ഓഗന്നാന് 7:19 - സാമി സേദി

¹⁹ മോസെ നിമാക്ക് സാമി ബെത്ത സട്ടാന തന്ത്‌റ്‌ക്ക്‌ന്റാനല്ല? എന്റാല്‌മ് നിമ്മ് കൂട്ടാത്ത്‌ല് ആര്‌മ് അയി സട്ടപഡി നഡാക്കുവാദില്ലെ. പിന്നെന്ത്‌ക്ക് നിമ്മ എനാന കൊല്ല്യ നോഡുവാദ്?>>

ഓഗന്നാന് 7:19 ပူးပေါင်းရင်းမြစ်များ

ഓഗന്നാന് 1:17

മോസെ ബെത്ത സാമിസട്ട മോസെ കയിലിന്ത് നമാക്ക് കെ്ഡേത്ത്‌ദ്. ആന സാമി ഗവാമ് സത്ത്യാമ് ഏസ്സ് ക്‌റ്‌സ്‌ത്ത്‌നാലെ നമാക്ക് കെ്ഡേത്ത്‌റ്‌ക്ക്‌ന്റ്.

ഓഗന്നാന് 11:53

അദ്‌നാലെ അയി നാള്‌ലിന്ത് അവാര് ഏസ്സ്‌ന കൊല്ല്യ ഓസണെ കെ്ട്ട്‌നാര്.

ഓഗന്നാന് 7:1

അദ്‌ക്ക് പ്‌റ ഏസ്സ് ഗലീല നാഡ്‌മേലെ സുറ്റി നഡാന്താന്, എഗുദാര് അയാള്‌ന കൊല്ല്യ പരാന്താദ്‌നാലെ എഗുദ നാഡ്‌മേലെ സുറ്റി നഡാക്ക്യ മനേസ്സില്ലാദിന്ത്‌ദ്.

മത്തായി 12:14

ആന പരിസാര് ബെ്ളിഗെ പോയി ഏസ്സ്‌ന എത്തെ കൊല്ലുഡൊ എന്നുവാദ്‌ന പറ്റി സട്ട കെ്ട്ട്‌നാര്.

ഗലാത്ത്യഗാറാര് 6:13

പരിസേദനെ സാത്ത്‌റ ഗേഡൊ എന്റ് പഡ്‌സ്‌ന്റവാര് താനെ മോസെ ബെത്ത സാമി സട്ടപഡി നഡാക്കുവാദ്‌മില്ലെ. നിമാന പരിസേദനെ സാത്ത്‌റ ഗേസുവാദ്‌ല് പെരിമെപഡ്യ ബേ്ണ്ടി നിമാന പരിസേദനെ സാത്ത്‌റ ഗേസുഡൊ എന്റ് ഇവാര് ആസെപഡ്‌ന്റാര്.

ഗലാത്ത്യഗാറാര് 3:19

അത്ത്യാന മോസെ ബെത്ത സാമിസട്ട ബെത്തിന്താദ് എന്ത്‌ക്ക്? അയി സട്ട ആള്‌ഗാള് പാവ ഗേഗാദിര്‌ക്ക്യ ബേ്ണ്ടി സാമി അവുറഗാമോഡ എ്ണേന്ത് ബെത്ത ഒപ്പന്താക്ക് സേത്ത്‌നാദ്‌ത്തെ. സാമിലിന്ത് ബാക്ക് കെ്ഡേത്ത അവുറഗാമ് കാല്‌ക്ക് പട്ട മഗാന് ബരമാട്ട്‌ക്ക് അയി സട്ടാക്ക് കെ്ട്ട്‌പട്ട് നഡാന്തിന്ത്‌റ്‌ക്കുഡൊ. സാമി ഈ സട്ടന ദൂദാര്‌ഗാള്‌ക്ക് കൊഡുത്തു അവാര് അദ്‌ന സാമിക്ക്‌മ് മന്‌സാര്‌ഗാള്‌ക്ക്‌മ് പൊത്തിലിര്‌ക്കുവ മോസേക്ക് കൊഡുത്താര്.

അപ്പോസുത്തലാര് 7:38

സീനായി മലേല് സാമിദൂദാനോഡ നായ നൊഡിന്താദ്‌മ്, ബെ്ട്ടെകാഡ്‌ല് ഇസ്‌റവേല് കൂട്ടാത്ത്‌ല് നമ്മ് പാട്ടനാമോഡ ഒപ്പ ഇന്താദ്‌മ് ഈ മോസെത്തെ. ഉജുരു തരുവ സൊല്ലുസുലാക്കാന നമാക്ക് തര്യ ബേ്ണ്ടി സാമി ഈ മോസേക്ക്‌ത്തെ കൊഡുത്താദ്. അയി സൊല്ലു സുലാക്കനത്തെ മോസെ നമാക്ക് തന്താദ്.

ഓഗന്നാന് 10:39

അദുക്കുള എഗുദാര് പിന്നേമ് ഏസ്സ്‌ന പ്‌ഡിക്ക്യ ഓരാഡ്‌നാര്. ആന അയാള് പ്‌ഡി കെ്ഡേക്കാദെ ബെജിക്കി പോനാന്.

ഓഗന്നാന് 7:25

അദുക്കുള എര്‌സലേമ്‌ല് ഇര്‌ക്ക്‌ന്റവാര്‌ല് ലേസ ആള്‌ഗാള്: <<അവാര് കൊല്ല്യ പരാക്കുവാദ് ഇയാള്‌നത്ത്യല്ല?

ഓഗന്നാന് 5:45

നാന് അപ്പാന് സാമി മുന്നുക്കു നിമാന പറ്റി കുറ്റ സൊല്ലുവേന് എന്റ് നിമ്മ നെനേക്കാദേന്. <എമാന പറ്റി കുറ്റ സൊല്ലമാട്ടാന്> എന്റ് നിമ്മ നെഞ്ചഡെ ബെത്ത്‌റ്‌ക്കുവ മോസെത്തെ നിമാന പറ്റി കുറ്റ സൊല്ലുവാന്.

ഓഗന്നാന് 5:18

അത്തെ ഏസ്സ് ഒയിവു നാള് ഗേയ പാങ്കില്ലാത്ത കാര്യന ഗേന്താദ്‌ക്ക് താനേമല്ല, സാമിന തന്നപ്പാന് എന്റ് സൊല്ലി തനാന സാമിക്ക് സമ മാഡ്‌നാദ്‌നാലേമ് എഗുദാര് ഏസ്സ്‌ന കൊല്ല്യ സേത്തി ഓരാഡി കൊണ്ടിന്താര്.

ഓഗന്നാന് 5:16

ഏസ്സ് ഒയിവു നാള് അയാള്‌ന തെ്ള്‌സ്‌നാദ്‌നാലെ എഗുദാര് ഏസ്സ്‌ന ഒന്റേപെ്ട്ട് ബുദ്ദിമുട്ടുസ്യ പ്‌ഡിത്താര്.

മര്‌ക്കോസു 3:6

അന്നാല് താനെ പരിസാര് ബെ്ളിഗെ പോയി എരോദ്യരോഡ ഏസ്സ്‌ന എത്തെ കൊല്ലുഡൊ എന്നുവാദ്‌ന പറ്റി സട്ട കെ്ട്ട്‌നാര്.

മര്‌ക്കോസു 3:4

പ്‌റ ഏസ്സ് ആള്‌ഗാള്‌ന: <<ഒയിവു നാള് നല്ലാദ് ഗേവാദൊ, കെ്ട്ടാദ് ഗേവാദൊ, ഒന്റു ഉജുരുന കാപാറ്റുവാദൊ, അളിക്കുവാദൊ, ഏദ് സെരി?>> എന്റ് അവാര്‌ന കേ്ട്ടാന്. അദുക്കുള അവാര് ഒന്റുമു സൊല്ലാദെ സപ്പെന്റിന്താര്.

മത്തായി 21:38

ആന ഗുത്തഗെഗാറാര് അയി മഗാന്‌ന കണ്ട്: <ഇവാന്‌ത്തെ ഈ ദോട്ടാക്ക് ഉരിമെഗാറാന്. അദ്‌നാലെ ബാന്, നമ്മ അയാള്‌ന കൊന്റു അയാള് സൊത്തുന നമാക്ക് എ്ഡ്‌ക്ക്‌ഗാന്> എന്റ് തമാക്ക് തമാക്ക് സൊന്നാര്.

മര്‌ക്കോസു 11:18

ഇദ്‌ന കേ്ട്ട് എഗുദാര് പൂസാരി തലെവാര്‌ഗാള്‌മ് ബേദബാത്ത്യനാമ്‌ഗാള്‌മ് ഏസ്സ്‌ന എത്തെ കൊല്ലുഡൊ എന്നുവാദ്‌ന പറ്റി ഓസണെ കെ്ട്ട്‌നാര്. ആള്‌ഗാളൊട്ടുക്കു അയാള് സൊല്ലുവ ബുദ്ദിനായന കേ്ട്ട് അദിസ്യപട്ടിന്താര്. അദ്‌നാലെ എഗുദാര് പൂസാരി തലെവാര്‌ഗാള്‌മ് ബേദബാത്ത്യനാമ്‌ഗാള്‌മ് അയാള്‌ന അഞ്ച്‌നാര്.