ഓഗന്നാന് 6:38 - സാമി സേദി

³⁸ എന്ത്‌ക്കെന്റ് സൊന്ന എനാക്ക് പ്‌ഡിത്ത കാര്യഗാള്‌നല്ല നാന് ഗേയ ബന്താദ്. എനാന സൊല്ലി ബ്‌ട്ട എന്നപ്പാന്‌ക്ക് പ്‌ഡിത്ത കാര്യഗാള്‌ന ഗേയാത്തെ നാന് മേലോഗാത്ത്‌ലിന്ത് ഇ്റാഗി ബന്ത്‌റ്‌ക്കുവാദ്.

ഓഗന്നാന് 6:38 ပူးပေါင်းရင်းမြစ်များ

മത്തായി 20:28

മന്‌സാനായി പ്‌റാന്തവാന് ബന്താദ് ആള്‌ഗാള് തനാന നോഡ്യമാഡ്യല്ല, ആള്‌ഗാള്‌ന നോഡ്യമാഡ്യാമ് എഞ്ചോ ആള്‌ഗാള് ഉജുരുന കെ്ഡേസ്യ ബേ്ണ്ടി തന്ന് ഉജുരുന കൊഡുക്ക്യ ബേ്ണ്ടിമ്‌ത്തെ ബന്താദ്. നിമ്മാമ് അദേപാസെത്തെ ആയിര്‌ക്കുഡൊ>> എന്റ് സൊന്നാന്.

ഓഗന്നാന് 3:13

മേലോഗാത്ത്‌ലിന്ത് ഇ്റാഗി ബന്ത മന്‌സാനായി പ്‌റാന്തവാനല്ലാദെ ബേ്റെ ആര്‌മ് മേലോഗാക്ക് ഏ്റാലെ.

ഓഗന്നാന് 3:17

സാമി തന്ന് മഗാന്‌ന ഉലഗാക്ക് സൊല്ലി ബ്‌ട്ടാദ് ഉലഗാത്ത്‌ല ആള്‌ഗാള്‌ന കുറ്റ ബിദിക്ക്യല്ല, അയാള്‌ന ബെത്ത് ഉലഗാത്ത്‌ല ആള്‌ഗാള്‌ന കാപാറ്റ്യത്തെ സൊല്ലി ബ്‌ട്ടാദ്.

ഓഗന്നാന് 3:31

<<മേലോഗാത്ത്‌ലിന്ത് ബന്റവാന് എല്ലാര്‌ന ബ്‌ഡ ദൊഡ്ഡവാന്‌ത്തെ. ബൂലോഗാത്ത്‌ല് ഇര്‌ക്ക്‌ന്റവാന് ബൂമിക്ക് പട്ടവാന്‌ത്തെ. അയാള് ബൂമില കാര്യന പറ്റി സൊന്റാന്. ആന മേലോഗാത്ത്‌ലിന്ത് ബന്റവാന് എല്ലാര്‌ന ബ്‌ഡ ദൊഡ്ഡവാന്‌ത്തെ.

ഓഗന്നാന് 4:34

ഏസ്സ് അവാര്‌ക്ക് ഇത്തെ സൊന്നാന്: <<എനാന സൊല്ലി ബ്‌ട്ടവാന്‌ക്ക് പ്‌ഡിത്ത കാര്യ ഗേവാദ്‌മ് അയാള് എനാക്ക് ഗേയ തന്ത്‌റ്‌ക്കുവ ഗിലാസാന ഗേന്ത് മുഡിക്കുവാദ്‌മ്‌ത്തെ എന്ന് തീനി

ഓഗന്നാന് 5:19

അദ്‌നാലെ ഏസ്സ് അവാര്‌ക്ക് ഇത്തെ സൊന്നാന്: <<നാന് നിമാക്ക് സത്ത്യമായിമ് സൊന്റെ, മഗാന്‌ക്ക് തനിസി താനെ ഒന്റുമു ഗേയ മുഡ്യ. അപ്പാന് എന്ത് ഗേന്റാനൊ അദ്‌ന കണ്ട്‌ത്തെ മഗാന്‌മ് ഗേവാദ്, അപ്പാന് ഗേവാദ്‌നെല്ല മഗാന്‌മ് അദേപാസെത്തെ ഗേന്റാന്.

ഓഗന്നാന് 5:30

<<എനാക്ക് സൊന്തായി ഒന്റുമു ഗേയ മുഡ്യാമാട്ട. സാമി എനാക്ക് സൊല്ലുവ പാസെത്തെ നാന് നായ ബിദിക്ക്‌ന്റെ. നാന് എന്ന് പിര്യാക്കല്ല, എനാന സൊല്ലി ബ്‌ട്ടവാന് പിര്യാക്ക്‌ത്തെ ബിദിക്കുവാദ്‌നാലെ നാന് ബിദിക്കുവ ബിദി നേര്‌മെ ഉള്ളാദ്‌ത്തെ.

ഓഗന്നാന് 6:29

അദുക്കുള ഏസ്സ് അവാര്‌ക്ക്: <<സാമി സൊല്ലി ബ്‌ട്ടവാന്‌ല് നമ്പിക്കെ ബെക്കുഡൊ എന്നുവാദ്‌ത്തെ നിമ്മ ഗേഡൊ എന്റ് സാമി ആസെപഡുവ കാര്യ>> എന്റ് സൊന്നാന്.

ഓഗന്നാന് 6:33

എന്ത്‌ക്കെന്റ് സൊന്ന ഉലഗാത്ത്‌ലവാര്‌ക്ക് ഉജുരുന കൊഡുക്ക്യ ബേ്ണ്ടി മേലോഗാത്ത്‌ലിന്ത് ഇ്റാഗി ബന്തവാന്‌ത്തെ സാമി തരുവ അഡെ>> എന്റ് സൊന്നാന്.

ഓഗന്നാന് 6:42

<<ഇവാന് ഓസേപ് മഗാന് ഏസ്സ്‌ത്തേഗൊ? അയാള് അപ്പനച്ചാന്‌നാമ് അവ്വേസിനാമ് നമാക്ക് തെരിമല്ല, പിന്നെത്തെ നാന് മേലോഗാത്ത്‌ലിന്ത് ഇ്റാഗി ബന്തവാന് എന്റ് അയാള്‌ക്ക് സൊല്ല്യ മുഡിമ്?>> എന്റ് സൊന്നാര്.

ഓഗന്നാന് 6:57

ഉജുരുള്ള അപ്പാന് സാമി എനാന സൊല്ലി ബ്‌ട്ട് നാന് അപ്പാന്‌നാലെ പെ്ളേക്കുവ പാസെ എനാന തിന്ന്‌ന്റവാന് എന്ന്‌നാലെ പെ്ളേക്കുവാന്.

റോമഗാറാര് 15:3

ക്‌റ്‌സ്‌ത്ത് ഗുഡി തനാന പിര്യപഡുസുവ കാര്യഗാളല്ല ഗേയ നോഡുനാദ്. സാമി സൊല്ലുസുലാക്കാത്ത്‌ല് ഇത്തേമ് എ്ള്‌ദിര്‌ക്ക്‌ന്റല്ല: <<നിമാന മാനഗെ്ഡ്‌സ്‌നവാര് എനാനത്തെ മാനഗെ്ഡ്‌സ്‌നാദ്.>>

എപസോസുഗാറാര് 4:9

അത്തെ ഏസ്സ് <<മേലോഗാക്ക് ഏ്റി പോനാന്>> എന്റ് സാമി ബൊക്കുലു എ്ള്‌ദിര്‌ക്കുവാദ്‌നാലെ അദ്‌ക്ക് മുദാല് <<ഏസ്സ് ബൂമിക്കഡി പോനാന്>> എന്റ്‌മ് അര്‌ത്ത മാഡ്‌ന്റല്ല.

എവുറായാര് 5:8

ക്‌റ്‌സ്‌ത്ത് സാമി മഗാനായിന്ത് ഗുഡി താന് പട്ട കജട്ടഗാള്‌നാലെ സാമി സൊല്ലുപഡി നഡാക്ക്യ പഡിത്താന്.