ഓഗന്നാന് 8:15 - സാമി സേദി

¹⁵ മന്‌സാര് അഡ്‌ത്തവാര്‌ന കുറ്റ ബിദിക്കുവ ദിന്‌സ്‌ല് നിമ്മ കുറ്റ ബിദിക്ക്‌ന്റ്‌റ്, നാന് ആര്‌നാമ് കുറ്റ ബിദിക്കുവാദില്ലെ.

ഓഗന്നാന് 8:15 ပူးပေါင်းရင်းမြစ်များ

ഓഗന്നാന് 12:47

എന്ന് നായന കേ്ട്ട് അദേപഡി നഡാക്കാത്തവാന്‌ന നാന് ബിദിക്കുവാദില്ലെ. എന്ത്‌ക്കെന്റ് സൊന്ന ഉലഗാത്ത്‌ല ആള്‌ഗാള്‌ന ബിദിക്ക്യല്ല കാപാറ്റ്യത്തെ നാന് ബന്ത്‌റ്‌ക്കുവാദ്.

ഓഗന്നാന് 7:24

കണ്ണ്‌ക്ക് കാണുവ പാസെ നിമ്മ ബിദിക്കാദേന്. നേര് എന്തെന്റ് തെരിന്ത പ്‌റ ബിദിന്.>>

ഓഗന്നാന് 3:17

സാമി തന്ന് മഗാന്‌ന ഉലഗാക്ക് സൊല്ലി ബ്‌ട്ടാദ് ഉലഗാത്ത്‌ല ആള്‌ഗാള്‌ന കുറ്റ ബിദിക്ക്യല്ല, അയാള്‌ന ബെത്ത് ഉലഗാത്ത്‌ല ആള്‌ഗാള്‌ന കാപാറ്റ്യത്തെ സൊല്ലി ബ്‌ട്ടാദ്.

ഓഗന്നാന് 18:36

അദ്‌ക്ക് ഏസ്സ്: <<നാന് ആളുവ നാഡ് ഈ ഉലഗാക്ക് പട്ടാദല്ല, നാന് ആളുവ നാഡ് ഈ ഉലഗാക്ക് പട്ടാദ് ആയിന്തദാന എനാന എഗുദാര് കയിക്ക് കൊഡുക്കാദിര്‌ക്ക്യ ബേ്ണ്ടി എന്ന് ഗിലാസഗാറാര് എനാക്ക് ബേ്ണ്ടി ജുദ്ദ ഗേന്ത്‌റ്‌ക്കുവാര്. ആന നാന് ആളുവ നാഡ് ഈ ഉലഗാക്ക് പട്ടാദല്ല>> എന്റ് സൊന്നാന്.

1 കൊരിന്ത്യഗാറാര് 2:15

സാമിനിഗാല് ഇര്‌ക്ക്‌ന്റവാന് സാമി മനേസ്സ്‌ല് ആസെപഡുവ നെനേവുഗാള്‌ന ഒട്ടുക്കു നെപ്പ്കെ്ഡേസ്‌ന്റാന്. ആന സാമിനിഗാല് ഇല്ലത്തവാന്‌ക്ക് സാമിനിഗാല് ഇര്‌ക്ക്‌ന്റവാന് നെനേവുഗാള്‌ന നെപ്പ്‌കെ്ഡേസ്യ മുഡിവാദില്ലെ.

റോമഗാറാര് 2:1

അദ്‌നാലെ അഡ്‌ത്തവാര്‌ന കുറ്റ ബിദിക്കുവ നീ ആരാനാല്‌മ് സെരി, നിനാക്ക് എന്തൊന്റു നായ സൊല്ലി തപ്പിസി കഡാക്ക്യ മുഡ്യാമാട്ട. അഡ്‌ത്തവാര്‌ന കുറ്റ ബിദിക്കാട്ടി നീ നിനാന താനെത്തെ കുറ്റ ബിദിക്ക്‌ന്റായി. എന്ത്‌ക്കെന്റ് സൊന്ന അഡ്‌ത്തവാര് ഗേന്ത അദേ കുറ്റനത്തെ നീയിമ് ഗേന്റായല്ല.

ഓഗന്നാന് 8:11

<<ഇല്ലെ, ആണ്ടവാനെ>> എന്റ് അവാള് സൊന്നാള്. അദുക്കുള ഏസ്സ്: <<നാന്‌മ് നിനാന ദെ്ണ്ടണെ ബിദിക്കുവാദില്ലെ. നീ പൊ, ഇന്നി പാവ ഗേഗാദെ>> എന്റ് അവാള്‌ക്ക് സൊന്നാന്.]

ആക്കോവു 2:4

നിമ്മ എന്ത് ഗേന്റ്‌റെന്റ് നിമാക്ക് തെരിവാദില്ലേഗ? നിമ്മ പഗ്‌ദ്യാള്‌ന ദൊഡ്ഡവാരായി കണാക്കാക്ക്‌ന്റ്‌റ്. നിമ്മ് മനേസ്സ്‌ലിര്‌ക്കുവ കെ്ട്ട എ്ണ്ണഗാള്‌ത്തെ ആള്‌ഗാള്‌ന പ്‌റ്‌ത്ത് നോഡ്യ ബെക്കുവാദ്.

ലൂക്കോസു 12:14

ആന ഏസ്സ് അയാള്‌ക്ക്: <<പൊന്നാ, നിമ്മ് പട്ട്‌ക്ക് നായഗാറാന്‌മ് സൊത്തുന പങ്കി കൊഡുക്കുന്റവാന്‌മായി എനാന ആരാറ്റ എ്ഡ്‌ത്ത് ബെത്ത്‌റ്‌ന്റാര?>> എന്റ് സൊന്നാന്.

2 കൊരിന്ത്യഗാറാര് 5:16

അദ്‌നാലെ ഇന്നിമുദാല് ഉലഗാത്ത്‌ല മന്‌സാന് നെനേക്കുവ പാസെ എമ്മ ആര്‌ന പറ്റിമ് നെനേക്കുവാദില്ലെ. എമ്മ ക്‌റ്‌സ്‌ത്ത്‌ന തെര്യാത്ത ഗളിഗേല് ക്‌റ്‌സ്‌ത്ത്‌ന നമ്പാത്തവാര് അയാള്‌ന പറ്റി നെനേത്തിന്ത പാസെത്തെ എമ്മാമ് നെനേത്തിന്താദ്. ആന ഇന്നാല് അത്ത്യല്ല.