ഓഗന്നാന് 8:28 - സാമി സേദി

²⁸ അദ്‌നാലെ ഏസ്സ് പിന്നേമ്: <<നിമ്മ മന്‌സാനായി പ്‌റാന്തവാന്‌ന ഉജാത്ത്‌ന പ്‌റ നാന് ആരെന്റ് സൊന്നേനൊ അദേ ആള്‌ത്തെ നാന് എന്റ് നിമാക്ക് തെരിമ്. നാന് എന്ന് അദിഗരാത്ത്‌ല് ഒന്റുമു ഗേഗാദെ എന്നപ്പാന് സാമി എനാക്ക് പഡ്‌സ്‌നാദ്‌നാത്തെ നാന് സൊന്റേനെന്റ്‌മ് നിമാക്ക് തെരിമ്.

ഓഗന്നാന് 8:28 ပူးပေါင်းရင်းမြစ်များ

മത്തായി 24:5

എന്ത്‌ക്കെന്റ് സൊന്ന <നാന്‌ത്തെ ക്‌റ്‌സ്‌ത്ത്> എന്റ് സൊല്ലികൊണ്ടു എഞ്ചോ ആള്‌ഗാള് എന്ന് പേരെ്ഡ്‌ത്ത് ബരുവാര്. അത്തെ അവാര് എഞ്ചോ ആള്‌ഗാള്‌ന ഏമാത്തുവാര്.

മര്‌ക്കോസു 13:6

എഞ്ചോ ആള്‌ഗാള് <നാന്‌ത്തെ ക്‌റ്‌സ്‌ത്ത്> എന്റ് സൊല്ലി എന്ന് പേരെ്ഡ്‌ത്ത് ബരുവാര്. അത്തെ അവാര് എഞ്ചോ ആള്‌ഗാള്‌ന ഏമാത്തുവാര്.

ലൂക്കോസു 21:8

അദുക്കുള ഏസ്സ് അവാര്‌ക്ക് ഇത്തെ സൊന്നാന്: <<ആര്‌മ് നിമാന ഏമാത്താദിര്‌ക്ക്യ സൂസാരിത്തിര്‌ന്. എഞ്ചോ ആള്‌ഗാള് <നാന്‌ത്തെ ക്‌റ്‌സ്‌ത്ത്> എന്റ്‌മ് <സമ്യ ബന്ത്‌ദ്> എന്റ്‌മ് സൊല്ലികൊണ്ടു എന്ന് പേരെ്ഡ്‌ത്ത് ബരുവാര്. അവാര് സൊല്ലുവാദ്‌ന കേ്ട്ട് അവാര് പിന്ന്‌മേലെ പോഗാദേന്.

ഓഗന്നാന് 11:42

നീ എന്ന് പരേസന ഒപ്പ കേ്ള്‌ക്ക്‌ന്റായി എന്റ് എനാക്ക് തെരിന്റ്. ആന എനാക്ക് സുറ്റീല്‌മ് ഇര്‌ക്കുവ ആള്‌ഗാള്‌ക്ക് ഉവഗരപഡ്യ ബേ്ണ്ടി നാന് ഇദ് സൊന്റെ. അത്തെ നീത്തെ എനാന സൊല്ലി ബ്‌ട്ട്‌റ്‌ക്കുവാദ് എന്റ് അവാര്‌ക്ക് നമ്പ്യ മുഡിമ്>> എന്റ് സൊന്നാന്.

ഓഗന്നാന് 13:19

അദ് നഡാക്കാട്ടി നാന്‌ത്തെ അയാള് എന്റ് നിമ്മ നമ്പ്യ ബേ്ണ്ടി നാന് ഇന്നാല് അദ് നഡാക്കാത്ത മുദാല് താനെ നിമാക്ക് സൊന്റെ.

ഓഗന്നാന് 16:10

നാന് അപ്പാന് സാമി പട്ട്‌ക്ക് പോവാദ്‌നാലേമ് നിമ്മ ഇന്നി എനാന കാണാദെ ഇര്‌ക്കുവാദ്‌നാലേമ്‌ത്തെ ആര് നേര്‌മെഗാറാന് എന്റ് കാട്ടി കൊഡുക്കുവാദ്.

ഓഗന്നാന് 18:32

അവാര് ഇത്തെ സൊല്ലുഗാട്ടി താന് എത്തെ സാവാന് എന്നുവാദ്‌ന പറ്റി ഏസ്സ് സൊന്ന കാര്യ അദേപാസെ നഡാന്ത്‌ദ്.

ഓഗന്നാന് 19:18

അവാര് അദ്‌ല് അയാള്‌നാമ് ബേ്റെ റാഡാള്‌നാമ് ഒരുത്താന്‌ന അച്ചാരിമ് ഒരുത്താന്‌ന ഇച്ചാരിമ് ഏസ്സ്‌ന നഡ്‌ക്കേമ് ബെത്ത് ഏസ്സ്‌ന കുരുസുക്കു സേത്തി ആണി അഡിത്താര്.

ഓഗന്നാന് 3:11

നാന് സത്ത്യമായി നിനാക്ക് സൊന്റെ, എമാക്ക് തെരിവാദ്‌ന പറ്റിമ് എമ്മ കണ്ടാദ്‌ന പറ്റിമ് എമ്മ സൊന്റേമ്. ആന നിമ്മ എമ്മ സൊല്ലുവ സേദിന തങ്കാരിക്കുവാദില്ലെ.

ഓഗന്നാന് 3:14

ബെ്ട്ടെകാഡ്‌ല് മോസെ പിത്തളേല് മാഡ്‌ന പാമ്പ് ഉരുപ്പാന ഉജാത്ത്‌ന പാസെ മന്‌സാനായി പ്‌റാന്തവാന്‌നാമ് ഉജാത്തുഡൊ.

ഓഗന്നാന് 4:26

അദ്‌ക്ക് ഏസ്സ്: <<നിന്നോഡ നായനൊഡിവ നാന്‌ത്തെ മസ്സിഗ>> എന്റ് സൊന്നാന്.

ഓഗന്നാന് 5:19

അദ്‌നാലെ ഏസ്സ് അവാര്‌ക്ക് ഇത്തെ സൊന്നാന്: <<നാന് നിമാക്ക് സത്ത്യമായിമ് സൊന്റെ, മഗാന്‌ക്ക് തനിസി താനെ ഒന്റുമു ഗേയ മുഡ്യ. അപ്പാന് എന്ത് ഗേന്റാനൊ അദ്‌ന കണ്ട്‌ത്തെ മഗാന്‌മ് ഗേവാദ്, അപ്പാന് ഗേവാദ്‌നെല്ല മഗാന്‌മ് അദേപാസെത്തെ ഗേന്റാന്.

ഓഗന്നാന് 5:30

<<എനാക്ക് സൊന്തായി ഒന്റുമു ഗേയ മുഡ്യാമാട്ട. സാമി എനാക്ക് സൊല്ലുവ പാസെത്തെ നാന് നായ ബിദിക്ക്‌ന്റെ. നാന് എന്ന് പിര്യാക്കല്ല, എനാന സൊല്ലി ബ്‌ട്ടവാന് പിര്യാക്ക്‌ത്തെ ബിദിക്കുവാദ്‌നാലെ നാന് ബിദിക്കുവ ബിദി നേര്‌മെ ഉള്ളാദ്‌ത്തെ.

ഓഗന്നാന് 6:38

എന്ത്‌ക്കെന്റ് സൊന്ന എനാക്ക് പ്‌ഡിത്ത കാര്യഗാള്‌നല്ല നാന് ഗേയ ബന്താദ്. എനാന സൊല്ലി ബ്‌ട്ട എന്നപ്പാന്‌ക്ക് പ്‌ഡിത്ത കാര്യഗാള്‌ന ഗേയാത്തെ നാന് മേലോഗാത്ത്‌ലിന്ത് ഇ്റാഗി ബന്ത്‌റ്‌ക്കുവാദ്.

ഓഗന്നാന് 8:24

അദ്‌നാലെ നിമ്മ് പാവാനാലെ താനെ നിമ്മ സാവുറു എന്റ് നാന് നിമാക്ക് സൊല്ലാലെഗ? നാന് ആരെന്റ് സൊന്നേനൊ അയാള്‌ത്തെ നാന് എന്റ് നിമ്മ നമ്പാദെ പോന നിമ്മ് പാവാനാലെ താനെ നിമ്മ സാവുറു>> എന്റ് സൊന്നാന്.

ഓഗന്നാന് 8:27

തന്ന് അപ്പാനാന സാമിന പറ്റിത്തെ ഏസ്സ് സൊന്നാദെന്റ് അവാര്‌ക്ക് തെര്യാലെ.

ഓഗന്നാന് 8:58

അദുക്കുള ഏസ്സ്: <<നാന് നിമാക്ക് സത്ത്യമായി സൊന്റെ, അവുറഗാമ് പ്‌റാക്കുവാദ്‌ക്ക് മുദാലെ നാന് അവാന്‌ത്തെ>> എന്റ് അവാര്‌ക്ക് സൊന്നാന്.

അപ്പോസുത്തലാര് 2:41

പത്ത്‌റോസു സൊന്ന സേദിന നമ്പ്‌നവാര് ഒട്ടുക്കു നീര്‌ക്ക് മുളുഗുനാര്. അയി നാള് താനെ ഒപ്പതപ്പ മൂണായിര ആള്‌ഗാള് അവാരൊപ്പ എ്ണേന്താര്.

അപ്പോസുത്തലാര് 4:4

അവാര് സൊന്ന സേദിന കേ്ട്ട് എഞ്ചോ ആള്‌ഗാള് ഏസ്സ്‌ന നമ്പ്‌നാര്. നമ്പ്‌നവാര്‌ല് ഗണ്ടാള്‌ഗാള് താനെ ഒപ്പതപ്പ അഞ്ചായിരാക്ക് ആനാര്.

റോമഗാറാര് 1:4

നമ്മ് അപ്പാന് സാമിമ് നമ്മ് ആണ്ടവാന് ഏസ്സ് ക്‌റ്‌സ്‌ത്ത്‌മ് നിമാക്ക് പ്‌ണ്ണ്യാമ് ഗേഡൊ, നിമാന നിമ്മ്‌ദ്യായിമ് ബെക്കുഡൊ.