30 ഏസ്സ് സൊന്ന ഈ കാര്യഗാള്ന കേ്ട്ട് എഞ്ചോ ആള്ഗാള് അയാള്ന നമ്പ്നാര്.
അദ്ല് എഞ്ചോ ആള്ഗാള് ഏസ്സ്ന നമ്പ്നാര്.
മറിയാന നോഡ്യ ബന്ത എഗുദാര്ല് പല ആള്ഗാള്മ് ഏസ്സ് ഗേന്ത ഈ കാര്യന കണ്ട് അയാള്ന നമ്പ്നാര്.
പെസഗെ നോമ്പി ഗളിഗെ ഏസ്സ് എര്സലേമ്ല് ഇര്ക്കാട്ടി ഗേന്ത അദിസ്യമാന അഡ്യാളഗാള്ന കണ്ട് എഞ്ചോ ആള്ഗാള് ഏസ്സ്ന നമ്പ്നാര്.
അയാള് ഗേന്ത അദിസ്യമാന അഡ്യാളന കണ്ട് ആള്ഗാള് അയാള്ന പറ്റി: <<നേര്മായിമ് ഉലഗാക്ക് ബര്യ ഇര്ക്കുവ സാമിദാസ് ഇയാള്ത്തെ>> എന്റ് സൊന്നാര്.
എന്റാല്മ് ആള്ഗാള്ല് എഞ്ചോ ആള്ഗാള് ഏസ്സ്ന നമ്പ്നാര്. <<ക്റ്സ്ത്ത് ബര്ഗാട്ടി ഇയാള് ഗേന്താദ്ന ബ്ഡ മൊത്തന അദിസ്യമാന അഡ്യാളഗാള് അയാള് ഗേവാന?>> എന്റ് അവാര് സൊന്നാര്.