ഓഗന്നാന് 7:30 - സാമി സേദി

³⁰ അദുക്കുള ആള്‌ഗാള് ഏസ്സ്‌ന പ്‌ഡിക്ക്യ ഓരാഡ്‌നാര്. ആന അയാള്‌ക്കുള്ള നേര ബരാദിന്താദ്‌നാലെ ആര്‌മ് അയാള്‌ന അണ്ണാലെ.

ഓഗന്നാന് 7:30 ပူးပေါင်းရင်းမြစ်များ

മത്തായി 12:14

ആന പരിസാര് ബെ്ളിഗെ പോയി ഏസ്സ്‌ന എത്തെ കൊല്ലുഡൊ എന്നുവാദ്‌ന പറ്റി സട്ട കെ്ട്ട്‌നാര്.

മത്തായി 21:46

അദ്‌നാലെ അവാര് ഏസ്സ്‌ന പ്‌ഡിക്ക്യ നോഡുനാര്. ആന ആള്‌ഗാള് ഏസ്സ്‌ന ഒന്റു സാമിദാസ് എന്റ് നെനേത്തിന്താദ്‌നാലെ ആള്‌ഗാള്‌ക്ക് അവാര് അഞ്ച്‌നാര്.

മര്‌ക്കോസു 11:18

ഇദ്‌ന കേ്ട്ട് എഗുദാര് പൂസാരി തലെവാര്‌ഗാള്‌മ് ബേദബാത്ത്യനാമ്‌ഗാള്‌മ് ഏസ്സ്‌ന എത്തെ കൊല്ലുഡൊ എന്നുവാദ്‌ന പറ്റി ഓസണെ കെ്ട്ട്‌നാര്. ആള്‌ഗാളൊട്ടുക്കു അയാള് സൊല്ലുവ ബുദ്ദിനായന കേ്ട്ട് അദിസ്യപട്ടിന്താര്. അദ്‌നാലെ എഗുദാര് പൂസാരി തലെവാര്‌ഗാള്‌മ് ബേദബാത്ത്യനാമ്‌ഗാള്‌മ് അയാള്‌ന അഞ്ച്‌നാര്.

ലൂക്കോസു 20:19

ഏസ്സ് സൊന്ന ഈ കദെ തമാന പറ്റിത്തെ സൊന്നാദ് എന്റ് എഗുദാര് പൂസാരി തലെവാര്‌ഗാള്‌ക്ക്‌മ് ബേദബാത്ത്യനാമ്‌ഗാള്‌ക്ക്‌മ് തെരിന്ത്‌ദ്. അദ്‌നാലെ അവാര് അന്നാല് താനെ ഏസ്സ്‌ന പ്‌ഡിക്ക്യ നോഡുനാര്. ആന ആള്‌ഗാള്‌ക്ക് അഞ്ചി അവാര് ഏസ്സ്‌ന പ്‌ഡിക്കാലെ.

ലൂക്കോസു 22:53

നാന് നാള്‌ക്ക്‌മ് സാമിബീ്ഡ്‌ല് നിമ്മോഡൊപ്പ ഇന്തേനല്ല. അദുക്കുളെല്ല നിമ്മ എനാന പ്‌ഡിക്കാലെ. ആന ഇ്റ്‌ട്ട്‌ക്കിര്‌ക്കുവ അദിഗര ആളുവ ഈ സമ്യത്തെ നിമാക്ക് എനാന പ്‌ഡിക്കുവാദ്‌ക്കുള്ള സമ്യ>> എന്റ് സൊന്നാന്.

ഓഗന്നാന് 10:31

അദുക്കുള എഗുദാര് അയാള്‌ക്ക് എ്റ്യ പിന്നേമ് കല്ലെ്ഡ്‌ത്താര്.

ഓഗന്നാന് 10:39

അദുക്കുള എഗുദാര് പിന്നേമ് ഏസ്സ്‌ന പ്‌ഡിക്ക്യ ഓരാഡ്‌നാര്. ആന അയാള് പ്‌ഡി കെ്ഡേക്കാദെ ബെജിക്കി പോനാന്.

ഓഗന്നാന് 11:57

ആന എഗുദാര് പൂസാരി തലെവാര്‌ഗാള്‌മ് പരിസാര്‌ഗാള്‌മ് ഏസ്സ്‌ന പ്‌ഡിക്ക്യ ബേ്ണ്ടി അയാള് ഇര്‌ക്കുവ എ്ഡെന ആര്‌ക്കാറ്റ തെരിന്തദാന അറുവു കൊഡുക്കുഡൊ എന്റ് കല്‌പനെ കൊഡുത്തിന്താര്.

ഓഗന്നാന് 7:19

മോസെ നിമാക്ക് സാമി ബെത്ത സട്ടാന തന്ത്‌റ്‌ക്ക്‌ന്റാനല്ല? എന്റാല്‌മ് നിമ്മ് കൂട്ടാത്ത്‌ല് ആര്‌മ് അയി സട്ടപഡി നഡാക്കുവാദില്ലെ. പിന്നെന്ത്‌ക്ക് നിമ്മ എനാന കൊല്ല്യ നോഡുവാദ്?>>

ഓഗന്നാന് 7:32

ആള്‌ഗാള് ഏസ്സ്‌ന പറ്റി ഇത്തെ ആങ്കീങ്ക് പജിക്കിപജിക്കി സൊല്ലുവാദ്‌ന പരിസാര് കേ്ട്ടാര്. അദ്‌നാലെ ഏസ്സ്‌ന പ്‌ഡിക്ക്യ എഗുദാര് പൂസാരി തലെവാര്‌ഗാള്‌മ് പരിസാര്‌ഗാള്‌മ് കാവ കാക്കുവ പട്ടളഗാറാര്‌ന സൊല്ലി ബ്‌ട്ടാര്.

ഓഗന്നാന് 7:6

അദ്‌ക്ക് ഏസ്സ് അവാര്‌ക്ക്: <<എനാക്ക് ഒത്ത നേര ഇന്നിമ് ബരാലെ. ആന നിമാക്കൊ ഏദ് ഗളിഗേക്ക് ബേ്ഡ്‌മാനാല് കാര്യഗാള് ഗേല.

ഓഗന്നാന് 7:8

നിമ്മ നോമ്പിക്ക് പോനു. എനാക്ക് ഒത്ത നേര ഇന്നിമ് ബരാത്താദ്‌നാലെ ഈ നോമ്പിക്ക് നാന് പോവാദില്ലെ>> എന്റ് സൊന്നാന്.

ഓഗന്നാന് 8:20

സാമിബീ്ഡ്‌ല് ഉണ്ടിഗെ പെ്ട്ടി ബെത്ത്‌റ്‌ക്കുവ പട്ട്‌ല് ആള്‌ഗാള്‌ന പഡ്‌സ്‌ഗാട്ടിത്തെ ഏസ്സ് ഈ കാര്യഗാള്‌ന സൊന്നാദ്. ആന ആര്‌മ് അയാള്‌ന പ്‌ഡിക്കാലെ. എന്ത്‌ക്കെന്റ് സൊന്ന അന്നമാട്ട്‌ക്ക് അയാള്‌ക്കുള്ള നേര ബരാലെ.

ഓഗന്നാന് 8:37

നിമ്മ അവുറഗാമ് കാല്‌ക്ക് പട്ടവാര്‌ത്തെ എന്റ് എനാക്ക് തെരിമ്. എന്റാല്‌മ് നാന് സൊല്ലുവ നായന കേ്ള്‌ക്ക്യ നിമാക്ക് മനേസ്സില്ലത്താദ്‌നാലെ നിമ്മ എനാന കൊല്ല്യ നോഡുന്റുറു.

ഓഗന്നാന് 8:59

അദുക്കുള അവാര് ഏസ്സ്‌ക്ക് ഏ്റ്യ കല്ല് പൊറിക്കി എ്ഡ്‌ത്താര്. ആന ഏസ്സ് മറേന്ത് സാമിബീ്ഡ്‌ന ബ്‌ട്ട് പോനാന്.

ഓഗന്നാന് 9:4

ആര്‌ക്ക്‌മ് ഗിലാസ ഗേയ മുഡ്യാത്ത ജാമ ബന്റ്. അദ്‌നാലെ പഗാല് ഇര്‌ക്കാട്ടിതാനെ എനാന സൊല്ലി ബ്‌ട്ടവാന് ഗേയ തന്ത്‌റ്‌ക്കുവ ഗിലാസഗാള്‌ന നമ്മ ഗേഡൊ.