ഓഗന്നാന് 5:7 - സാമി സേദി

⁷ അദുക്കുള അയി നോയിഗാറാന് ഏസ്സ്‌ക്ക്: <<പണ്ണാഡ്യെ, നീര് കിലാങ്ക്‌ഗാട്ടി എനാന നീര്‌ക്ക് ഇ്റാക്ക്യ ആര്‌മില്ലെ. മുദാല് ഇ്റാഗ്യ നാന് ഓരാഡ്‌ന്റെ. ആന അദുക്കുളെല്ല എനാക്ക് മുദാല് ബേ്റാള് ഇ്റാഗുവാര്>> എന്റ് സൊന്നാന്.

ഓഗന്നാന് 5:7 ပူးပေါင်းရင်းမြစ်များ

ഓഗന്നാന് 5:2

എര്‌സലേമ് പട്ടണാത്ത്‌ല് കൊറ്യാഡ് ബാസ എന്റ് സൊല്ലുവ ബാസാക്കര്‌ഗെ എവുറായ നായാത്ത്‌ല് ബെദെസ്‌ത്ത എന്റ് സൊല്ലുവ ഒന്റു കുള ഇന്ത്‌ദ്. അയി കുളാക്ക് സുറ്റുമു അയിദ് പാഡി ഇന്ത്‌ദ്.

ഓഗന്നാന് 5:3

അയി പാഡിക്ക്‌റാഗ എഞ്ചോ നോയിഗാറാര് കെ്ഡെബ്‌ന്തിന്താര്. അയി നോയിഗാറാര് കൂട്ടാത്ത്‌ല് കുറുഡാര്‌ഗാള്‌മ്, മൊണ്ടിഗാള്‌മ്, സപ്പെനോയിഗാറാര്‌മ് ഇന്താര്. [അവാര് നീര് കിലാങ്കുവാദ്‌ന കാത്ത്‌കൊണ്ടു കെ്ഡെബ്‌ന്തിന്താര്.

ഓഗന്നാന് 5:4

ഒന്റൊന്റു ഗളിഗേക്ക് ഒന്റു ദൂദാന് കുളാക്ക് ഇ്റാഗി നീര്‌ന കിലാക്ക്‌ന പ്‌റ മുദാല് കുളാക്ക് ഇ്റാഗ്‌ന്റവാന് എത്തവ നോയിഗാറാന് ആയിന്താല് ഗുഡി തെ്ളിവാന്.]

ഓഗന്നാന് 5:6

അയാള് അദ്‌ല് കെ്ഡെബ്‌ന്ത് ഇര്‌ക്കുവാദ്‌ന ഏസ്സ് കണ്ടാന്. ഇത്തെ അയാള് എന്നലോ ഇന്ത് നോയി ക്‌ഡാക്ക്‌ന്റാന് എന്റ് ഏസ്സ്‌ക്ക് തെരിന്ത്‌ദ്. അദ്‌നാലെ ഏസ്സ് അയാള്‌ന: <<നിനാക്ക് നോയി തെ്ളിഡൊ എന്റ് മനേസ്സിര്‌ക്ക്‌ന്റ?>> എന്റ് കേ്ട്ടാന്.

റോമഗാറാര് 5:6

സാമി ആസെപഡി നഡാക്ക്യ മുഡ്യാദെ നമ്മ കുറ്റകൊറേവുള്ളവാര് ആയിര്‌ക്കാട്ടി താനെ ക്‌റ്‌സ്‌ത്ത് നമാക്ക് ബേ്ണ്ടി സാമി സൊന്ന ഗളിഗേല് താനെ സത്താന്.

1 കൊരിന്ത്യഗാറാര് 9:24

ഓട്ട പന്തായാത്ത്‌ല് ഓഡ്യ നില്ല്‌ന്റവാര് എല്ലാവാര്‌മ് ഓഡുന്റാര്. ആന ഒരുത്താന്‌ത്തെ സമ്മാന കെ്ഡേസ്‌ന്റാനല്ല? നിമ്മാമ് സമ്മാന കെ്ഡേക്കുവാദ്‌ക്ക് തഗ്‌ന്ത ദിന്‌സ്‌ല് ഓഡുനു.