ഓഗന്നാന് 8:54 - സാമി സേദി

⁵⁴ ഏസ്സ് അവാര്‌ക്ക്: <<നാന് എനാന താനെ മദ്‌പ്പുള്ളവാന് മാഡ്‌ന അയി മദ്‌പ്പ്‌ക്ക് ഒന്റു ബെലേമ് ഇല്ലെ. എനാന മദ്‌പ്പുള്ളവാന് മാഡ്‌ന്റവാന് എന്നപ്പാന്‌ത്തെ. അയാള്‌ന നിമ്മ് സാമി എന്റ് നിമ്മ സൊന്റുറു.

ഓഗന്നാന് 8:54 ပူးပေါင်းရင်းမြစ်များ

ഓഗന്നാന് 17:1

ഇദ്‌ന സൊന്ന പ്‌റ ഏസ്സ് മേലോഗന നോഡി പരേസ്‌നാദ് എന്തെന്റ് സൊന്ന: <<അപ്പാ, നേര ബന്ത്‌റ്‌ക്ക്‌ന്റ്, നിന്ന് മഗാന് നിനാന മദിസ്യ ബേ്ണ്ടി മഗാന്‌ന മദ്‌സുഡോമെ.

ഓഗന്നാന് 17:5

അപ്പാ, ഉലഗാന ഉണ്ടാക്കാത്താദ്‌ക്ക് മുദാല് എനാക്ക് നിന്ന് പട്ട്‌ലിന്ത അദേ മദ്‌പ്പ്‌ന തന്ത് ഇന്നാല് നിന്നോഡൊപ്പ എനനാമ് മദ്‌സുഡോമെ.>>

ഓഗന്നാന് 2:11

ഇദ്‌ത്തെ ഏസ്സ് മുദാല് ഗേന്ത അദിസ്യമാന അഡ്യാള. ഇദ്‌ന ഗലീല നാഡ്‌ല കാനാവു എന്നുവ പട്ടണാത്ത്‌ല് ബെത്ത് ഗേന്ത് ഏസ്സ് തന്ന് മദ്‌പ്പ്‌ന കാട്ടി കൊഡുത്താന്. ഇദ്‌ന കണ്ട് ഏസ്സ് സൊല്ലുപഡി നഡാക്ക്‌ന്റവാര് അയാള്‌ന നമ്പ്‌നാര്.

ഓഗന്നാന് 5:41

മന്‌സാര് എനാന മദ്‌സ്‌ന്റാര ഇല്ലേഗ എന്റ് നാന് നോഡുവാദില്ലെ.

ഓഗന്നാന് 7:18

അവനവാന് അദിഗരാത്ത്‌ല് നായ സൊന്റവാന് തനാക്ക് പേര്‌പെരിമെ കെ്ഡേസ്യ നോഡുന്റാന്. ആന തനാന സൊല്ലി ബ്‌ട്ടവാന്‌ക്ക് പേര്‌പെരിമെ കെ്ഡേക്കുഡൊ എന്റ് നോഡുന്റവാന് സത്ത്യമുള്ളവാന്‌ത്തെ. അയാള് കള്ളകവാഡ് ഇല്ലത്തവാന്‌ത്തെ.

ഓഗന്നാന് 7:39

തനാന നമ്പ്‌ന്റവാന്‌ക്ക് കെ്ഡേക്ക്യ പോവ സാമിനിഗാല്‌ന പറ്റിത്തെ ഏസ്സ് ഇത്തെ സൊന്നാദ്. അന്ന മാട്ട് ഏസ്സ്‌ക്ക് മദ്‌പ്പ് കെ്ഡേക്കാദിന്തനാലെ നമ്പ്‌ന്റവാര്‌ക്ക് സാമിനിഗാല് കെ്ഡേക്കാദിന്ത്‌ദ്.

ഓഗന്നാന് 8:41

നിമ്മ നിമ്മ് അപ്പാന് ഗേന്ത കാര്യഗാള്‌ന ഗേന്റ്‌റ്.>> അദ്‌ക്ക് അവാര്: <<എമ്മ ബീ്ണ്‌ക്ക് പ്‌റാന്തവാരല്ല. എമാക്ക് അപ്പാന് ഒന്റുത്തെ, അദ് സാമിത്തെ>> എന്റ് സൊന്നാര്.

ഓഗന്നാന് 8:50

എനാക്ക് മദ്‌പ്പ് കെ്ഡേക്ക്യ ബേ്ണ്ടി നാനാഗ ഒരാഡ്‌വാദില്ലെ. ആന എനാക്ക് മദ്‌പ്പ് കെ്ഡേക്ക്യ ബേ്ണ്ടി ആസെപഡുവ ഒരുത്താന് ഇര്‌ക്ക്‌ന്റാന്. അയാള് ബിദിക്ക്‌ന്റവാന്‌മ്‌ത്തെ.

അപ്പോസുത്തലാര് 3:13

പണ്ട് കാലാത്ത്‌ല നമ്മ് അവുറഗാമ്‌ത്ത്‌മ് ഇസഗാക്ക്‌ത്ത്‌മ് ആക്കോവുത്ത്‌മ് സാമിത്തെ നമ്മ് പാട്ടനാമ് സാമി. അയി സാമി താന് സൊല്ലുവാദ്‌നെല്ല അദേപാസെ ഗേവ ഏസ്സ്‌ന ദൊഡ്ഡവാന് മാഡി ഉജാത്ത്‌നാന്. അയി ഏസ്സ്‌ന നിമ്മ എഗുദാര് അദിഗാരിഗാള്‌ക്ക് പ്‌ഡിത്ത് കൊഡുത്തുറു. പീലത്തോസു അയാള്‌ന ബെ്റ്‌ദെ ബ്‌ഡ്‌ഡൊ എന്റ് മുഡിവു എ്ഡ്‌ത്ത് ഗുഡി നിമ്മ അയാള്‌ന എമാക്ക് ബേ്ഡ എന്റ് പീലത്തോസുക്കു സൊന്നുറു.

2 കൊരിന്ത്യഗാറാര് 10:18

തനാന താനെ ദൊഡ്ഡവാന് എന്റ് സൊല്ലുന്റവാനല്ല, ആണ്ടവാന് മദ്‌സ്‌ന്റവാന്‌ക്ക്‌ത്തെ മദ്‌പ്പ് ഇര്‌ക്ക്‌ന്റ്.

1 പത്ത്‌റോസു 1:12

തമാക്ക് ബേ്ണ്ട്യല്ല, നിമാക്ക് ബേ്ണ്ടിത്തെ ഈ ഗിലാസ ഗേവാദെന്റ് അവാര്‌ക്ക് തെരിന്ത്‌ദ്. മേലോഗാത്ത്‌ലിന്ത് സൊല്ലി ബ്‌ട്ട സാമിനിഗാല് സൊല്ല്യ സൊല്ലുഗാട്ടി നിമാക്ക് നല്ല സേദിന സൊന്നവാര് ഇന്നാല് അദ്‌ന നിമാക്ക് സൊല്ലിര്‌ക്ക്‌ന്റാര്. ഇദ്‌ന പറ്റി തെര്യ സാമിദൂദാര്‌ഗാള്‌മ് എത്ത്‌റാഗോ ആസെപഡ്‌ന്റാര്.

1 പത്ത്‌റോസു 1:21

അയാള്‌നാലെത്തെ നിമ്മ സാമിന നമ്പ്‌ന്റ്‌റ്. സാമി ക്‌റ്‌സ്‌ത്ത്‌ന സത്തവാര് പട്ട്‌ലിന്ത് ഉജുര്‌ളാക്കി അയാള്‌ക്ക് മദ്‌പ്പ് കൊഡുത്ത്‌റ്‌ന്റാന്. അദ്‌നാലെ നിമ്മ സാമിന നമ്പ്‌ന്റവാര്‌മ് നെഞ്ചഡെ ബെത്ത്‌റ്‌ക്ക്‌ന്റവാര്‌മ് ആയിര്‌ക്ക്‌ന്റ്‌റ്.

2 പത്ത്‌റോസു 1:17

<<ഇവാന് എനാക്ക് മെച്ച്‌പ്‌ഡിത്ത മഗാന്: ഇവാന്‌ന എനാക്ക് പിര്യപ്‌ഡിത്ത്‌റ്‌ക്ക്‌ന്റ്>> എന്നുവ ഒന്റു ജദ്ദ ദൊഡ്ഡ മദ്‌പ്പോഡ ഇര്‌ക്കുവ സാമിലിന്ത് ബര്‌ഗാട്ടി അപ്പാനാന സാമിലിന്ത് അയാള്‌ക്ക് മാനാമ് മദ്‌പ്പ്‌മ് കെ്ഡേത്ത്‌ദ്.