ഓഗന്നാന് 8:29 - സാമി സേദി

²⁹ എനാന സൊല്ലി ബ്‌ട്ടവാന് എന്നോഡ ഇര്‌ക്ക്‌ന്റാന്, നാന് ഒപ്പ അയാള്‌ന പിര്യപഡ്‌സുവ കാര്യഗാള് ഗേന്റെ, അദ്‌നാലെ അയാള് എനാന കയി ബ്‌ഡാലെ>> എന്റ് സൊന്നാന്.

ഓഗന്നാന് 8:29 ပူးပေါင်းရင်းမြစ်များ

മത്തായി 17:5

ഇത്തെ പത്ത്‌റോസു സൊല്ലികൊണ്ടു ഇര്‌ക്കാട്ടിതാനെ ബെ്ള്‌സ ദഗദഗാത്ത് എരേവ മഞ്ച് ബന്ത് അവാര്‌ന മൂഡുറ്റു. അയി മഞ്ച്‌ലിന്ത്: <<ഇവാന് എനാക്ക് മെച്ച്‌പ്‌ഡിത്ത മഗാന്. ഇവാന്‌ന എനാക്ക് പിര്യപ്‌ഡിത്ത്‌റ്‌ക്ക്‌ന്റ്. ഇവാന് സൊല്ലുവാദ്‌ന കേ്ള്‌ന്>> എന്റ് ഒന്റു ജദ്ദാമ് ബന്ത്‌ദ്.

മത്തായി 3:15

ആന ഏസ്സ് അയാള്‌ക്ക്: <<ഇന്നാല് ഇത്തേത്തെ ഗേഡൊ. നമ്മ ഗേഡൊ എന്റ് സാമി ആസെപഡുവാദെല്ല നഡാക്ക്യ ബേ്ണ്ടി ഇത്തെ ഗേവാദ്‌ത്തെ നല്ലാദ്>> എന്റ് സൊന്നാന്. അദുക്കുള ഓഗന്നാന് ഏസ്സ് സൊന്ന പാസെ ഗേന്താന്.

മത്തായി 3:17

<<ഇയാള് എന്ന് മഗാന്. നാന് ഇയാള്‌ന സീവാന്‌പഡ്‌ന്റെ, ഇവാന്‌നാലെ എന്ന് മനേസ്സ് തെ്ളിന്ത്‌ദ്>> എന്റ് മേലോഗാത്ത്‌ലിന്ത് ഒന്റു ജദ്ദാമ് കേ്ട്ട്‌ദ്.

ഓഗന്നാന് 14:31

ആന നാന് അപ്പാനോഡ സീവാന്‌ബെത്ത്‌റ്‌ന്റെ എന്റ്‌മ് അപ്പാന് എനാന ഗേയ സൊന്ന കാര്യഗാള്‌ന അദേപാസെ താനെ നാന് ഗേന്റേന് എന്റ്‌മ് ഉലഗാത്ത്‌ല ആള്‌ഗാള്‌ക്ക് തെരിഡൊ. ബാന്, നമ്മ ഇദ്‌ലിന്ത് പോഗാന്.>>

ഓഗന്നാന് 15:10

എന്ന് അപ്പാന് എനാന ഗേയ സൊന്ന കാര്യഗാള്‌ന അദേപാസെ നാന് ഗേന്ത് അയാള് എന്നോഡ ബെത്ത്‌റ്‌ക്കുവ സീവാന്‌ല് നാന് ഇര്‌ക്കുവ പാസെ നിമ്മാമ് നാന് ഗേയ സൊന്ന കാര്യഗാള്‌ന അദേപാസെ ഗേന്തദാന നാന് നിമ്മോഡ ബെത്ത്‌റ്‌ക്കുവ സീവാന്‌ല് നിമ്മ ഇര്‌ക്കുവുറു.

ഓഗന്നാന് 16:32

ആന എനാന തനിഗെ തള്ളി നിമ്മ ഒന്റൊന്റാള്‌മ് അവനവാന് ബീ്ഡ്‌ക്ക് ജില്ലമ്പുല്ലാത്തായി പോവ ഗളിഗെ ബന്റ്, ഇന്നാല് ബന്ത്‌മിര്‌ന്റ്. എന്റാല്‌മ് അപ്പാന് സാമി എന്നോഡൊപ്പ ഇര്‌ക്കുവാദ്‌നാലെ നാന് തനിഗ്യല്ല.

ഓഗന്നാന് 17:4

നീ എനാക്ക് ഗേയ തന്ത എല്ലാ ഗിലാസഗാള്‌നാമ് നാന് ഗേന്ത് മുഡിത്ത് നിനാക്ക് ഇര്‌ക്കുവ മദ്‌പ്പ്‌ന നാന് ബൂമില് കാട്ടിര്‌ക്ക്‌ന്റെ.

ഓഗന്നാന് 4:34

ഏസ്സ് അവാര്‌ക്ക് ഇത്തെ സൊന്നാന്: <<എനാന സൊല്ലി ബ്‌ട്ടവാന്‌ക്ക് പ്‌ഡിത്ത കാര്യ ഗേവാദ്‌മ് അയാള് എനാക്ക് ഗേയ തന്ത്‌റ്‌ക്കുവ ഗിലാസാന ഗേന്ത് മുഡിക്കുവാദ്‌മ്‌ത്തെ എന്ന് തീനി

ഓഗന്നാന് 5:30

<<എനാക്ക് സൊന്തായി ഒന്റുമു ഗേയ മുഡ്യാമാട്ട. സാമി എനാക്ക് സൊല്ലുവ പാസെത്തെ നാന് നായ ബിദിക്ക്‌ന്റെ. നാന് എന്ന് പിര്യാക്കല്ല, എനാന സൊല്ലി ബ്‌ട്ടവാന് പിര്യാക്ക്‌ത്തെ ബിദിക്കുവാദ്‌നാലെ നാന് ബിദിക്കുവ ബിദി നേര്‌മെ ഉള്ളാദ്‌ത്തെ.

ഓഗന്നാന് 6:38

എന്ത്‌ക്കെന്റ് സൊന്ന എനാക്ക് പ്‌ഡിത്ത കാര്യഗാള്‌നല്ല നാന് ഗേയ ബന്താദ്. എനാന സൊല്ലി ബ്‌ട്ട എന്നപ്പാന്‌ക്ക് പ്‌ഡിത്ത കാര്യഗാള്‌ന ഗേയാത്തെ നാന് മേലോഗാത്ത്‌ലിന്ത് ഇ്റാഗി ബന്ത്‌റ്‌ക്കുവാദ്.

ഓഗന്നാന് 8:16

ആന നാന് കുറ്റ ബിദിത്താല്‌മ് നാന് ബിദിത്ത ബിദി സത്ത്യത്തെ. എന്ത്‌ക്കെന്റ് സൊന്ന, നാന് കുറ്റ ബിദിക്കാട്ടി നാന് ഒരുത്താന് താനെ അല്ല ബിദിക്കുവാദ്, എനാന സൊല്ലി ബ്‌ട്ട അപ്പാന് സാമിമ് എന്നോഡൊപ്പ ഇര്‌ക്ക്‌ന്റാന്.

2 തിമിത്തോസു 4:17

ആന ആണ്ടവാന് എനാക്ക് തൊണെ ഇന്ത് എനാന ബില പഡിസി എന്ന് ഉജുരുക്കു ബന്ത ആവാത്ത്‌ലിന്ത് ആണ്ടവാന് എനാന കാപാറ്റ്‌നാന്. അദ്‌നാലെ എല്ലാ എഗുദാരല്ലാത്ത ജാദിഗാള്‌മ് കേ്ള്‌ക്കുവ ദിന്‌സ്‌ല് നല്ല സേദിന സൊക്കാന സൊന്നേന്.

2 തിമിത്തോസു 4:22

ആണ്ടവാന് നിന്നോഡ ഇര്‌ക്കുഡൊ. സാമി നിമാക്ക് നല്ലാദ് ഗേഡൊ.

എവുറായാര് 4:15

നമാക്ക് ഇര്‌ക്കുവ കൊറേവുഗാള്‌ന കണ്ട് കറ്‌മ്മപ്‌ഡിക്കാത്ത ഒന്റു ദൊഡ്ഡ പൂസാരി അല്ല നമാക്ക് ഇര്‌ക്കുവാദ്. അദ്‌ക്ക് ബദ്‌ല എല്ലാ ദിന്‌സ്‌ല്‌മ് നമാന പാസെ സോദണെ പട്ട് ഗുഡി പാവ ഗേഗാത്തവാന് ആയിന്ത ഒന്റു ദൊഡ്ഡ പൂസാരിത്തെ നമാക്ക് ഇര്‌ക്കുവാദ്.

എവുറായാര് 7:26

ഇത്തെ ഒന്റു ദൊഡ്ഡ പൂസാരിത്തെ നമാക്ക് ബേ്ഡ്‌മ്. അയാള് സാമിക്ക് ബേ്ണ്ടി അലാക്ക പ്‌റ്‌ത്ത് ബെത്ത്‌റ്‌ന്റവാന്‌മ്, കുറ്റ ഒന്റുമു സൊല്ല്യ ഇല്ലത്തവാന്‌മ്, പാവ ഇല്ലത്തവാന്‌മ്, പാവ ഗേന്റവാര്‌ലിന്ത് അലാക്ക പ്‌റ്‌ത്ത് ബെത്ത്‌റ്‌ന്റവാന്‌മ്‌ത്തെ. അയാള്‌ക്ക് മേലോഗാത്ത്‌ല് ഉജാന്ത പദാവിപട്ട കെ്ഡേത്ത്‌ദ്.

1 ഓഗന്നാന് 2:1

ഏസ്സ്‌ഗാറാരെ, നിമ്മ പാവ ഗേഗാദിരിക്ക്യ നാന് നിമാക്ക് ഇദ് എ്ള്‌ദ്‌ന്റെ. നമ്മ പാവ ഗേന്തദാന നമാക്ക് പൊറിമെ കെ്ഡേക്ക്യ ബേ്ണ്ടി നമ്മ് അപ്പാന് സാമ്യോഡ ബാദാഡ്യ ഏസ്സ് ക്‌റ്‌സ്‌ത്ത് നമാക്ക് ഇര്‌ക്ക്‌ന്റാന്. എന്ത്‌ക്കെന്റ് സൊന്ന അയാള് ഒരുത്താന്‌ത്തെ നേര്‌മെഗാറാന്.

1 ഓഗന്നാന് 3:22

സാമിമഗാന് ഏസ്സ് ക്‌റ്‌സ്‌ത്ത്‌ന നമ്പിമ് ക്‌റ്‌സ്‌ത്ത് സൊന്ന പാസെ ആങ്കീങ്ക് സീവാന്‌ബെത്ത്‌മ് നമ്മ നഡാക്കുഡൊ. ഇദ്‌ത്തെ സാമി ബെത്ത സട്ട. സാമി ബെത്ത ഈ സട്ടപഡി നഡാക്കുവാദ്‌നാലേമ് സാമിന പിര്യപഡുസുവ കാര്യഗാള് ഗേവാദ്‌നാലേമ് നമ്മ കേ്ള്‌ക്കുവാദ്‌നെല്ലാമ് സാമി നമാക്ക് തരുവാന്.