ഓഗന്നാന് 8:24 - സാമി സേദി

²⁴ അദ്‌നാലെ നിമ്മ് പാവാനാലെ താനെ നിമ്മ സാവുറു എന്റ് നാന് നിമാക്ക് സൊല്ലാലെഗ? നാന് ആരെന്റ് സൊന്നേനൊ അയാള്‌ത്തെ നാന് എന്റ് നിമ്മ നമ്പാദെ പോന നിമ്മ് പാവാനാലെ താനെ നിമ്മ സാവുറു>> എന്റ് സൊന്നാന്.

ഓഗന്നാന് 8:24 ပူးပေါင်းရင်းမြစ်များ

മത്തായി 24:5

എന്ത്‌ക്കെന്റ് സൊന്ന <നാന്‌ത്തെ ക്‌റ്‌സ്‌ത്ത്> എന്റ് സൊല്ലികൊണ്ടു എഞ്ചോ ആള്‌ഗാള് എന്ന് പേരെ്ഡ്‌ത്ത് ബരുവാര്. അത്തെ അവാര് എഞ്ചോ ആള്‌ഗാള്‌ന ഏമാത്തുവാര്.

മര്‌ക്കോസു 13:6

എഞ്ചോ ആള്‌ഗാള് <നാന്‌ത്തെ ക്‌റ്‌സ്‌ത്ത്> എന്റ് സൊല്ലി എന്ന് പേരെ്ഡ്‌ത്ത് ബരുവാര്. അത്തെ അവാര് എഞ്ചോ ആള്‌ഗാള്‌ന ഏമാത്തുവാര്.

മര്‌ക്കോസു 16:16

അയി സേദിന നമ്പി നീര്‌ക്ക് മുളിഗി ഇ്ളാഗ്‌ന്റവാര് ദെ്ണ്ടണേല് ഇന്ത് തപ്പിസി കഡാക്കുവാര്. നമ്പാത്തവാര്‌ക്ക് ദെ്ണ്ടണെ കെ്ഡേക്കുവു.

ലൂക്കോസു 21:8

അദുക്കുള ഏസ്സ് അവാര്‌ക്ക് ഇത്തെ സൊന്നാന്: <<ആര്‌മ് നിമാന ഏമാത്താദിര്‌ക്ക്യ സൂസാരിത്തിര്‌ന്. എഞ്ചോ ആള്‌ഗാള് <നാന്‌ത്തെ ക്‌റ്‌സ്‌ത്ത്> എന്റ്‌മ് <സമ്യ ബന്ത്‌ദ്> എന്റ്‌മ് സൊല്ലികൊണ്ടു എന്ന് പേരെ്ഡ്‌ത്ത് ബരുവാര്. അവാര് സൊല്ലുവാദ്‌ന കേ്ട്ട് അവാര് പിന്ന്‌മേലെ പോഗാദേന്.

ഓഗന്നാന് 13:19

അദ് നഡാക്കാട്ടി നാന്‌ത്തെ അയാള് എന്റ് നിമ്മ നമ്പ്യ ബേ്ണ്ടി നാന് ഇന്നാല് അദ് നഡാക്കാത്ത മുദാല് താനെ നിമാക്ക് സൊന്റെ.

ഓഗന്നാന് 3:18

സാമി മഗാന്‌ല് നമ്പിക്കെ ബെക്ക്‌ന്റവാന്‌ന സാമി കുറ്റ ബിദിക്കമാട്ടാന്. ആന സാമിക്ക് ഒന്റേ ഒന്റു മഗാനായിര്‌ക്ക്‌ന്റവാന്‌ന നമ്പിക്കെ ബെക്കാത്താദ്‌നാലെ നമ്പിക്കെ ബെക്കാത്തവാര്‌ന സാമി കുറ്റഗാറാരായി ബിദിത്ത്‌റ്‌ക്ക്‌ന്റാന്.

ഓഗന്നാന് 3:36

മഗാന്‌ന നമ്പ്‌ന്റവാര്‌ക്ക് എന്നാല്‌ക്ക്‌മ് ഇര്‌ക്കുവ പെ്ളേപ്പ് കെ്ഡേക്ക്‌മ്. ആന മഗാന് പേസ് കേ്ള്‌ക്കത്തവാര്‌ക്ക് എന്നാല്‌ക്ക്‌മ് ഇര്‌ക്കുവ പെ്ളേപ്പ് കെ്ഡേക്കമാട്ട. അവാര് ഒന്റേപെ്ട്ട് സാമി ദെ്ണ്ടണേക്ക് ആളായി തള്ള്‌നാര്.>>

ഓഗന്നാന് 4:26

അദ്‌ക്ക് ഏസ്സ്: <<നിന്നോഡ നായനൊഡിവ നാന്‌ത്തെ മസ്സിഗ>> എന്റ് സൊന്നാന്.

ഓഗന്നാന് 8:21

ഏസ്സ് പിന്നേമ് അവാര്‌ക്ക്: <<നാന് പോന്റെ, നിമ്മ എനാന പരാക്കുവുറു, നിമ്മ് പാവാനാലെ താനെ നിമ്മ സാവുറു, നാന് പോവ പട്ട്‌ക്ക് നിമാക്ക് ബര്യ മുഡ്യാമാട്ട>> എന്റ് സൊന്നാന്.

ഓഗന്നാന് 8:25

അദുക്കുള അവാര്: <<അന്നാപ്പ് നീയാര്?>> എന്റ് ഏസ്സ്‌ന കേ്ട്ടാര്. അദ്‌ക്ക് ഏസ്സ്: <<നാന് ആരെന്റ് മുദാലിന്തെ നിമാക്ക് സൊന്നേനൊ അദേ ആള്‌ത്തെ നാന്.

ഓഗന്നാന് 8:28

അദ്‌നാലെ ഏസ്സ് പിന്നേമ്: <<നിമ്മ മന്‌സാനായി പ്‌റാന്തവാന്‌ന ഉജാത്ത്‌ന പ്‌റ നാന് ആരെന്റ് സൊന്നേനൊ അദേ ആള്‌ത്തെ നാന് എന്റ് നിമാക്ക് തെരിമ്. നാന് എന്ന് അദിഗരാത്ത്‌ല് ഒന്റുമു ഗേഗാദെ എന്നപ്പാന് സാമി എനാക്ക് പഡ്‌സ്‌നാദ്‌നാത്തെ നാന് സൊന്റേനെന്റ്‌മ് നിമാക്ക് തെരിമ്.

ഓഗന്നാന് 8:58

അദുക്കുള ഏസ്സ്: <<നാന് നിമാക്ക് സത്ത്യമായി സൊന്റെ, അവുറഗാമ് പ്‌റാക്കുവാദ്‌ക്ക് മുദാലെ നാന് അവാന്‌ത്തെ>> എന്റ് അവാര്‌ക്ക് സൊന്നാന്.

അപ്പോസുത്തലാര് 4:12

ഏസ്സ് താനെത്തെ മന്‌സാന്‌ന കാപാറ്റ്‌ന്റവാന്, നമാന കാപാറ്റ്യ സാമി അയാള്‌ന അല്ലാദെ ബേ്റെ ആര്‌നാമ് ഉലഗാക്ക് സൊല്ലി ബ്‌ഡാലെ.>>

എവുറായാര് 12:25

അദ്‌നാലെ സാമി നായ സൊല്ലുഗാട്ടി അയാള് സൊല്ലുവാദ്‌ന തള്ളാദെ ഇര്‌ക്ക്യ നോഡുനു. ബൂമില് ബെത്ത് നായ നൊഡിന്തവാന് സൊന്നാദ്‌ന തള്ള്‌നവാര് തപ്പിസി കഡാക്കാലെ. അത്ത്യാന മേലോഗാത്ത്‌ലിന്ത് നായ നൊഡിന്റവാന് സൊല്ലുവാദ്‌ന തള്ള്‌ന തപ്പിസി കഡാക്ക്യ മുഡ്യാഗേ മാട്ട.

എവുറായാര് 2:3

അത്ത്യാന സാമി നമാന കാപാറ്റിര്‌ക്കുവ ദൊഡ്ഡ കാര്യന ഇന്നിമ് ദൊഡ്ഡ കാര്യല്ല എന്റ് ബെത്തദാന നമാക്ക് എത്തെ തപ്പിസി കഡാക്ക്യ മുഡിമ്? ആണ്ടവാന്‌ത്തെ നമാന കാപാറ്റുവാദ്‌ന പറ്റി മുദാല് സൊന്നാദ്. അദ്‌ന കേ്ട്ടവാര് ഇദ് സത്ത്യത്തെ എന്റ് നമാക്ക് കാട്ടി തന്ത്‌റ്‌ക്ക്‌ന്റാര്.