ഓഗന്നാന് 9:22 - സാമി സേദി

²² എഗുദാര്‌ക്ക് അഞ്ചിത്തെ അവാന് അവ്വ്യപ്പാന് ഇത്തെ സൊന്നാദ്. എന്ത്‌ക്കെന്റ് സൊന്ന, ഏസ്സ്‌ന ക്‌റ്‌സ്‌ത്ത് എന്റ് സൊന്റവാര്‌നെല്ല എഗുദാര് പരേസുവ ബീ്ഡ്‌ക്ക് സേത്ത ബേ്ഡ എന്റ് എഗുദാര് മുദാല് താനെ സട്ട കെ്ട്ടിന്താര്.

ഓഗന്നാന് 9:22 ပူးပေါင်းရင်းမြစ်များ

ലൂക്കോസു 6:22

മന്‌സാനായി പ്‌റാന്ത്‌റ്‌ക്കുവ എന്ന് സൊല്ലുപഡി നിമ്മ നഡാക്ക്‌ന്റവാര് ആയിര്‌ക്കുവാദ്‌നാലെ ആള്‌ഗാള് നിമാന പഗേക്കാട്ടിമ്, നിമാന തമ്മ് കൂട്ടാക്ക് സേത്താദിര്‌ക്കാട്ടിമ്, നിമാന നാണഗെ്ഡ്‌സ്‌ഗാട്ടിമ്, നിമാന കെ്ട്ടവാര് എന്റ് സൊല്ലുഗാട്ടിമ് നിമ്മ ബാഗ്യകേ്ട്ടവാര്.

ഓഗന്നാന് 1:19

<<നീ ആര്>> എന്റ് ഓഗന്നാന്‌ന കേ്ള്‌ക്ക്യ ബേ്ണ്ടി എര്‌സലേമ്‌ലിന്ത് ലേവ്യാര്‌നാമ് എഗുദാര് പൂസാരിഗാള്‌നാമ് എഗുദാര് തലെവാര്‌ഗാള് ഓഗന്നാന് പട്ട്‌ക്ക് സൊല്ലി ബ്‌ട്ടാര്.

ഓഗന്നാന് 16:2

അവാര് നിമാന എഗുദാര് പരേസുവ ബീ്ഡ്‌ഗാള്‌ലിന്ത് മുഡിക്കി ബ്‌ഡുവാര്, അദ്‌താനേമല്ല അവാര് നിമാന കൊല്ലുഗാട്ടി സാമിക്ക് ബേ്ണ്ടി ഒന്റു നല്ല കാര്യ ഗേന്റേമ് എന്റ് നെനേക്കുവ ഗളിഗെ ബന്റ്.

ഓഗന്നാന് 19:38

അദ്‌ക്ക് പ്‌റ അരിമത്ത്യ പട്ടണഗാറാന് ഓസേപ് ഏസ്സ് സാവുന എ്ഡ്‌ത്ത് പോയ ബ്‌ഡ്‌ഡൊ എന്റ് പീലത്തോസുന കേ്ട്ടാന്. അയാള് എഗുദാര്‌ക്ക് അഞ്ചി സൂഗാന ഏസ്സ് സൊല്ലുപഡി നഡാന്തിന്തവാന് ആയിന്താന്. എ്ഡ്‌ത്ത് പോനു എന്റ് പീലത്തോസു സൊല്ലുഗാട്ടി അയാള് ബന്ത് ഏസ്സ് സാവുന എ്ഡ്‌ത്ത് പോനാന്.

ഓഗന്നാന് 20:19

ബാരാത്ത്‌ല് ഒണ്ണാവാദ് നാള് സന്ത്യോഡ ഏസ്സ് സൊല്ലുപഡി നഡാക്ക്‌ന്റവാര് ഒന്റായി ബീ്ഡ്‌ല് ഇര്‌ക്കാട്ടി എഗുദാര്‌ക്ക് അഞ്ചി അവാര് ബാസന അഡേത്ത് ഇന്താര്. അദുക്കുള ഏസ്സ് അവാര് പട്ട്‌ക്ക് ബന്ത് നിന്റ്: <<നിമ്മ നിമ്മ്‌ദ്യായി ഇര്‌ന്>> എന്റ് സൊന്നാന്.

ഓഗന്നാന് 7:13

ആന എഗുദാര്‌ക്ക് അഞ്ചി ആള്‌ഗാള് കേ്ള്‌ക്കുവ പാസെ ആര്‌മ് അയാള്‌ന പറ്റി നായനൊഡ്യാലെ.

ഓഗന്നാന് 9:18

കുറുഡാനായിന്തവാന് അവ്വ്യപ്പാന്‌ന ബ്‌ളിത്ത് കേ്ള്‌ക്ക മാട്ട്‌ക്ക് അയാള് കുറുഡാനായിന്താന് എന്റ്‌മ് പ്‌റാത്തെ അയാള്‌ക്ക് കണ്ണ് കാട്ട്‌റ്റ് എന്റ്‌മ് എഗുദാര് നമ്പാലെ.

ഓഗന്നാന് 9:21

ആന അവാന്‌ക്ക് കണ്ണ് കാട്ട്‌നാദ് എത്തെന്റൊ അവാന് കണ്ണ്‌ന തെ്ള്‌സ്‌നാദ് ആരെന്റൊ എമാക്ക് തെര്യ. അവാന്‌ന താനെ കേ്ള്‌ന്. അവാന് അറ്യാത്ത മഗല്ലല്ല. അവാന് താനെ സൊല്ലുവാന്>> എന്റ് സൊന്നാര്.

ഓഗന്നാന് 9:34

<<നീ പ്‌റാക്കാട്ടിന്തെ ഒന്റേപെ്ട്ട് പാവ ഉള്ളവാന്‌ത്തെ. അത്തെ പ്‌റാന്ത നീ എമാക്ക് ബുദ്ദി സൊല്ലുന്റായ?>> എന്റ് സൊല്ലി അവാര് അയി കറുഡാന് ആയിന്തവാന്‌ന എഗുദാര് പരേസുവ ബീ്ഡ്‌ക്ക് സേത്താദെ മുഡിക്കി ബ്‌ട്ടാര്.

ഓഗന്നാന് 9:35

അയി കുറുഡാന്‌ന എഗുദാര് പരേസുവ ബീ്ഡ്‌ക്ക് സേത്താദെ മുഡിക്കി ബ്‌ട്ടാദ്‌ന ഏസ്സ് കേ്ട്ടാന്. അദ്‌ക്ക് പ്‌റ ഏസ്സ് അയാള്‌ന കാണ്‌ഗാട്ടി: <<നീ മന്‌സാനായി പ്‌റാന്തവാന്‌ല് നമ്പിക്കെ ബെക്ക്‌ന്റായ?>> എന്റ് അയാള്‌ന കേ്ട്ടാന്.

അപ്പോസുത്തലാര് 4:18

അദ്‌ക്ക് പ്‌റ അവാര് അപ്പോസുത്തലാര്‌ന പിന്നേമ് ബ്‌ളിത്ത് ഇന്നി ഏസ്സ് പേര്‌ന സൊല്ലി നായനൊഡിവാദൊ പഡുസുവാദൊ ഗേഗാദേന് എന്റ് സൊന്നാര്.

അപ്പോസുത്തലാര് 5:13

ആള്‌ഗാള് അവാര്‌ന പറ്റി നല്ല പെരിമെപട്ടിന്താര്, ആന ഏസ്സ്‌ഗാറാര് അല്ലാത്തവാര് ആര്‌മ് അവാര്‌ക്ക് എ്ണേയ ദയിരപഡാലെ.

അപ്പോസുത്തലാര് 5:40

അവാര് അപ്പോസുത്തലാര്‌ന ബരിസ്സി അഡിത്ത്, ഇന്നി മേല് ഏസ്സ് പേര്‌ല് ഒന്റുമു പഡ്‌സാദേന് എന്റ് മെ്റ്‌ട്ട്‌ന പ്‌റ അവാര്‌ന സൊല്ലി ബ്‌ട്ടാര്.

ബെ്ളിപട്ട കാര്യ 21:8

ആന ദയിര ഇല്ലത്തവാര്‌ക്ക്‌മ്, നമ്പിക്കെ ഇല്ലത്തവാര്‌ക്ക്‌മ് സാത്ത്‌റ പ്‌ഡിക്കുവ കാര്യഗാള് ഗേന്റവാര്‌ക്ക്‌മ്, കൊലെ ഗേന്റവാര്‌ക്ക്‌മ് കണ്ടപഡി നഡാക്ക്‌ന്റവാര്‌ക്ക്‌മ്, മന്ത്‌റമായ ഗേന്റവാര്‌ക്ക്‌മ്, സെലെന കുമ്മുഡുന്റവാര്‌ക്ക്‌മ്, പൊയി സൊല്ലുവ എല്ലാവാര്‌ക്ക്‌മ് കെ്ഡേക്കുവ എ്ഡെ എന്നുവാദ് ഗെന്തഗ കത്തി എരേവ തീ കഡാല് ആയിര്‌ക്കുവു. ഇദ്‌ത്തെ റണ്ടാവാദ് സാവു>> എന്റ് സൊന്നാന്.