ഓഗന്നാന് 6:19 - സാമി സേദി

¹⁹ അവാര് അഞ്ച് കില മീറ്റ്‌റ് പക്ക തോണി കുത്തി പോനാര്. അയി ഗളിഗെ ഏസ്സ് നീര് കുദ്ദാക്ക് നഡാന്ത് തോണി പട്ട്‌ക്ക് ബരുവാദ്‌ന അവാര് കണ്ടാര്. അത്തെ ബരുവാദ്‌ന കണ്ട് അവാര് അഞ്ച്‌നാര്.

ഓഗന്നാന് 6:19 ပူးပေါင်းရင်းမြစ်များ

ലൂക്കോസു 24:13

അയി നാള് താനെ ഏസ്സ് സൊല്ലുപഡി നഡാക്ക്‌ന്റവാര്‌ല് റാഡാള് എര്‌സലേമ്‌ലിന്ത് സുമാര് ഏ്ള് മയില് ദൂര ഇര്‌ക്കുവ എമ്മവൂസു എന്നുവ ഊരുക്കു പോയി കൊണ്ടിന്താര്.

ലൂക്കോസു 9:42

അയി മഗ ഏസ്സ് പട്ട്‌ക്ക് ബര്‌ഗാട്ടി കെ്ട്ടജാദി മഗാന ഉന്തി ബീ്ക്കി അവാന്‌ന ദുള്ളിസി കൊണ്ടു പക്കിമെ്ട്ട്‌ന പാസെ ഗേസ്‌റ്റ്. ആന ഏസ്സ് അയി കെ്ട്ടജാദിന മെ്റ്‌ട്ടി ബ്‌ട്ട് മഗാന തെ്ളിസി അപ്പനച്ചാന് കയിക്ക് കൊഡുത്താന്.

ഓഗന്നാന് 11:18

എര്‌സലേമ്‌ലിന്ത് ഒപ്പതപ്പ മൂറു കില മീറ്റാറ്‌ക്ക് അത്തഗാത്തെ ബെദന്യ ഊരു ഇന്താദ്.

ഓഗന്നാന് 14:18

നാന് നിമാന ദബാര്യായി ബ്‌ഡമാട്ടെ, നാന് നിമ്മ് പട്ട്‌ക്ക് പിന്നേമ് ബരുവെ.

ഓഗന്നാന് 6:18

ഒന്റു മുനി കാറ്റ് അഡിത്താദ്‌നാലെ കഡാല് തെരെഗാള് ദൊഡ്ഡാദ്‌ക്ക് മറ്‌ന്ത്‌മറ്‌ന്ത് ബന്ത്‌ദ്.

ഓഗന്നാന് 6:20

അദുക്കുള ഏസ്സ് അവാര്‌ക്ക്: <<ഇദ് നാന്‌ത്തെ, അഞ്ചദേന്>> എന്റ് സൊന്നാന്.

ബെ്ളിപട്ട കാര്യ 14:20

പട്ടണാക്ക് ബെ്ളിഗെ ഇര്‌ക്കുവ അയി കുയിക്ക് മുന്തിരിന ഇക്കി മെ്ട്ടി പെജേന്താന്. അയി കുയിലിന്ത് ഒളുഗുന സോരെ കുദുറെ ബായി മാട്ട് ബരുവ ഗജാത്ത്‌ല് സുമാര് മുന്നൂറു കില മീറ്റ്‌റ് ദൂര മാട്ട് ഒളുഗുറ്റു.

ബെ്ളിപട്ട കാര്യ 21:16

നാക്ക് സാരി ഒന്റേ സമ ഇര്‌ക്കുവ പട്ടണത്തെ അദ്. ബീദിമ് നീ്ളാമ് ഒന്റേ അളാവുത്തെ. അളാക്കുവ കോലുലു അയാള് അയി പട്ടണന അളാന്താന്. അദുക്കുള ഒപ്പതപ്പ റണ്ടായിരത്തി നാനൂറു കില മീറ്റ്‌റ് നീ്ള ഇന്ത്‌ദ്. അയി പട്ടണ നീ്ളാമ് ബീദിമ് ഉജാരാമ് ഒന്റേ സമാത്തെ.