ഓഗന്നാന് 5:14 - സാമി സേദി

¹⁴ പ്‌റസാരി ഏസ്സ് അയാള്‌ന സാമിബീ്ഡ്‌ല് ബെത്ത് കണ്ട്: <<നോഡു, നീ സൊക്കനാനായല്ല. സേത്തി കജട്ടഗാള് ബരാദിര്‌ക്ക്യ ബേ്ണ്ടി നീ ഇന്നി പാവ ഗേഗാദെ>> എന്റ് സൊന്നാന്.

ഓഗന്നാന് 5:14 ပူးပေါင်းရင်းမြစ်များ

മത്തായി 12:45

അദുക്കുള അയി കെ്ട്ടജാദി പോയി തനാന ബ്‌ഡ കെ്ട്ടാദ് ഗേവ ബേ്റെ ഏ്ള് കെ്ട്ടജാദിഗാള്‌ന ഗുഡി കൂട്ടി ബന്ത് അവാര് ഒന്റായി അയാള്‌ല് തങ്ക്‌ന്റാര്. അത്തെ അയാള് കഡേസില പെ്ളേപ്പ് മുന്നുക്കുല പെ്ളേപ്പ്‌ന ബ്‌ഡ ഒന്റേപെ്ട്ട് മോസായി തള്ള്‌ന്റ്. ഈ കേ്ഡ്‌ഗെ്ട്ട തലെകെ്ട്ട്‌ക്ക്‌മ് അത്ത്യാമ്.>>

മര്‌ക്കോസു 2:5

ഏസ്സ് അവാര്‌ക്ക് ഇര്‌ക്കുവ നമ്പിക്കേന കണ്ട് അയി നോയിഗാറാന്‌ക്ക്: <<മഗാനെ, നിന്ന് പാവാന പൊറുത്തു തന്ത്‌റ്‌ക്ക്‌ന്റെ>> എന്റ് സൊന്നാന്.

ഓഗന്നാന് 5:13

അദ്‌ല് ഒന്റു ജന കൂട്ടഗേ ഇന്താര്. അദ്‌നാലെ ഏസ്സ്‌മ് അദ്‌ലിന്ത് മന്‌ക്കന പോയി തള്ള്‌നാന്. അദ്‌നാലെ തനാന തെ്ള്‌സ്‌നാദ് ആര് എന്റ് അയി നോയി തെ്ളിന്തവാന്‌ക്ക് തെര്യാലെ.

ഓഗന്നാന് 5:5

ആന മുപ്പത്തെ്ട്ട് ബര്‌സ്സായി നോയി ക്‌ഡാന്തിന്ത ഒന്റൊരുത്താന് അദ്‌ലിന്താന്.

ഓഗന്നാന് 8:11

<<ഇല്ലെ, ആണ്ടവാനെ>> എന്റ് അവാള് സൊന്നാള്. അദുക്കുള ഏസ്സ്: <<നാന്‌മ് നിനാന ദെ്ണ്ടണെ ബിദിക്കുവാദില്ലെ. നീ പൊ, ഇന്നി പാവ ഗേഗാദെ>> എന്റ് അവാള്‌ക്ക് സൊന്നാന്.]

1 പത്ത്‌റോസു 4:3

സാമി സൊല്ലുപഡിക്ക് നഡാക്കാത്ത ആള്‌ഗാള് ഗേവ കാര്യഗാള്‌ന ഗേന്ത് കൊണ്ടു നിമ്മ മുന്നുക്കു പെ്ളേത്തിന്ത്‌റ്. അത്തെ പെ്ളേത്ത്‌റ്‌ക്കാട്ടി ബേസ്യാഡി നഡാക്കുവാദ്‌ല്‌മ്, ആസെപാഡ് പട്ട് നഡാക്കുവാദ്‌ല്‌മ്, ബോദേ്റുവ ജാദിഗാള്‌ന കുഡിക്കുവാദ്‌ല്‌മ്, കുഡിത്ത്‌കൂത്താഡി നഡാക്കുവാദ്‌ല്‌മ്, കൂട്ട കൂഡി കുഡിത്ത് പിര്യാക്കിക്കി നഡാക്കുവാദ്‌ല്‌മ്, കുമ്മുഡ ബേ്ഡ എന്റ് സൊല്ലിര്‌ക്കുവ സെലെന കുമ്മുഡുവ കാര്യാല്‌മ് നിമ്മ എഞ്ചോ കാല മദിമറാന്തിന്താദ് മദി.