ഓഗന്നാന് 6:27 - സാമി സേദി27 കേ്ഡായി തള്ളുവ തീനിക്ക് ബേ്ണ്ടി നിമ്മ ഗിലാസ ഗേഗാദേന്. അള്യാദിര്‌ക്കുവ എന്നാല്‌ക്ക്‌മ് ഇര്‌ക്കുവ പെ്ളേപ്പ്‌ന തരുവ തീനിക്ക് ബേ്ണ്ടിത്തെ ഗിലാസ ഗേന്. അദ് മന്‌സാനായി പ്‌റാന്തവാന് നിമാക്ക് തരുവാന്. എന്ത്‌ക്കെന്റ് സൊന്ന അദ്‌ക്ക് ബേ്ണ്ടി അപ്പാന് സാമി അയാള്‌ക്ക് മുദ്ദുറെ കുത്തി അദിഗര കൊഡുത്ത്‌റ്‌ന്റാന്.>> အခန်းကိုကြည့်ပါ။ |
ഓഗന്നാന് 6:27
69 ပူးပေါင်းရင်းမြစ်များ
നസറേത്ത് ഊരുല ഏസ്സ്‌ന പറ്റി നിമാക്ക് തെരിവു. താന് നെനേത്തിന്ത കാര്യന ഗേന്ത് മുഡിക്ക്യ സാമി അയാള്‌ന തെരിന്തെ്ഡ്‌ത്താന്. അദ്‌ക്ക് ബേ്ണ്ടി ഏസ്സ്‌ക്ക് സാമി തന്ന് നിഗാല്‌നാമ് നല്ല സക്തിനാമ് കൊഡുത്താന്. സാമി അയാളോഡൊപ്പ ഇന്താദ്‌നാലെ അയാള് എല്ലാവാര്‌ക്ക്‌മ് നല്ലാദ് ഗേന്ത് കൊണ്ടുമു കെ്ട്ടജാദി തട്ടിന്തവാര്‌ന ഒട്ടുക്കു തെ്ളിസി കൊണ്ടുമു എല്ലാ എ്ഡെഗാള്‌ക്ക്‌മ് പോനാന്.
എന്റ് മന്‌സാന് ബെത്ത്‌റ്‌ക്കുവ ഈ സട്ട്‌മെ്ട്ട്‌ഗാളെല്ല ഒന്റുക്കുമു ഉവഗരാഗമാട്ട. ഇത്തവ സട്ട്‌മെ്ട്ട്‌ഗാള്‌ന കേ്ള്‌ക്ക്‌ഗാട്ടി ബുദ്ദ്യുള്ള കാര്യത്തെന്റ് നെനേക്ക്‌ല. ആന അദ്‌ഗാള്‌ന പറ്റ്യുള്ള അറുവുഗാളെല്ല സത്ത്യാക്ക് ബെലെ ഇല്ലാദെ മാഡുവ കാര്യഗാള്‌ത്തെ. അത്തവ കാര്യഗാള്‌ല് ബക്‌തിഗാറാര്‌ന പാസെ നെനേത്ത് ഗേവ സട്ടഗാള്‌മ് പഡുസുവ ബുദ്ദിനായഗാള്‌മ് ഇര്‌ക്ക്‌മ്. ആന അദെല്ല തപ്പ് ഗേവ മന്‌സാന്‌ക്ക് ഇര്‌ക്കുവ കെ്ട്ട ഗുണഗാള്‌ന ഇല്ലാദെ മാഡ്യ ഉവഗരപഡമാട്ട.
നിമാക്ക് നമ്പിക്കെ ഇര്‌ക്കുവാദ്‌നാലെ ഗേവ ഗിലാസഗാള്‌നാമ്, സീവാന് ഇര്‌ക്കുവാദ്‌നാലെ ഏസ്സ്‌ഗാറാര്‌ന കയിതാങ്കുവ കാര്യഗാള്‌നാമ്, ആണ്ടവാന് ഏസ്സ് ക്‌റ്‌സ്‌ത്ത്‌ലിന്ത് നിമാക്ക് കെ്ഡേക്ക്യ പോവ കാര്യഗാള്‌ക്ക് ബേ്ണ്ടി ഒറേപ്പോഡ നെഞ്ചഡെബെത്ത് നിമ്മ പൊറിമോഡ കാത്ത്‌റ്‌ക്കുവാദ്‌നാമ് നമ്മ് സാമിമ് അപ്പാന്‌മ് ആയിര്‌ക്ക്‌ന്റവാന് മുന്നുക്കു നെനേത്ത് കൊണ്ടു ഒപ്പ നണ്ണി സൊന്റേമ്.
ကြော်ငြာတွေ