ലൂക്കോസു 1:51 - സാമി സേദി

⁵¹ അയാള് തന്ന് മ്‌ഗ്‌ന്ത സക്‌തിന കാട്ടിര്‌ന്റാന്. മനേസ്സ്‌കുള്ളുക്കു തമ്മാത്തെ ദൊഡ്ഡവാരെന്റ് മേനാമ്പ് കാട്ട്‌ന്റവാര്‌ന അയാള് ജില്ലമ്പുല്ലത്ത് മാഡി ബ്‌ട്ടാന്.

ലൂക്കോസു 1:51 ပူးပေါင်းရင်းမြစ်များ

റോമഗാറാര് 1:21

അവാര് സാമിന തെരിന്ത് ഗുഡി സാമിക്ക് സാമ്യെന്നുവ മദ്‌പ്പ് കൊഡുക്കാദേമ് നണ്ണി സൊല്ലാദേമ് ഇന്താര്. അല്ലാദെ താനെ അവാര് ബുദ്ദിബോദ ഇല്ലാത്ത നെനേവുഗാറാര്‌മ് നല്ലാദ് കെ്ട്ടാദ് എന്തെന്റ് തെര്യാത്ത മനേസ്സ്‌ഗാറാര്‌മ് ആയി തള്ള്‌നാര്.

2 കൊരിന്ത്യഗാറാര് 10:5

സാമി അറുവുക്കു പോട്ടി നിന്റ് മന്‌സാന് മനേസ്സ്‌ലിന്ത് ബരുവ എല്ലാ പെരിമെനായഗാള്‌നാമ് എമ്മ ഇല്ലാദെ മാഡ്‌ന്റേമ്. മന്‌സാന് നെനേക്കുവ ഒന്റൊന്റു നെനേവുഗാള്‌നാമ് എമ്മ ക്‌റ്‌സ്‌ത്ത് സൊല്ലുപഡിക്ക് മാഡ്‌ന്റേമ്.

1 പത്ത്‌റോസു 5:5

അദേപാസെത്തെ ബീ്ണാരെ, മൂപ്പനാമ് സൊല്ലുപഡിക്ക് നഡാന്. നിമ്മ ആങ്കീങ്ക് തണിമോഡ കെ്ട്ട്‌പട്ട് നഡാന്. എന്ത്‌ക്കെന്റ് സൊന്ന, <<പെരിമെനായ സൊല്ലിനഡാക്ക്‌ന്റവാര്‌ന സാമി പോട്ടിഗാറാരായി കണാക്ക് മാഡ്‌ന്റാന്. സാമി കണ്ണ്‌ക്ക് തണിന്ത് പെ്ളേക്ക്‌ന്റവാര്‌ന സാമി അപ്പാര ഗവപഡ്‌ന്റാന്.>>

ബെ്ളിപട്ട കാര്യ 18:8

അദ്‌നാലെ സാവു, ദുക്ക, പഞ്ച ഇത്തെ ദൊഡ്ഡ ദെ്ണ്ടണെഗാള് ഒന്റേ നാള് താനെ അവാള്‌ക്ക് ബര്‌മ്. അവാള്‌ന തീയിക്ക് ഇക്കി സുട്ടു തള്ളുവാര്. എന്ത്‌ക്കെന്റ് സൊന്ന അവാള്‌ന ദെ്ണ്ടണെ ബിദിത്ത ആണ്ടവാനാന സാമി എല്ലാ ബിലാമ് ഇര്‌ക്ക്‌ന്റവാന്‌ത്തെ.