ഓഗന്നാന് 7:35 - സാമി സേദി

³⁵ അദുക്കുള എഗുദാര്: <<നമ്മ കാണാദിര്‌ക്ക്യ ബേ്ണ്ടി ഏദെ്ഡേക്ക് ഇയാള് പോയ നെനേക്ക്‌ന്റാന്? എവനഗാറാര് പട്ട്‌ല് ജില്ലമ്പുല്ലാത്ത് ആയിര്‌ക്കുവ നമ്മ് ആള്‌ഗാള് പട്ട്‌ക്ക് പോയി എവനഗാറാര്‌ന പഡിസ്യാത്തെ നെനേക്ക്‌ന്റാനൊ?

ഓഗന്നാന് 7:35 ပူးပေါင်းရင်းမြစ်များ

മത്തായി 12:21

അദ്‌നാലെ ജാദിഗാള്‌മ് അയാള് പേര്‌ല് നെഞ്ചഡെ ബെക്കുവാര്.>>

ലൂക്കോസു 2:32

അയാള് ഇസ്‌റവേല്‌ഗാറാര് ആയിര്‌ക്കുവ നിന്ന് ആള്‌ഗാള്‌ക്ക് മദ്‌പ്പ്‌മ് സാമി പിര്യാന കാണ്യ ബേ്ണ്ടി ബേ്റെ ജാദിഗാള്‌ക്ക് തന്ന് ബെ്ള്‌സാനാമ് കൊഡുക്കുവാന്.>>

ഓഗന്നാന് 12:20

നോമ്പി നാള് സാമിന കുമ്മുഡ്യ ബന്തവാര് കൂട്ടാത്ത്‌ല് ലേസ എവനഗാറാര്‌മ് ഇന്താര്.

ഓഗന്നാന് 7:1

അദ്‌ക്ക് പ്‌റ ഏസ്സ് ഗലീല നാഡ്‌മേലെ സുറ്റി നഡാന്താന്, എഗുദാര് അയാള്‌ന കൊല്ല്യ പരാന്താദ്‌നാലെ എഗുദ നാഡ്‌മേലെ സുറ്റി നഡാക്ക്യ മനേസ്സില്ലാദിന്ത്‌ദ്.

ഓഗന്നാന് 8:22

അദ്‌നാലെ എഗുദാര് തലെവാര്‌ഗാള്: << <നാന് പോവ പട്ട്‌ക്ക് നിമാക്ക് ബര്യ മുഡ്യാമാട്ട> എന്റ് സൊന്നാനല്ല. അത്ത്യാന ഇയാള് താന്‌താനെ സായ പോന്റാനൊ?>> എന്റ് സൊന്നാര്.

അപ്പോസുത്തലാര് 11:18

ഇദ്‌ന കേ്ട്ട പ്‌റ അവാര് കുറ്റ സൊല്ലാലെ. <<പാവ ഗേവാദ്‌ന തെ്റിന്ത് തള്ളി നലമായി പെ്ളേക്ക്യ സാമി എഗുദാരല്ലാത്ത ജാദിഗാള്‌ക്ക്‌മ് ബാഗ്യ കൊഡുത്താനല്ല>> എന്റ് സൊല്ലി അവാര് സാമിന ഉജാത്തി സൊന്നാര്.

അപ്പോസുത്തലാര് 11:20

കുപ്പുറോസുഗാറാര്‌മ് കൊറേന നാഡ്‌ഗാറാര്‌മ് ആന ബേ്റെ ഏസ്സ്‌ഗാറാര് അന്തോക്ക്യാക്ക് പോയി എവനനായ നൊഡിവ ആള്‌ഗാള്‌ക്ക് ഏസ്സ്‌ന പറ്റി സൊല്ലുവ നല്ല സേദിന സൊന്നാര്.

അപ്പോസുത്തലാര് 14:1

പവുലോസുമു ബറ്‌ണവാസ്‌മ് ഇക്കോന്യ പട്ടണാക്ക് പോനാര്. അദ്‌ക്ക് പ്‌റ ഒപ്പ ഗേവ പാസെ അവാര് അദ്‌ലിന്ത എഗുദാര് പരേസുവ ബീ്ഡ്‌ക്ക് പോയി ആള്‌ഗാള്‌ക്ക് നായ സൊന്നാര്. അത്തെ അവാര് നലമായി നായ സൊന്നാദ്‌നാലെ അദ്‌ല്‌മ് എഞ്ചോ എഗുദാര്‌മ്, എഞ്ചോ എഗുദാര് അല്ലാത്ത ജാദിഗാള്‌മ് ഏസ്സ്‌ന നമ്പ്‌നാര്.

അപ്പോസുത്തലാര് 17:4

പവുലോസുമ് സീലാസ്‌മ് സൊന്നാദ് നേരെന്റ് തെരിന്ത ലേസ എഗുദാര് പവുലോസാമ്‌ക്ക് എ്ണേന്താര്. അദേപാസെ താനെ ഇസ്‌റവേല് സാമിന കുമ്മുഡിന്ത എഞ്ചോ എവനഗാറാര്‌മ് ആള്‌ഗാള് മദിസിന്ത എഞ്ചോ പെ്ണ്ണ്‌മക്കാള്‌മ് അവാര്‌ക്ക് എ്ണേന്താര്.

അപ്പോസുത്തലാര് 18:4

ആന ഒയിവു നാളൊട്ടുക്കു അയാള് എഗുദാര് പരേസുവ ബീ്ഡ്‌ക്ക് പോയി എഗുദാരോഡാമ് എവനഗാറാരോഡാമ് ബാദിത്ത് കൊണ്ടു അവാര് ഏസ്സ്‌ന നമ്പ്യ ബേ്ണ്ടി ഓരാഡികൊണ്ടിന്താന്.

അപ്പോസുത്തലാര് 21:21

അവാര് നിനാന പറ്റി ഇത്തെ സൊന്റാര്, <മോസെ സട്ടന തെ്റിന്ത് തള്ള്യ ബേ്ണ്ടി എഗുദാര് സട്ട്‌മെ്ട്ട്‌പഡി നഡാക്കുവാദൊ അവാര് തമ്മ് മക്കാള്‌ഗാള്‌ന പരിസേദനെ സാത്ത്‌റ ഗേവാദൊ പാങ്കില്ലെ എന്റ് എഗുദാര് അല്ലാത്ത ജാദിഗാള് നാഡ്‌ലിര്‌ക്കുവ എഗുദാര്‌ന> നീ പഡ്‌സ്‌ന്റായെന്റ.

അപ്പോസുത്തലാര് 22:21

ആന ആണ്ടവാന് എനാക്ക്: <പൊ! നാന് നിനാന ദൂരാത്ത്‌ല് ഇര്‌ക്കുവ എഗുദാരല്ലാത്ത ജാദിഗാള് പട്ട്‌ക്ക് സൊല്ലി ബ്‌ഡ്‌വെ> എന്റ് സൊന്നാന്.>>

റോമഗാറാര് 1:16

നല്ല സേദിന പറ്റി നാന് നാണപഡുവാദില്ലെ, പെരിമെത്തെ പഡ്‌ന്റെ. എന്ത്‌ക്കെന്റ് സൊന്ന നല്ല സേദിന നമ്പുവ ഏവാര്‌ക്ക്‌മ് ആദ്യ എഗുദാര്‌ക്ക് പ്‌റ എഗുദാര് അല്ലാത്ത ജാദിഗാള്‌ക്ക്‌മ് തപ്പിസി കഡാക്കുവാദ്‌ക്കുള്ള സാമി സക്‌തി അദ്‌ലിര്‌ക്ക്‌ന്റ്.

എപസോസുഗാറാര് 3:8

ക്‌റ്‌സ്‌ത്ത്‌ന ബെത്ത് ഇന്നമാട്ട്‌ക്ക് സൊല്ലി തരാദിന്ത അയി അറുവു എത്ത്‌റ ദൊഡ്ഡാദ്? ക്‌റ്‌സ്‌ത്ത്‌ന ബെത്ത് സാമിക്ക് ബേ്ണ്ടി പ്‌റ്‌ത്ത് ബെത്ത്‌റ്‌ക്കുവ എഞ്ചോ ആള്‌ഗാള് കൂട്ടാത്ത്‌ല് നാന് ദൊഡ്ഡവാനല്ല. അത്തിന്ത് ഗുഡി അയി നല്ല സേദിന സൊല്ലുവ ഗിലാസാന ഗേയ സാമി എനാക്ക് പ്‌ണ്ണ്യ ഗേന്താന്.

കൊലേസ്യഗാറാര് 1:27

ഏസ്സ് ക്‌റ്‌സ്‌ത്ത്‌നാലെ സാമ്യോഡ എ്ണേവ ബാഗ്യ ഈ ഉലഗാത്ത്‌ലിര്‌ക്കുവ എല്ലാ ജാദിഗാള്‌ക്ക്‌മ് കെ്ഡേക്കുവ ഈ സേദി ഇന്നമാട്ട്‌ക്ക് തെര്യാദിന്ത്‌ദ്. ആന ഏസ്സ്‌ഗാറാര് കൂട്ടാക്ക് അദ്‌ന ഇന്നാല് സൊല്ലി കൊഡുക്ക്യ സാമി ആസെപട്ടാന്. അദ്‌നാലെ ഏസ്സ്‌ന നമ്പി സാമിക്ക് എ്ണേവാദ് നിമാക്ക് കെ്ഡേത്ത ദൊഡ്ഡ ബാഗ്യത്തെ.

1 തിമിത്തോസു 2:7

അദ്‌നാലെത്തെ നമ്പിക്കേന പറ്റി സൊല്ലുവ ഈ സത്ത്യ സേദിന എഗുദരല്ലാത്ത ജാദിഗാള്‌ക്ക് പഡിസ്യ അപ്പോസുത്തലാനായിമ് ബാത്ത്യാനായിമ് സാമി എനാന സൊല്ലി ബ്‌ട്ട്‌റ്‌ക്കുവാദ്. നാന് സൊല്ലുവാദ് പൊയ്യല്ല നേര്‌ത്തെ.

2 തിമിത്തോസു 1:11

അയി നല്ല സേദിന പറ്റി സൊല്ലി കൊഡുക്ക്യ ബേ്ണ്ടിത്തെ സാമി എനാന അപ്പോസുത്തലാന്‌മ് ബാത്ത്യാന്‌മ് ആയി എ്ഡ്‌ത്ത് ബെത്ത്‌റ്‌ക്കുവാദ്.

ആക്കോവു 1:1

സാമിത്ത്‌മ് ആണ്ടവാന് ഏസ്സ് ക്‌റ്‌സ്‌ത്ത്‌ത്ത്‌മ് ഗിലാസഗാറാന് ആയിര്‌ക്കുവ ആക്കോവു എന്നുവ നാന് എ്ള്‌ദുവ എ്ള്‌ത്ത്. ഇസ്‌റവേല് ജാദിക്ക് പട്ട പന്നന്റ് കുലാത്ത്‌ല് ഏസ്സ്‌ന നമ്പിര്‌ക്കുവ ആള്‌ഗാള് ഉലഗാത്ത്‌ല് പല എ്ഡെഗാള്‌ല് ജില്ലമ്പുല്ലാത്ത് ആയിര്‌ക്ക്‌ന്റാര്. അവാര്‌ക്ക്‌ത്തെ നാന് ഈ എ്ള്‌ത്ത് എ്ള്‌ദുവാദ്.

1 പത്ത്‌റോസു 1:1

ഏസ്സ് ക്‌റ്‌സ്‌ത്ത് അപ്പോസുത്തലാനാന പത്ത്‌റോസു പൊന്തോസു, ഗലാത്ത്യ, കപ്പദോക്ക്യ, ആസ്യ, ബിദ്‌ന്യ എന്നുവ നാഡ്‌ക്ക്‌റാഗ ജില്ലമ്പുല്ലാത്തായി പരദേസിഗാള് ആയിര്‌ക്കുവ സാമി തെരിന്തെ്ഡ്‌ത്തവാര്‌ക്ക് എ്ള്‌ദുവ എ്ള്‌ത്ത്.