ഓഗന്നാന് 6:30 - സാമി സേദി

³⁰ അദുക്കുള അവാര് അയാള്‌ക്ക്: <<എമ്മ കണ്ട് നിനാന നമ്പ്യ നീ എന്ത് അദിസ്യമാന അഡ്യാള കാട്ടി തന്റായി? നീ എന്ത് കാര്യ ഗേന്റായി?

ഓഗന്നാന് 6:30 ပူးပေါင်းရင်းမြစ်များ

മര്‌ക്കോസു 15:32

ഇയാള് ക്‌റ്‌സ്‌ത്ത് എന്നുവ ഇസ്‌റവേല്‌ഗാറാര് രാജാവായിന്തദാന കുരുസുലിന്ത് ഇ്റാഗി ബരുഡൊ, അന്നാപ്പ് നമ്മ അയാള്‌ന നമ്പ്‌ല>> എന്റ് അവാര് തമാക്ക് തമാക്ക് സൊന്നാര്. അയാളോഡൊപ്പ കുരുസുക്കു സേത്തി ആണി അഡിത്തവാര്‌മ് അയാള്‌ന നാണഗെ്ഡ്‌സ്‌നാര്.

മര്‌ക്കോസു 8:11

പരിസാര്‌ഗാള് ബന്ത് ഏസ്സോഡ തറ്‌ക്ക്യ പ്‌ഡിത്താര്. അവാര് ഏസ്സ്‌ന സോദണെ ഗേന്ത് കൊണ്ടു <<നീ സാമി പട്ട്‌ലിന്ത് ബന്തവാന് എന്നുവാദ്‌ക്ക് മേലോഗാത്ത്‌ലിന്ത് ഒന്റു അഡ്യാള കാട്ടുഡൊ>> എന്റ് ഏസ്സ്‌ന കേ്ട്ടാര്.

ഓഗന്നാന് 10:38

ആന അയി കാര്യഗാള്‌ന നാന് ഗേവദാന നിമ്മ എനാന നമ്പാദെ പോനാല്‌മ് നാന് ഗേവ കാര്യഗാള്‌ന നമ്പ്‌ന്. അത്തെ നമ്പ്‌നദാന അപ്പാന് സാമി എന്നോഡാമ് നാന് അപ്പാന് സാമ്യോഡാമ് ഇര്‌ക്കെന്റ് എന്റ് നിമാക്ക് ഒറേപ്പായിമ് തെരിമ്.>>

ഓഗന്നാന് 12:37

അവാര് കണ്ണ്‌മുന്നുക്കു ഇഞ്ചൊന്റു അദിസ്യമാന അഡ്യാളഗാള് ഗേന്ത് ഗുഡി അവാര് ഏസ്സ്‌ല് നമ്പിക്കെ ബെക്കാലെ.

ഓഗന്നാന് 2:18

അദുക്കുള എഗുദാര് ഏസ്സ്‌ന: <<ഇത്തെല്ല ഗേയ നിനാക്ക് അദിഗര ഇര്‌ക്ക്‌ന്റ് എന്റ് കാട്ട്യ നിനാക്ക് എന്ത് അദിസ്യമാന അഡ്യാള ഗേയ മുഡിമ്?>> എന്റ് കേ്ട്ടാര്.

ഓഗന്നാന് 4:8

(ഏസ്സ് സൊല്ലുപഡി നഡാക്ക്‌ന്റവാര് സാപ്പാഡ് ബാങ്കി ബര്യ പട്ടണാക്ക് പോയിന്താര്.)

ഓഗന്നാന് 6:14

അയാള് ഗേന്ത അദിസ്യമാന അഡ്യാളന കണ്ട് ആള്‌ഗാള് അയാള്‌ന പറ്റി: <<നേര്‌മായിമ് ഉലഗാക്ക് ബര്യ ഇര്‌ക്കുവ സാമിദാസ് ഇയാള്‌ത്തെ>> എന്റ് സൊന്നാര്.

ഓഗന്നാന് 6:2

അയാള് നോയിഗാറാര്‌ല് ഗേവ അദിസ്യമാന അഡ്യാളഗാള്‌ന കണ്ട് ദൊഡ്ഡ ഒന്റു ജനകൂട്ട അയാള് പിന്ന്‌മേലെ പോനാര്.

ഓഗന്നാന് 6:36

ആന നിമ്മ എനാന കണ്ട് ഗുഡിമ് നമ്പുവാദില്ലെ എന്റ് നാന് നിമാക്ക് സൊന്നേനല്ല?

അപ്പോസുത്തലാര് 4:30

നീ കയി നീ്ട്ടി നോയിഗാറാര്‌ന തെ്ള്‌സുഡോമെ. നിന്ന് ഗിലാസാക്ക് സൊല്ലി ബെത്ത്‌റ്‌ക്കുവ ഏസ്സ് പേര്‌ല് അദിസ്യഗാള്‌മ്, അഡ്യാളഗാള്‌മ് ഗേന്ത് കാട്ടുഡോമെ.>>

1 കൊരിന്ത്യഗാറാര് 1:22

എഗുദാര് അദിസ്യമാന അഡ്യാളഗാള്‌ന പരാക്ക്‌ന്റാര്, ആന എവനഗാറാര് അറുവുനാമ് ബുദ്ദിനാമ് പരാക്ക്‌ന്റാര്.

എവുറായാര് 2:4

ഇദല്ലാദെ താനെ അഡ്യാളഗാള് കാട്ടി കൊണ്ടുമു അദിസ്യഗാള് ഗേന്ത് കൊണ്ടുമു അദിസ്യപഡുവ ദൊഡ്ഡുദൊഡ്ഡ കാര്യഗാള് ഗേന്ത് കൊണ്ടുമു ഇദ് സത്ത്യ എന്റ് ആണ്ടവാന് കാട്ടി തന്ത്‌റ്‌ന്റാന്. സാമിനിഗാല് തരുവ ബരഗാള്‌ന തന്ന് ആസെപഡി കൊഡുത്തു കൊണ്ടുമു ഇദ് സത്ത്യ എന്റ് ആണ്ടവാന് കാട്ടി തന്ത്‌റ്‌ന്റാന്.