ഓഗന്നാന് 5:9 - സാമി സേദി

⁹ അന്നാല് താനെ അയാള് നോയി തെ്ളിന്ത് കെ്ഡെബ്‌ന്തിന്ത തന്ന് പായിന എ്ഡ്‌ത്ത് നഡാന്താന്. ആന അയി നാള് ഒയിവു നാള് ആയിന്ത്‌ദ്.

ഓഗന്നാന് 5:9 ပူးပေါင်းရင်းမြစ်များ

മര്‌ക്കോസു 1:31

ഏസ്സ് അവാള് അര്‌ഗെ പോയി കയിന പ്‌ഡിത്ത് ഇ്ളാക്കി കുക്കാസ്‌നാന്. അദുക്കുള അവാള് പനി ബ്‌ട്ട്‌ദ്, അവാള്‌ക്ക് സുഗ കെ്ഡേത്ത്‌ദ്. പ്‌റ അവാള് അവാര്‌ക്ക് അട്ട്‌സുട്ടു കൊഡുത്താള്.

മര്‌ക്കോസു 1:42

അന്നാല് താനെ നോയി തെ്ളിന്ത്, അയാള് നലമായി ആനാന്.

മര്‌ക്കോസു 10:52

അദുക്കുള ഏസ്സ് അയാള്‌ക്ക്: <<ഇന്നി നീ പൊ, നിന്ന് നമ്പിക്കെ നിനാന തെ്ളിസിര്‌ക്ക്‌ന്റ്>> എന്റ് സൊന്നാന്. അന്നാല് താനെ അയാള്‌ക്ക് കണ്ണ് കാട്ട്‌റ്റ്. പ്‌റ അയാള്‌മ് ഏസ്സ് പിന്ന്‌മേലെ പോനാന്.

മര്‌ക്കോസു 5:29

അന്നാല് താനെ പൊലെ ബെ്ട്ടുവാദ് നിന്റ്‌ദ്. തന്ന് നോയി ഇല്ലാദാറ്റെന്റ് അവാള്‌ക്ക് തെരിന്ത്‌ദ്.

ഓഗന്നാന് 5:14

പ്‌റസാരി ഏസ്സ് അയാള്‌ന സാമിബീ്ഡ്‌ല് ബെത്ത് കണ്ട്: <<നോഡു, നീ സൊക്കനാനായല്ല. സേത്തി കജട്ടഗാള് ബരാദിര്‌ക്ക്യ ബേ്ണ്ടി നീ ഇന്നി പാവ ഗേഗാദെ>> എന്റ് സൊന്നാന്.

ഓഗന്നാന് 7:23

മോസെ ബെത്ത സാമി സട്ടാന നഡാത്ത്യ ബേ്ണ്ടി ഒയിവു നാള്‌മ് ഒന്റു മഗാന പരിസേദനെ സാത്ത്‌റ ഗേന്റ്‌റ്. അത്ത്യാന ഒന്റു മന്‌സാന്‌ന നാന് ഒയിവു നാള് ഒന്റേപെ്ട്ട് തെ്ള്‌സ്‌നാദ്‌നാലെ നിമ്മ എന്ത്‌ക്ക് എനാന മൊനേക്ക് തെ്ട്ട്‌ന്റ്‌റ്?

ഓഗന്നാന് 9:14

ഒയിവു നാള്‌ല്‌ത്തെ ഏസ്സ് സേ്റ് മാഡി അയി കുറുഡാനായിന്തവാന് കണ്ണ്‌ന തെ്ള്‌സ്‌നാദ്.