ലൂക്കോസു 10:29 - സാമി സേദി

²⁹ ആന അയാള് താന് നേര്‌മെഗാറാന്‌ത്തെ എന്റ് കാട്ട്യ ബേ്ണ്ടി <<ആര് എന്ന് എ്ണേവുഗാറാന്?>> എന്റ് ഏസ്സ്‌ന കേ്ട്ടാന്.

ലൂക്കോസു 10:29 ပူးပေါင်းရင်းမြစ်များ

ലൂക്കോസു 16:15

അദുക്കുള ഏസ്സ് അവാര്‌ക്ക് ഇത്തെ സൊന്നാന്: <<നിമ്മ നിമാന താനെ മന്‌സാര് മുന്നുക്കു നേര്‌മെഗാറാര് മാഡി കാട്ട്‌ന്റ്‌റ്. ആന സാമിക്ക് നിമ്മ് മനേസ്സ്‌ന തെരിന്റ്. എന്ത്‌ക്കെന്റ് സൊന്ന മന്‌സാര് ദൊഡ്ഡാദെന്റ് നെനേക്കുവ കാര്യ സാമി കണ്ണ്‌ക്ക് സാത്ത്‌റത്തെ.

ഗലാത്ത്യഗാറാര് 3:11

മോസെ ബെത്ത സാമി സട്ടാത്ത്‌ല് സൊല്ലിര്‌ക്കുവ കാര്യഗാള്‌ന ഗേവാദ്‌നാലെ ആര്‌മ് നേര്‌മെഗാറാന് ആവാദില്ലെന്റ് സൊക്കാന തെരിമ്. എന്ത്‌ക്കെന്റ് സൊന്ന, <<സാമി കണ്ണ്‌ക്ക് നേര്‌മെഗാറാന് ആയിര്‌ക്ക്‌ന്റവാന് നമ്പിക്കെനാലെ പെ്ളേക്കുവാന്>> എന്റ് സാമി സൊല്ലുസുലാക്കാത്ത്‌ല് എ്ള്‌ദിര്‌ക്ക്‌ന്റ്.

റോമഗാറാര് 4:2

അവുറഗാമ് താന് ഗേന്ത കാര്യഗാള്‌നാലെത്തെ നേര്‌മെഗാറാന് ആയിന്തദാന അയാള്‌ക്ക് തനാന പറ്റി പെരിമെപഡുവാദ്‌ക്കുള്ള ബഗെ ഇര്‌ക്ക്‌ന്റ്. ആന സാമി കണ്ണ്‌ക്ക് ഇല്ലെ.

റോമഗാറാര് 10:3

സാമി നേര്‌മെഗാറാര് മാഡുവാദ്‌ന പറ്റി അവാര് തെര്യാത്തവാര് ആനാദ്‌നാലെ തമ്മ ഗേവ കാര്യന ബെത്ത് നേര്‌മെഗാറാര് ആയ അവാര് ഓരാഡ്‌നാര്. അത്തെ സാമി നേര്‌മെഗാറാര് മാഡുവാദ്‌ക്ക് അവാര് കെ്ട്ട്‌പഡാലെ.

ലൂക്കോസു 10:36

ഏസ്സ് അയാള്‌ക്ക് <<ത്‌റ്‌ട്ടാര് കയിക്ക് സിക്ക്‌നവാന്‌ക്ക് ഇവാര് മൂറാള്‌ല് ആര് നേര്‌മായിമ് എ്ണേവുഗാറാനാനാന് എന്റ് നീ നെനേക്ക്‌ന്റായി?>> എന്റ് കേ്ട്ടാന്.

ആക്കോവു 2:24

ഒരുത്താന് സാമിന നമ്പ്‌നാദ്‌നാലെ അല്ല കുറ്റകൊറേവില്ലത്തവാന് ആവാദ്. അയാള് സാമിന നമ്പികൊണ്ടു നമ്പിക്കേക്ക് തഗ്‌ന്ത കാര്യഗാളെല്ല ഗേഗാട്ടിത്തെ അയാള് കുറ്റകൊറേവില്ലത്തവാന് ആവാദെന്റ് നിമാക്ക് തെരിമല്ല.

മര്‌ക്കോസു 8:34

പ്‌റസാരി ഏസ്സ് ആള്‌ഗാള്‌നാമ് സൊല്ലുപഡി നഡാക്ക്‌ന്റവാര്‌നാമ് അര്‌ഗെ ബ്‌ളിത്ത് ഇത്തെ സൊന്നാന്: <<ആരാറ്റ എന്ന് പിന്ന്‌മേലെ ബര്യ ആസെപട്ടദാന അയാള് തനാക്ക് ഇര്‌ക്കുവാദ്‌നെല്ല ബ്‌ട്ട്‌തള്ളി തനാക്ക് ബരുവ കജട്ടഗാള്‌ന താങ്കി തന്ന് ഉജുരുന ഗുഡി കൊഡുക്ക്യ ഒരിങ്കി കൊണ്ടു എന്ന് പിന്ന്‌മേലെ നഡാക്കുഡൊ.