ലൂക്കോസു 1:20 - സാമി സേദി

²⁰ നാന് സൊന്ന കാര്യഗാളെല്ല നഡാക്കുവ ഗളിഗേക്ക് താനെ നഡാക്ക്‌മ്. ആന ഈ കാര്യഗാള്‌ന നീ നമ്പാത്താദ്‌നാലെ ഈ കാര്യഗാളെല്ല നഡാക്ക മാട്ട്‌ക്ക് നീ നായനൊഡ്യ മുഡ്യാദെ ഊമെബ്‌ന്ത്‌റ്‌ക്കുവായി.>>

ലൂക്കോസു 1:20 ပူးပေါင်းရင်းမြစ်များ

മര്‌ക്കോസു 16:14

കഡേഗല പദ്‌നൊണ്ണു സൊല്ലുപഡി നഡാക്ക്‌ന്റവാര്‌മ് തീനി തിന്റ്‌കൊണ്ടു ഇര്‌ക്കാട്ടി ഏസ്സ് അവാര് കണ്ണ്‌ക്ക് കാട്ട്‌നാന്. താന് ഉജുര്‌ളാഗ്‌ന പ്‌റ തനാന കണ്ണാറ കണ്ടവാര് സൊന്നാദ്‌ന അവാര് നമ്പാത്താദ്‌ക്ക്‌മ് അവാര്‌ക്ക് ഇര്‌ക്കുവ മരനെഞ്ച്‌ന കണ്ട്‌മ് ഏസ്സ് അവാര്‌ന നൊഡിന്താന്.

മര്‌ക്കോസു 9:19

അദുക്കുള ഏസ്സ് അവാര്‌ക്ക്: <<നമ്പിക്കെ ഇല്ലാത്ത ഈ കാലാത്ത്‌ല ആള്‌ഗാളെ, നാന് ഇന്നി എഞ്ച് ഗളിഗെ നിമ്മോഡ ഇര്‌ക്കുവെ? നിമാക്ക് നമ്പിക്കെ ഇല്ലാദിര്‌ക്കുവാദ്‌ന നാന് എഞ്ച്‌കെ്ട്ട താങ്കുവെ? അവാന്‌ന എന്ന് പട്ട്‌ക്ക് എ്ഡ്‌ത്ത് ബാന്>> എന്റ് സൊന്നാന്.

ലൂക്കോസു 1:19

ദൂദാന് അയാള്‌ക്ക് ഇത്തെ സൊന്നാന്: <<നാന് സാമിക്കര്‌ഗെ നിന്റ്‌റ്‌ക്കുവ ഗവുറിയേല് ദൂദാന്‌ത്തെ. നിന്നോഡ നായനൊഡ്യാമ് ഈ സേദിന നിനാക്ക് സൊല്ല്യാമ് സാമി എനാന സൊല്ലി ബ്‌ട്ട്‌റ്‌ന്റാന്.

ലൂക്കോസു 1:21

അയി ഗളിഗെ ജനഗാള് സെക്കെര്യാവു ബെ്ളിഗെ ബര്യ ബേ്ണ്ടി കാത്തിന്താര്. അയാള് സാമിബീ്ഡ്‌ലിന്ത് ബെ്ളിഗെ ബരാദെ ഇഞ്ചൊന്റു ഗളിഗെ ഇര്‌ക്കുവാദ് എന്ത്‌ക്ക് എന്റ് സൊല്ലി അവാര് അദിസ്യപട്ടാര്.

ലൂക്കോസു 1:22

അയാള് ബെ്ളിഗെ ബര്‌ഗാട്ടി അയാള്‌ക്ക് നായനൊഡ്യ മുഡ്യാലെ. അദ്‌നാലെ അയാള് അവാര്‌ക്ക് കയില് താനെ ജാഡെ മാഡി ഊമെബ്‌ന്തിന്താന്. അദുക്കുള സാമിബീ്ഡ്‌ല് സാമിലിന്ത് അയാള് എന്ത്‌നഗൊ കണ്ടാനെന്റ് അവാര്‌ക്ക് തെരിന്ത്‌ദ്.

ലൂക്കോസു 1:45

ആണ്ടവാന് തനാക്ക് സൊന്ന കാര്യ നഡാക്ക്‌മെന്റ് നമ്പ്‌ന നീ ബാഗ്യകേ്ട്ടവാള്‌ത്തെ.>>

ലൂക്കോസു 1:64

അന്നാല് താനെ അയാള്‌ക്ക് നാവു തിരിഗി നായനൊഡ്യ മുഡിന്ത്‌ദ്. അയാള് സാമിത്തെ ദൊഡ്ഡവാന് എന്റ് സൊല്ല്യ പ്‌ഡിത്താന്.

റോമഗാറാര് 3:3

എഗുദാര്‌ല് ലേസ ആള്‌ഗാള് നമ്പാത്താദ്‌നാലെ സാമിമ് താന് സൊന്ന ബാക്ക്‌ന തവാറ്‌സി നമ്പ്യ മുഡ്യാത്താവാന് ആവാന?

2 തിമിത്തോസു 2:13

നമ്മ നമ്പ്യ മുഡ്യാത്തവാര് ആയിന്താല്‌മ് അയാള് നമ്പ്യ മുഡിന്റവാന്‌ത്തെ. എന്ത്‌ക്കെന്റ് സൊന്ന താന് സൊന്ന ബാക്ക്‌ന തവാറ്‌സമാട്ടാന്.

എവുറായാര് 6:18

സാമി ബാക്ക് കൊഡുത്താദ്‌മ് സത്ത്യ ഗേന്താദ്‌മ് മാറ്റ്യ മുഡ്യാത്ത റാഡ് കാര്യഗാള്‌ത്തെ. എന്ത്‌ക്കെന്റ് സൊന്ന സാമിക്ക് പൊയി സൊല്ല്യ മുഡ്യാമാട്ട. അദ്‌നാലെ പാദ്‌ഗാപ്പ്‌ക്ക് ബേ്ണ്ടി സാമി പട്ട്‌ക്ക് പോവ നമാക്ക് ഈ റാഡ് കാര്യഗാള് നമ്മ ബെത്ത്‌റ്‌ക്കുവ നെഞ്ചഡേല് ഒറേത്ത് നില്ല്യ ദയിരപഡ്‌സ്‌ന്റ്.

ബെ്ളിപട്ട കാര്യ 3:19

നാന് സീവാന്‌ബെത്ത്‌റ്‌ന്റവാര്‌ന നൊഡിവെ, അവാര്‌ന ബുദ്ദി സൊല്ലിമ് തിരുത്തുവെ. അദ്‌നാലെ നിമ്മ സുറുസുറുപ്പോഡ ഇര്‌ക്കുഡൊ. നിമ്മ ഗേവ പാവഗാള്‌ന തള്ളി സാമിസാരി തിര്‌ഗുഡൊ.