ഓഗന്നാന് 5:34 - സാമി സേദി

³⁴ നാന് ആര് എന്റ് മന്‌സാന് എനാന പറ്റി സൊല്ലുവ തേവി എനാക്കില്ലെ. അയാള് സൊന്നാദ്‌ന നമ്പി നിമ്മ തപ്പിസി കഡാക്ക്യ ബേ്ണ്ടിത്തെ നാന് ഇദ്‌ന നിമാക്ക് സൊല്ലി തരുവാദ്.

ഓഗന്നാന് 5:34 ပူးပေါင်းရင်းမြစ်များ

ലൂക്കോസു 13:34

എര്‌സലേമെ, എര്‌സലേമെ, നീ സാമിദാസ്‌ഗാള്‌ന കൊന്റവാള്‌മ് നിന്ന് പട്ട്‌ക്ക് സൊല്ലി ബ്‌ട്ട സേദിഗാറാര്‌ക്ക് കല്ലെ്റിന്തവാള്‌മ്‌ത്തെ. കോയി തന്ന് കുഞ്ചിഗാള്‌ന ഇ്റാക്കെ കുളാക്ക് സേത്തി ബെക്കുവ പാസെ നിന്ന് ജനഗാള്‌ന സേത്തി ബെക്ക്യ എനാക്ക് എത്ത്‌റാഗോ മനേസ്സിന്ത്‌ദ്. ആന നിനാക്ക് മനേസ്സിര്‌ക്കാലെ.

ലൂക്കോസു 19:10

കാണദ്യാനവാര്‌ന പരാന്ത് പറ്റി കാപാറ്റ്യത്തെ മന്‌സാനായി പ്‌റാന്ത നാന് ബന്താദ്>> എന്റ് സൊന്നാന്.

ലൂക്കോസു 24:47

തപ്പ് ഗേവാദ്‌ന തള്ളി സാമിസാരി തിര്‌ഗ്‌ന്റവാര്‌ക്ക് തമ്മ ഗേന്ത പാവാക്ക് പൊറിമെ കെ്ഡേക്ക്‌മ് എന്നുവ സേദിന പറ്റിമ് എര്‌സലേമ്‌ലിന്ത് പ്‌ഡിത്ത് എല്ലാ നാഡ്‌ഗാള്‌ക്ക്‌മ് അയാള് പേര്‌ല് സൊല്ലുവാര് എന്റ്‌മ്‌ത്തെ സാമി ബൊക്കുലു എ്ള്‌ദിര്‌ക്കുവാദ്.

ഓഗന്നാന് 20:31

ആന ഏസ്സ് സാമിമഗാന് ക്‌റ്‌സ്‌ത്ത് എന്റ് നിമ്മ നമ്പ്യാമ് അത്തെ നമ്പി അയാള് പേര്‌ല് നിമാക്ക് ഉജുരു കെ്ഡേക്ക്യാമ് ബേ്ണ്ടിത്തെ ഈ കാര്യഗാള്‌ന എ്ള്‌ദിര്‌ക്കുവാദ്.

ഓഗന്നാന് 5:32

ആന എനാന പറ്റി ആള്‌ഗാള്‌ക്ക് സൊല്ലുവാദ് ബേ്റൊന്റൊരുത്താന്‌ത്തെ. എനാന പറ്റി അയാള് സൊല്ലുവ നായാക്ക് ബെലെ ഇര്‌ക്ക്‌ന്റ് എന്റ് എനാക്ക് തെരിന്റ്.

ഓഗന്നാന് 5:41

മന്‌സാര് എനാന മദ്‌സ്‌ന്റാര ഇല്ലേഗ എന്റ് നാന് നോഡുവാദില്ലെ.

ഓഗന്നാന് 8:54

ഏസ്സ് അവാര്‌ക്ക്: <<നാന് എനാന താനെ മദ്‌പ്പുള്ളവാന് മാഡ്‌ന അയി മദ്‌പ്പ്‌ക്ക് ഒന്റു ബെലേമ് ഇല്ലെ. എനാന മദ്‌പ്പുള്ളവാന് മാഡ്‌ന്റവാന് എന്നപ്പാന്‌ത്തെ. അയാള്‌ന നിമ്മ് സാമി എന്റ് നിമ്മ സൊന്റുറു.

റോമഗാറാര് 10:1

ഏസ്സ്‌ഗാറാരെ, ഇസ്‌റവേല്‌ഗാറാര് തപ്പിസി കഡാക്ക്യ ബേ്ണ്ടിത്തെ നാന് എന്ന് നെഞ്ച്‌ല് ആസെപഡുവാദ്‌മ് സാമിന ബേ്ണ്ടി കൊണ്ട്‌റ്ക്കുവാദ്‌മ്.

റോമഗാറാര് 10:21

ആന ഇസ്‌റവേല്‌ഗാറാര്‌ന പറ്റി അയാള് സൊല്ലുവാദ് എന്തെന്റ് സൊന്ന: <<എന്ന് സൊല്ലുപേസ് കേ്ള്‌ക്കത്തവാര്‌മ് ഏ്റേ്റ സൊല്ലുന്റവാര്‌മ് ആയിര്‌ക്കുവ ജനഗാള്‌ന സേത്തി ബെക്ക്യ നാള്‌ക്ക്‌മ് നാന് കയിരാന്തെ>> എന്റ്‌ത്തെ.

റോമഗാറാര് 12:21

നിമാക്ക് ആരാറ്റ കെ്ട്ട കാര്യഗാള് ഗേന്തദാന അവാര്‌ക്ക് കെ്ട്ട കാര്യഗാള് ഗേയ പാങ്കില്ലെ, നല്ല കാര്യഗാള് ഗേന്ത് കൊഡുക്കുവാദ്‌ത്തെ നിമ്മ പെ്ളേപ്പ് ആയിര്‌ക്കുഡൊ.

റോമഗാറാര് 3:3

എഗുദാര്‌ല് ലേസ ആള്‌ഗാള് നമ്പാത്താദ്‌നാലെ സാമിമ് താന് സൊന്ന ബാക്ക്‌ന തവാറ്‌സി നമ്പ്യ മുഡ്യാത്താവാന് ആവാന?

1 കൊരിന്ത്യഗാറാര് 9:22

മനേസ്സ്‌ല് ഒറേപ്പില്ലത്തവാര്‌ന കെ്ഡേസ്യ ബേ്ണ്ടി അവാര് പട്ട്‌ല് നാന് അവാര്‌ന പാസെ ആനേന്. എത്തെന്റാല് മാഡി ലേസ ആള്‌ഗാള്‌ന കാപാറ്റ്യ ബേ്ണ്ടി നാന് എല്ലാ ആള്‌ഗാള്‌ക്ക് ബേ്ണ്ടി എല്ലാ ആള്‌ഗാള്‌ന പാസെ ആനേന്.

1 തിമിത്തോസു 4:16

നിന്ന് പെ്ളേപ്പ്‌ല്‌മ് നീ പഡുസുവ കാര്യഗാള്‌ല്‌മ് നീ കാര്യഗാറാന് ആയിര്‌ക്കുഡൊ. നാന് നിനാക്ക് സൊന്ന കാര്യഗാള്‌നെല്ല നീ ഗേന്ത്‌കൊണ്ടേ ഇര്‌ക്കുഡൊ. അത്തെ ഗേന്തദാന നിനാനാമ് നീ പഡുസുവാദ്‌ന കേ്ള്‌ക്ക്‌ന്റവാര്‌നാമ് സാമി കാപാറ്റുവാന്.

1 ഓഗന്നാന് 5:9

ഒന്റു കാര്യന പറ്റി ഒന്റൊ റാഡൊ ആള്‌ഗാള് സൊല്ലുവാദ്‌നഗേ നേരെന്റ് നമ്മ നമ്പ്‌ന്റാമ്. അത്ത്യാന ഏസ്സ് സാമിമഗാന്‌ത്തെന്റ് സാമി മൂറു ദിന്‌സ്‌ല് കാട്ടി തന്ത്‌റ്‌ക്കുവാദ്‌ന നമ്മ ഉറുദ്ദ്യായി നമ്പുഡോമല്ല?