ലൂക്കോസു 1:17 - സാമി സേദി17 അയാള് ആണ്ടവാന് ബരുവാദ്‌ക്ക് മുദാല് പോയി ഏല്യാവുക്കിന്ത അദേ ബീര്യത്തോഡാമ് കാര്യത്തോഡാമ് അപ്പനാമ്‌നാമ് മക്കാള്‌ഗാള്‌നാമ് രാജി കൂഡുസുവാന്. സാമി സൊല്ലുപഡിക്ക് നഡാക്കാത്തവാര്‌ന നേര്‌മെഗാറാര് നെനേത്ത് നഡാക്കുവ പാസെ നെനേത്ത് നഡാക്ക്‌ന്റവാര് മാഡുവാന്. അത്തെ ഗേന്ത് ആണ്ടവാന്‌ക്ക് പറ്റ്‌ന ഒന്റു കൂട്ട ആള്‌ഗാള്‌ന അയാള് ഒരിക്ക്യെഡ്‌ക്കുവാന്>> എന്റ് സൊന്നാന്. အခန်းကိုကြည့်ပါ။ |
ലൂക്കോസു 1:17
38 ပူးပေါင်းရင်းမြစ်များ
അദുക്കുള അന്നാല് താനെ നാന് നിന്ന് പട്ട്‌ക്ക് ആള് ബ്‌ട്ടെ. നീ നല്ല മനേസ്സോഡ എമ്മ് പട്ട്‌ക്ക് ബന്തായി. ഇന്നാല് എമ്മ ഒട്ടുക്കു ഈങ്ക് സാമി പട്ട്‌ക്ക് ബന്ത്‌റ്‌ന്റേമ്. സാമി എമാക്ക് സൊല്ല്യ നിനാക്ക് സൊല്ലി തന്ത്‌റ്‌ക്കുവ കാര്യഗാള്‌ന എമാക്ക് സൊല്ലു. അദ്‌ക്ക്‌ത്തെ എമ്മ ഒട്ടുക്കു ഇദ്‌ക്ക് ബന്ത്‌റ്‌ക്കുവാദ്.>>
ഇ്റ്‌ട്ട്‌ന പാസെ ഇര്‌ക്കുവ പാവ ഗേവ പെ്ളേപ്പ്‌ലിന്ത് സാമി നിമാന ബ്‌ഡിസി തനാക്ക് മെച്ച്‌പ്‌ഡിത്ത മഗാന് നാഡ്‌ക്ക് നിമാന സേത്തി ബെത്ത്‌റ്‌ന്റാന്. അദ്‌താനേമല്ല, ബെ്ള്‌സന പാസെ ഇര്‌ക്കുവ സാമിക്ക് പട്ടവാര് പെ്ളേക്കുവ നാഡ്‌ല് ഈ്ട്ടി ബെത്ത്‌റ്‌ക്കുവ പങ്ക് കെ്ഡേക്ക്യ ബേ്ണ്ടി സാമി നിമാന തഗ്‌ദിര്‌ക്ക്‌ന്റവാര്‌മ് മാഡ്‌നാന്. അദ്‌നാലെ അപ്പാന് സാമിക്ക് നിമ്മ നണ്ണി സൊല്ലുനു.
അദേപാസെ ഒന്റൊരുത്താന് എല്ലാ കെ്ട്ട കാര്യഗാള്‌നാമ് തെ്റിന്ത് തള്ളി കവാഡില്ലാത്തവാന് ആനദാന അയാള്‌ന നല്ല കാര്യഗാള്‌ക്ക് ബേ്ണ്ടി സാമി എ്ഡ്‌ത്ത് ബെക്കുവാന്. എന്ത്‌ക്കെന്റ് സൊന്ന അയാള് അയി കാര്യാക്ക് ബേ്ണ്ടി തെരിന്തെ്ഡ്‌ത്ത് ബെത്ത്‌റ്‌ന്റവാന്‌മ്, എല്ലാ കാര്യഗാള്‌ല്‌മ് പണ്ണാഡിക്ക് ഉവഗരപഡ്‌ന്റവാന്‌മ്, എല്ലാ നല്ല ഗിലാസാമ് ഗേയ ഒരുങ്കിര്‌ന്റവാന്‌മ്‌ത്തെ.
നിമാന സാമി ഇ്റ്‌ട്ട്‌ക്ക് ഇര്‌ക്കുവ അദിഗരാത്ത്‌ലിന്ത് അദിസ്യപഡുവ തന്ന് ബെ്ള്‌സാക്ക് ബ്‌ളിത്ത് ബരിസ്സിര്‌ക്ക്‌ന്റാന്. എന്ത്‌ക്കെന്റ് സൊന്ന അയി സാമി ഗേന്ത് കൊണ്ട്‌റ്‌ക്കുവ നല്ല കാര്യഗാള്‌ന സൊല്ല്യത്തെ. ഇദ്‌ന സൊല്ല്യ ബേ്ണ്ടി സാമി തെരിന്തെ്ഡ്‌ത്ത ബമ്മേസാമ്, രാജാങ്ക പൂസാരി ഗിലാസ ഗേവ കൂട്ടാമ്, സാമിക്ക് പട്ട ജനഗാള്‌മ്, സാമിക്ക് സൊന്തഗാറാര്‌മ് ആയിര്‌ക്ക്‌ന്റവാര്‌ത്തെ നിമ്മ.
അദ്‌ക്ക് പ്‌റ കുറിഞ്ചിഗാള്‌നാമ് ബിദി സൊല്ല്യ അദിഗര കെ്ഡേത്തവാര് അയി കുറിഞ്ചിഗാള്‌ല് കുക്കാന്ത് ഇര്‌ക്കുവാദ്‌നാമ് നാന് കണ്ടെ. ഏസ്സ്‌ന പറ്റ്യുള്ള സത്ത്യന സൊന്നാദ്‌നാലേമ് സാമി സൊല്ലുസുലാക്കാന സൊന്നാദ്‌നാലേമ് ആള്‌ഗാള് തലെനെ ബെ്ട്ടി കൊന്റവാര് നിഗാല്‌ഗാള്‌നാമ് നാന് കണ്ടെ. അവാര് ബേ്ണ്ട്‌നാഗൊ അയി ബേ്ണ്ട് സെലെനാഗൊ കുമ്മുഡത്തവാര്‌മ് നെറ്റിക്കൊ കയിക്കൊ മുദ്ദുറെ കുത്താത്തവാര്‌മ് ആയിന്താര്. അവാര് ഉജുരു കെ്ഡേസി ക്‌റ്‌സ്‌ത്തോഡൊപ്പ ആയിര ബര്‌സ്സ പെ്ളേത്താര്.
ကြော်ငြာတွေ