ലൂക്കോസു 1:74 - സാമി സേദി

^74-75 നമ്മ് ആയിസ് തീര മാട്ട്‌ക്ക് സാമിക്ക് മെച്ച്‌പ്‌ഡിത്ത ദിന്‌സ്‌ല്‌മ് സാമി കണ്ണ്‌ക്ക് നേരാന കാര്യഗാള്‌ന ഗേന്ത് കൊണ്ടുമു ദയിരത്തോഡ സാമിന കുമ്മുഡി നഡാക്ക്യ ബേ്ണ്ടി നമ്മ് പോട്ടിഗാറാര് കയിലിന്ത് സാമി നമാന ബ്‌ഡ്‌സുവാന്‌മ് എന്റ്‌ത്തെ.

ലൂക്കോസു 1:74 ပူးပေါင်းရင်းမြစ်များ

ലൂക്കോസു 1:73

സാമി നമ്മ് പാട്ടാന് അവുറഗാമ്‌ക്ക് സത്ത്യഗേന്ത് ബാക്ക് കൊഡുത്താദ് എത്തെന്റ് സൊന്ന,

റോമഗാറാര് 6:22

ആന ഇന്നാല് നിമ്മ പാവ ഗേവാദ്‌ന തള്ളി സാമിക്ക് അഡിമെഗാള് ആയിര്‌ക്ക്‌ന്റ്‌റ്. അദുക്കുള്ള ഉവഗര നിമ്മ സുത്താപ്പുള്ളവാരായി തീരുവാദ്‌മ് കഡേസില് നിമാക്ക് എന്നാല്‌ക്ക്‌മ് ഇര്‌ക്കുവ പെ്ളേപ്പ് കെ്ഡേക്കുവാദ്‌മ്‌ത്തെ.

റോമഗാറാര് 8:15

പിന്നേമ് നിമാന അഞ്ചിക്കെ പ്‌ഡ്‌സി അഡിമെ മാഡുവ നിഗാലല്ല നിമാക്ക് കെ്ഡേത്താദ്. ആന നിമാന സാമി മഗാന്‌മ് സാമി മഗാള്‌മ് മാഡുവ നിഗാല്‌ത്തെ നിമാക്ക് കെ്ഡേത്താദ്. അയി സാമിനിഗാല്‌ല് നമ്മ സാമിന <<അപ്പാ, എന്നപ്പാ>> എന്റ് ബ്‌ളിക്ക്‌ന്റാമ്.

2 തിമിത്തോസു 1:7

നമാന അഞ്ചിക്കെ പ്‌ഡ്‌സി ഒന്റുമു ഗേയ ബ്‌ഡാദെ ബെക്കുവ നിഗാല്‌നല്ല സാമി നമാക്ക് തന്താദ്. മനേസ്സ്‌ക്ക് ദയിര തര്യാമ് അഡ്‌ത്തവാരോഡ സീവാന്‌ബെത്ത് നഡാക്ക്യാമ് കെ്ട്ട ആസെഗാള്‌ക്ക് ആളാഗാത്തവാനായി ഇര്‌ക്ക്യാമ് കയിതാങ്കുവ നിഗാല്‌നാത്തെ സാമി നമാക്ക് തന്താദ്.

എവുറായാര് 2:15

ഇത്തെ പെ്ളേക്കുവ കാല അഞ്ച്‌ക്ക്‌മ് സാവുക്കു അഞ്ചി അഡിമെഗാളായി ഇന്തവാര്‌ന ഒട്ടുക്കു തനാക്ക് ബന്ത സാവുനാലെ അയാള് ബ്‌ഡ്‌സ്‌നാന്.

എവുറായാര് 9:14

അദ് സത്ത്യാനദാന ക്‌റ്‌സ്‌ത്ത് സോരെ നമാന എത്ത്‌റാഗോ അദിഗ സുത്താപ്പ് മാഡ്‌മ്. എന്ത്‌ക്കെന്റ് സൊന്ന എന്നാല്‌ക്ക്‌മ് ഇര്‌ക്കുവ സാമിനിഗാല്‌നാലെ അയാള് തനാന താനെ ഒന്റു കൊറേവുമു ഇല്ലാത്ത പലി ആയി സാമിക്ക് ഒപ്പുസുനാന്. അദ്‌നാലെ സട്ടാത്ത്‌ല് സൊല്ലിര്‌ക്കുവ ഉവഗര ഇല്ലാത്ത കാര്യഗാള്‌ന ഗേന്താദ്‌ക്ക് കുറ്റ ഗേന്തെ എന്റ് മനേസ്സ്‌ല് ഇര്‌ക്കുവ നെനേവുഗാള്‌ലിന്ത് നമ്മ് മനേസ്സ്‌ന അയാള് സുത്താപ്പ് മാഡ്‌ന്റാന്. അത്തെ ഉജുരുള്ള സാമിന നമ്മ കുമ്മുഡുല.

ബെ്ളിപട്ട കാര്യ 2:10

നീ കജട്ടപഡ്യ പോവാദ്‌ന പറ്റി നീ അഞ്ചബേ്ഡ. നിമാന സോദണെ ഗേയ ബേ്ണ്ടി സെയിത്താന് നിമാത്ത്‌ല് പഗ്‌ദ്യാള്‌ന ജെയില്‌ക്ക് അഡേക്കുവാന്. പത്ത് നാള് നിമാക്ക് കജട്ട ഇര്‌ക്ക്‌മ്. നിമാന കൊല്ലുവദാനാല്‌മ് എനാന നമ്പുവാദ്‌ന തള്ളദേന്. എന്റദാന, നാന് നിമാക്ക് എന്നാല്‌ക്ക്‌മ് ഇര്‌ക്കുവ ഉജുരുന ഗിര്യാഡായി തരുവേന്.