ഓഗന്നാന് 8:20 - സാമി സേദി

²⁰ സാമിബീ്ഡ്‌ല് ഉണ്ടിഗെ പെ്ട്ടി ബെത്ത്‌റ്‌ക്കുവ പട്ട്‌ല് ആള്‌ഗാള്‌ന പഡ്‌സ്‌ഗാട്ടിത്തെ ഏസ്സ് ഈ കാര്യഗാള്‌ന സൊന്നാദ്. ആന ആര്‌മ് അയാള്‌ന പ്‌ഡിക്കാലെ. എന്ത്‌ക്കെന്റ് സൊന്ന അന്നമാട്ട്‌ക്ക് അയാള്‌ക്കുള്ള നേര ബരാലെ.

ഓഗന്നാന് 8:20 ပူးပေါင်းရင်းမြစ်များ

ഓഗന്നാന് 7:30

അദുക്കുള ആള്‌ഗാള് ഏസ്സ്‌ന പ്‌ഡിക്ക്യ ഓരാഡ്‌നാര്. ആന അയാള്‌ക്കുള്ള നേര ബരാദിന്താദ്‌നാലെ ആര്‌മ് അയാള്‌ന അണ്ണാലെ.

ഓഗന്നാന് 7:8

നിമ്മ നോമ്പിക്ക് പോനു. എനാക്ക് ഒത്ത നേര ഇന്നിമ് ബരാത്താദ്‌നാലെ ഈ നോമ്പിക്ക് നാന് പോവാദില്ലെ>> എന്റ് സൊന്നാന്.

മര്‌ക്കോസു 12:41

ഏസ്സ് സാമിബീ്ഡ്‌ല ഉണ്ടിഗേക്ക് അര്‌ഗെ കുക്കാന്തിന്ത് ആള്‌ഗാള് കാണിക്കെ ഇക്കുവാദ്‌ന നോഡികൊണ്ടു ഇന്താന്. എഞ്ചോ പണഗാറാര് മൊത്തന പണഗാള് ഇക്ക്‌നാര്.

ഓഗന്നാന് 7:44

അവാര്‌ല് ലേസ ആള്‌ഗാള് ഏസ്സ്‌ന പ്‌ഡിക്കുഡൊ എന്റ് നെനേത്താര്. ആന അവാര് ആര്‌മ് അയാള്‌ന അണ്ണാലെ.

മര്‌ക്കോസു 12:43

ഏസ്സ് തന്ന് സൊല്ലുപഡി നഡാക്ക്‌ന്റവാര്‌ന അര്‌ഗെ ബ്‌ളിത്ത്: <<ആന ഈ ഏ്ളെ മ്‌ണ്ടേസി റാഡ് പണാത്തെ ഉണ്ടിഗേക്ക് ഇക്കിര്‌ന്റാള്. ആന എല്ലാര്‌ന ബ്‌ഡ അവാള് മൊത്തന ഇക്കിര്‌ന്റാള് എന്റ് നാന് സത്ത്യമായി നിമാക്ക് സൊന്റെ.

മത്തായി 27:6

ആന എഗുദാര് പൂസാരി തലെവാര്‌ഗാള് അയി പണാന എ്ഡ്‌ത്ത്: <<ഇദ് ഉജുരുക്കു കൊഡുത്ത ബെലെ ആനാദ്‌നാലെ സട്ടപഡി ഉണ്ടിഗേക്ക് ഇക്കുവാദ് തപ്പ്>> എന്റ് സൊന്നാര്.

ഓഗന്നാന് 10:39

അദുക്കുള എഗുദാര് പിന്നേമ് ഏസ്സ്‌ന പ്‌ഡിക്ക്യ ഓരാഡ്‌നാര്. ആന അയാള് പ്‌ഡി കെ്ഡേക്കാദെ ബെജിക്കി പോനാന്.

ഓഗന്നാന് 8:59

അദുക്കുള അവാര് ഏസ്സ്‌ക്ക് ഏ്റ്യ കല്ല് പൊറിക്കി എ്ഡ്‌ത്താര്. ആന ഏസ്സ് മറേന്ത് സാമിബീ്ഡ്‌ന ബ്‌ട്ട് പോനാന്.

ലൂക്കോസു 20:19

ഏസ്സ് സൊന്ന ഈ കദെ തമാന പറ്റിത്തെ സൊന്നാദ് എന്റ് എഗുദാര് പൂസാരി തലെവാര്‌ഗാള്‌ക്ക്‌മ് ബേദബാത്ത്യനാമ്‌ഗാള്‌ക്ക്‌മ് തെരിന്ത്‌ദ്. അദ്‌നാലെ അവാര് അന്നാല് താനെ ഏസ്സ്‌ന പ്‌ഡിക്ക്യ നോഡുനാര്. ആന ആള്‌ഗാള്‌ക്ക് അഞ്ചി അവാര് ഏസ്സ്‌ന പ്‌ഡിക്കാലെ.

മത്തായി 26:55

അയി ഗളിഗെ ഏസ്സ് ആള്‌ഗാള്‌ക്ക്: <<ഒന്റു കുറ്റഗാറാന്‌ന പ്‌ഡിക്ക്യ ബന്ത പാസെ ബഡിമ് ബാള്‌മ് എ്ഡ്‌ത്ത് എനാന പ്‌ഡിക്ക്യ നിമ്മ ബന്ത്‌റ്‌ന്റ്‌റ? നാന് സാമിബീ്ഡ്‌ല് ഒപ്പ കുക്കാന്തിന്ത് പഡിസിന്തെ. അദുക്കുളെല്ല നിമ്മ എനാന പ്‌ഡിക്കാലെ.

ലൂക്കോസു 21:1

ഏസ്സ് സുറ്റുമു നോഡുഗാട്ടി സാമിബീ്ഡ്‌ല ഉണ്ടിഗേക്ക് പണഗാറാര് കാണിക്കെ ഇക്കുവാദ്‌ന കണ്ടാന്.

ഓഗന്നാന് 2:4

ഏസ്സ് അവാള്‌ക്ക്: <<പെ്ണ്ണ്‌പെ്ളേഗെ, നാന് എന്ത് ഗേഡൊ എന്റ് നീ എനാക്ക് സൊല്ലുഡൊ എന്റില്ലെ? അദ് ഗേയ എനാക്കുള്ള നേര ഇന്നിമ് ആഗാലെ>> എന്റ് സൊന്നാന്.

ഓഗന്നാന് 7:14

നോമ്പി പാദി ആഗാട്ട്യെല്ല ഏസ്സ് സാമിബീ്ഡ്‌ക്ക് പോയി പഡിസ്യ പ്‌ഡിത്താന്.

ഓഗന്നാന് 8:2

മറ്‌നാള് ബെ്ഡ്യാകാലാത്ത്‌ല് താനെ ഏസ്സ് സാമിബീ്ഡ്‌ക്ക് തിരിഗി ബന്താന്. അദുക്കുള ആള്‌ഗാള് ഒട്ടുക്കു അയാള് പട്ട്‌ക്ക് ബന്താര്. ഏസ്സ് അദ്‌ല് കുക്കാന്തിന്ത് അവാര്‌ന പഡിസ്യ പ്‌ഡിത്താന്.