ഓഗന്നാന് 5:26 - സാമി സേദി

²⁶ അപ്പാന് സാമിക്ക് അയാള്‌ല് താനെ ഉജുരു ഇര്‌ക്കുവ പാസെ മഗാന്‌ക്ക്‌മ് അയാള്‌ല് താനെ ഉജുരു ഇര്‌ക്ക്യ ബെത്ത്‌റ്‌ക്ക്‌ന്റാന്.

ഓഗന്നാന് 5:26 ပူးပေါင်းရင်းမြစ်များ

ഓഗന്നാന് 1:4

അയാള്‌ല് ഉജുരു ഇന്ത്‌ദ്. അയാള്‌ലിന്ത അയി ഉജുരു മന്‌സാന്‌ക്ക് ബെ്ള്‌സഡിത്ത് കൊണ്ടു ഇന്ത്‌ദ്.

ഓഗന്നാന് 10:18

എന്ന് ഉജുരുന എന്നോഡിന്ത് ആര്‌മ് എ്ഡ്‌ത്ത് പോഗമാട്ടാര്. ആന നാന് താനെത്തെ എന്ന് ഉജുരുന കൊഡുക്കുവാദ്, അത്തെ കൊഡുക്കുവാദ്‌ക്കുള്ള അദിഗര എനാക്കിര്‌ക്ക്‌ന്റ്. അദ്‌ന തിരിക്കി എ്ഡ്‌ക്ക്യാമ് എനാക്ക് അദിഗര ഇര്‌ക്ക്‌ന്റ്. ഇദ്‌ത്തെ നാന് ഗേയ ബേ്ണ്ടി എന്നപ്പാന് സാമി എനാക്ക് സൊല്ലിര്‌ക്കുവാദ്.>>

ഓഗന്നാന് 11:25

ഏസ്സ് അവാള്‌ക്ക്: <<നാന്‌ത്തെ ഉജുര്‌ളാക്ക്‌ന്റവാന്‌മ് ഉജുരു കൊഡുക്കുന്റവാന്‌മ്. എനാന നമ്പ്‌ന്റവാന് സത്താല്‌മ് പിന്നേമ് പെ്ളേക്കുവാന്.

ഓഗന്നാന് 11:26

ഉജുരോഡ ഇന്ത് എനാന നമ്പ്‌ന്റവാന് ആര്‌മ് എന്നാല്‌ക്ക്‌മ് സാഗഗേ മാട്ടാര്. ഇദ്‌ന നീ നമ്പ്‌ന്റായ?>> എന്റ് കേ്ട്ടാന്.

ഓഗന്നാന് 14:19

സെറ്റെ കളിന്തദാന ഉലഗാത്ത്‌ല ആള്‌ഗാള് എനാന കാണമാട്ടാര്. ആന നിമ്മാഗൊ എനാന കാണുവുറു, നാന് പെ്ളേക്കുവാദ്‌നാലെ നിമ്മാമ് പെ്ളേക്കുവുറു.

ഓഗന്നാന് 14:6

ഏസ്സ് അയാള്‌ക്ക്: <<നാന്‌ത്തെ ബട്ടെ, നാന്‌ത്തെ സത്ത്യ, നാന്‌ത്തെ ഉജുരു. എന്ന്‌നാലെ അല്ലാദെ ആര്‌ക്ക്‌മ് അപ്പാന് പട്ട്‌ക്ക് പോയ മുഡ്യാമാട്ട.

ഓഗന്നാന് 4:10

അദ്‌ക്ക് ഏസ്സ് അവാള്‌ക്ക് ബദ്‌ല് സൊന്നാദ്: <<സാമി തരുവ ദാന എന്ത് എന്റ്‌മ് നിന്നോഡ കുഡിക്ക്യ കേ്ള്‌ക്ക്‌ന്റവാന് ആരെന്റ്‌മ് നിനാക്ക് തെര്യ. അദ് തെരിന്തിന്തദാന നീ അയാള്‌ന കേ്ട്ട്‌റ്‌ക്കുവായി. അയാള് നിനാക്ക് ഉജുരു തരുവ നീര്‌ന തന്ത്‌റ്‌ക്കുവാന്.>>

ഓഗന്നാന് 6:57

ഉജുരുള്ള അപ്പാന് സാമി എനാന സൊല്ലി ബ്‌ട്ട് നാന് അപ്പാന്‌നാലെ പെ്ളേക്കുവ പാസെ എനാന തിന്ന്‌ന്റവാന് എന്ന്‌നാലെ പെ്ളേക്കുവാന്.

ഓഗന്നാന് 8:51

നാന് സത്ത്യമായി നിമാക്ക് സൊന്റെ, എന്ന് നായന കേ്ട്ട്‌നഡാക്ക്‌ന്റവാന്‌ക്ക് എന്നാല്‌ക്ക്‌മ് സാവു ബരമാട്ട>> എന്റ് സൊന്നാന്.

അപ്പോസുത്തലാര് 17:25

ഉജുരുനാമ്, മൂസുനാമ്, ബേ്റെ എല്ലാദ്‌നാമ് മന്‌സാന്‌ക്ക് കൊഡുക്കുവാദ് ഈ സാമിത്തെ. അയാള്‌ക്ക് മന്‌സാര്‌ഗാള്‌ലിന്ത് ഒന്റു ഉദാവിമ് ബേ്ഡ. ബേ്ഡ്‌മാനാദെല്ല അയാള്‌ക്ക് ഇര്‌ക്ക്‌ന്റ്.

1 കൊരിന്ത്യഗാറാര് 15:45

<<മുദാല് മന്‌സാന് ആദാമ് ഉജുരുള്ളവാനായി തീന്താന്>> എന്റ് സാമി ബൊക്കുലു എ്ള്‌ദിര്‌ക്ക്‌ന്റല്ല. ആന കഡേസില ആദാമ് ഉജുരുന കൊഡുക്കുന്റവാന് ആനാന്.

1 തിമിത്തോസു 1:17

എല്ലാ കാലാക്ക് ആളുവ രാജാവുമു, എല്ലാ കാലാക്ക് അളിവില്ലാത്തവാന്‌മ്, ആര്‌ക്ക്‌മ് കാണ്യ മുഡ്യാത്തവാന്‌മ് ആയിര്‌ക്കുവ ഒന്റേ ഒന്റു സാമി എന്നാല്‌ക്ക്‌മ് ദൊഡ്ഡവാന്‌മ് പേര്‌പെരിമെ ഇര്‌ക്ക്‌ന്റവാന്‌മ് ആയിര്‌ക്കുഡൊ. ആമേന്.

1 തിമിത്തോസു 6:16

സാമി എന്നാല്‌ക്ക്‌മ് പെ്ളേത്ത്‌റ്‌ന്റവാന്‌ത്തെ. ആര്‌ക്ക്‌മ് അര്‌ഗെ അണ്ട്യ മുഡ്യാത്തത്ത്‌റ ബെ്ള്‌സാത്ത്‌ല്‌ത്തെ സാമി ഇര്‌ക്കുവാദ്. സാമിന ആര്‌മ് കാണാഗേ ഇല്ലെ. ആര്‌ക്ക്‌മ് സാമിന കാണ്യ മുഡ്യാഗേ മാട്ട. അയി സാമിന എല്ലാ ആള്‌ഗാള് മദ്‌സുഡൊ. അയി സാമി ബില ഉള്ളവാനായി എല്ലാ ആള്‌ഗാള്‌നാമ് എന്നാല്‌ക്ക്‌മ് ആളുഡൊ. ആമേന്.

എവുറായാര് 1:2

ആന ഈ കഡേസി കാലാത്ത്‌ല് സാമി തന്ന് മഗാന്‌ന ബെത്ത് നമ്മോഡ നായ നൊഡിന്ത്‌റ്‌ന്റാന്. സാമി എല്ലാദ്‌ക്ക്‌മ് അയാള്‌ന ഉള്ളവാന് മാഡി ബെത്ത്‌മ് അയാള്‌ന ബെത്ത് ഈ അണ്ടസരാസരന ദ്‌ട്ടിസിമ് ഇര്‌ന്റാന്.

ബെ്ളിപട്ട കാര്യ 21:6

പ്‌റ അയാള്, <<എല്ലാദ്‌മ് നഡാന്ത് മുഡിന്ത്‌ദ്. നാന് ആദിലവാന്‌മ് കഡേസിലവാന്‌മ്‌ത്തെ, മുദാല്‌ലവാന്‌മ് പിന്ന്‌ക്ക്‌ലവാന്‌മ്‌ത്തെ. നീരറാക്കെ എ്ഡ്‌ക്ക്‌ന്റവാന്‌ക്ക് ഉജുരു കൊഡുക്കുവ നീര് ജെനിക്കുവ പട്ട്‌ലിന്ത് നീര്‌ന നാന് ബെ്റ്‌ദെ കുഡിക്ക്യ കൊഡുക്കുവെ.

ബെ്ളിപട്ട കാര്യ 22:1

അദ്‌ക്ക് പ്‌റ പള്‌ങ്ക്‌ന പാസെ തെങ്ക്‌തെങ്ക ഇര്‌ക്കുവ ഉജുരു തരുവ നീര് ഇര്‌ക്കുവ ബാനിന ദൂദാന് എനാക്ക് കാട്ടി തന്താന്. സാമിത്ത്‌മ് കൊറ്യാഡ് കുട്ടിത്ത്‌മ് കുറിഞ്ചി പട്ട്‌ലിന്ത്‌ത്തെ അയി ബാനി ബരുവാദ്.

ബെ്ളിപട്ട കാര്യ 22:17

സാമിനിഗാല്‌മ് കല്യണ പെ്ണ്ണ്‌മ്, <<ബാന്>> എന്റ് സൊന്റാര്. ഇദ്‌ന കേ്ള്‌ക്ക്‌ന്റവാന്‌മ് <<ബാന്>> എന്റ് സൊല്ലുഡൊ. നീരറാക്കെ എ്ഡ്‌ക്ക്‌ന്റവാന്‌മ് ബരുഡൊ. ഉജുരു കൊഡുക്കുവ നീര് ബേ്ഡ്‌മെന്റ് ആസെപഡ്‌ന്റവാനെല്ല ബെലെ കൊഡുക്കാദെ അദ് ബാങ്കി കുഡിക്കുഡൊ.

ബെ്ളിപട്ട കാര്യ 7:17

കുറിഞ്ചിക്ക് നഡ്‌ക്കെ ഇര്‌ക്കുവ കൊറ്യാഡ് കുട്ടി അവാര്‌ക്ക് മാട്ട്യാന് ആയിര്‌ക്കുവാന്. ഉജുരു തരുവ നീര് ജെനിക്കുവ പട്ട്‌ക്ക് അയാള് അവാര്‌ന കൂട്ടി പോവാന്. അവാര് കണ്ണ്‌ല കണ്ണനീര്‌നെല്ല സാമി തെനേക്കുവാന്.>>