌റ്‌ന്റാള്.

ലൂക്കോസു 10:33

ആന ഒന്റു സമര്യ ജാദിക്ക് പട്ടവാന് അയി ബട്ടെമേലെ പോഗാട്ടി അയാള്‌ന കണ്ട് അയാള്‌ക്ക് ബേ്റ്‌വെന്ത്‌ദ്.

ലൂക്കോസു 10:35

മറ്‌നാള് അയി സമര്യ ജാദിക്ക് പട്ടവാന് റാഡ് ബെ്ള്ളി കാസ് എ്ഡ്‌ത്ത് ബന്റവാര് പോന്റവാര് ബീ്ഡ്‌ന നഡാത്ത്‌ന്റവാന് കയിക്ക് കൊഡുത്തു: <ഇയാള്‌ന സൊക്കാന നോഡുഡൊ. ദാസ്‌ത്തി സിലാവു ബന്തദാന നാന് തിരിഗി ബര്‌ഗാട്ടി തന്റെ> എന്റ് സൊന്നാന്.>>

ലൂക്കോസു 2:7

അദ്‌ല് ബെത്ത് മറിയ കോഡില മഗാന സീവാന് മിഞ്ച്‌നാള്. ബട്ടേക്ക്‌റാഗ പോന്റവാര് ബന്റവാര് തങ്കുവ ബീ്ഡ്‌ല് ഇര്‌ക്ക്യ എ്ഡെ ഇല്ലാദിന്ത്‌ദ്. അദ്‌നാലെ മറിയ മഗാന സീലേക്ക് സുറുട്ടി അദ്‌ല് മാഡ്‌ക്ക് തിന്ന്യ പുല്ലെ്ഡ്‌ത്തന്ത് ബെക്കുവ പട്ടഡേക്ക് ക്‌ഡാത്ത്‌നാള്.

റോമഗാറാര് 12:20

ആന <<നിന്ന് പോട്ടിഗാറാര്‌ക്ക് പജിപ്‌ഡിക്കുവദാന അയാള്‌ക്ക് തിന്ന്യ തീനി കൊഡു, നീരറാക്കെ എ്ഡ്‌ക്കുവദാന കുഡിക്ക്യ നീര് കൊഡു, നീ അത്തെ ഗേന്തദാന അയാള്‌ന നാണഗെ്ഡ്‌സുവായി>> എന്റ് സാമി സൊല്ലുസുലാക്കാത്ത്‌ല് എ്ള്‌ദിര്‌ക്ക്‌ന്റല്ല.

1 തെസെലോനിക്ക്യഗാറാര് 5:15

ആര്‌ക്ക്‌മ് കെ്ട്ടാദ്‌ക്ക് ബദ്‌ല കെ്ട്ടാദ് ഗേഗാദിര്‌ക്ക്യ നോഡുനു. ആന ആങ്കീങ്ക്‌മ് എല്ലാ ആള്‌ഗാള്‌ക്ക്‌മ് ഏദ്‌ഗളിഗേക്ക്‌മ് നല്ലാദ് ഗേയ ഓരാഡ്‌ന്.