ഓഗന്നാന് 5:10 - സാമി സേദി

¹⁰ അദ്‌നാലെ എഗുദാര് നോയി തെ്ളിന്തവാന്‌ക്ക്: <<ഇന്റ് ഒയിവു നാള് എന്റ് തെര്യാഗ? ബിരിസ്സിന്ത സീലെന എ്ഡ്‌ത്ത് പോവാദ് നമ്മ് സട്ടപഡി തപ്പ്>> എന്റ് സൊന്നാര്.

ഓഗന്നാന് 5:10 ပူးပေါင်းရင်းမြစ်များ

മത്തായി 12:10

അയി പരേസുവ ബീ്ഡ്‌ല് കയി സപ്പെബ്‌ന്തിന്ത ഒന്റൊരുത്താന് ഇന്തിന്താന്. അദുക്കുള അദ്‌ലിന്ത ലേസ ആള്‌ഗാള് ഏസ്സ്‌ന കുറ്റഗാറാന് മാഡ്യ ഒന്റു കുറ്റ കാണ്യ ബേ്ണ്ടി: <<നമ്മ് സട്ടപഡി ഒയിവു നാള് നോയിഗാറാര്‌ന തെ്ള്‌സുവാദ് സെര്യ?>> എന്റ് ഏസ്സ്‌ന കേ്ട്ടാര്.

മര്‌ക്കോസു 2:24

പരിസാര് ഇദ്‌ന കണ്ട് അയാള്‌ക്ക്: <<ഇവാര് എന്ത്‌ക്കിത്തെ ഗേവാദ്? ഒയിവു നാള് സട്ടപഡി ഗേഗാത്ത കാര്യ നിന്ന് സൊല്ലുപഡി നഡാക്ക്‌ന്റവാര് ഗേന്റാര്. അദ് ആഗ>> എന്റ് സൊന്നാര്.

മര്‌ക്കോസു 3:4

പ്‌റ ഏസ്സ് ആള്‌ഗാള്‌ന: <<ഒയിവു നാള് നല്ലാദ് ഗേവാദൊ, കെ്ട്ടാദ് ഗേവാദൊ, ഒന്റു ഉജുരുന കാപാറ്റുവാദൊ, അളിക്കുവാദൊ, ഏദ് സെരി?>> എന്റ് അവാര്‌ന കേ്ട്ടാന്. അദുക്കുള അവാര് ഒന്റുമു സൊല്ലാദെ സപ്പെന്റിന്താര്.

ലൂക്കോസു 13:14

ഏസ്സ് അവാള്‌ന എഗുദാര് ബെത്ത്‌റ്‌ക്കുവ ഒയിവു നാള് തെ്ള്‌സ്‌നാദ്‌നാലെ എഗുദാര് പരേസുവ ബീ്ഡ്‌ല കാര്യഗാള്‌ന നോഡുന്റവാന്‌ക്ക് മൊനെ ബന്ത്: <<ഗിലാസ ഗേയ ആറ് നാള് ഇര്‌ക്ക്‌ന്റല്ല, അദുക്കുള ബന്ത് നോയിന തെ്ള്‌സ്‌ന്, എഗുദാര് ബെത്ത്‌റ്‌ക്കുവ ഒയിവു നാള് പാങ്കില്ലെ>> എന്റ് ആള്‌ഗാള്‌ക്ക് സൊന്നാന്.

ലൂക്കോസു 23:56

പ്‌റ അയി പെ്ണ്ണ്‌മക്കാള് തിരിഗി പോയി ഏസ്സ് സാവുക്കു പൂസുവാദ്‌ക്കുള്ള ബാഡെ അഡിക്കുവ ജാദിഗാള്‌നാമ് തയിലനാമ് എ്ഡ്‌ത്ത് ഒരിക്കി ബെത്താര്. മോസെ ബെത്ത സാമി സട്ടപഡി ഒയിവു നാള് അവാര് ഗിലാസ ഗേഗാദിന്താര്.

ലൂക്കോസു 6:2

അദുക്കുള പരിസാര്‌ഗാള്‌ല് ലേസ ആള്‌ഗാള്: <<ഒയിവു നാള് സട്ടപഡി ഗേഗാത്ത കാര്യ നിമ്മ ഗേവാദ് എന്ത്‌ക്ക്?>> എന്റ് അവാര്‌ന കേ്ട്ടാര്.

ഓഗന്നാന് 1:19

<<നീ ആര്>> എന്റ് ഓഗന്നാന്‌ന കേ്ള്‌ക്ക്യ ബേ്ണ്ടി എര്‌സലേമ്‌ലിന്ത് ലേവ്യാര്‌നാമ് എഗുദാര് പൂസാരിഗാള്‌നാമ് എഗുദാര് തലെവാര്‌ഗാള് ഓഗന്നാന് പട്ട്‌ക്ക് സൊല്ലി ബ്‌ട്ടാര്.

ഓഗന്നാന് 5:11

ആന നോയി തെ്ളിന്തവാന് അവാര്‌ക്ക്: <<എനാന തെ്ള്‌സ്‌നവാന് ബിരിസ്സിന്ത സീലെന എ്ഡ്‌ത്ത് നഡാന്ത് പൊ എന്റ് എനാക്ക് സൊന്നാന്>> എന്റ് സൊന്നാന്.

ഓഗന്നാന് 5:15

അദുക്കുള അയാള് പോയി തനാന തെ്ള്‌സ്‌നാദ് ഏസ്സ്‌ത്തെ എന്റ് എഗുദാര്‌ക്ക് സൊന്നാന്.

ഓഗന്നാന് 5:16

ഏസ്സ് ഒയിവു നാള് അയാള്‌ന തെ്ള്‌സ്‌നാദ്‌നാലെ എഗുദാര് ഏസ്സ്‌ന ഒന്റേപെ്ട്ട് ബുദ്ദിമുട്ടുസ്യ പ്‌ഡിത്താര്.

ഓഗന്നാന് 7:23

മോസെ ബെത്ത സാമി സട്ടാന നഡാത്ത്യ ബേ്ണ്ടി ഒയിവു നാള്‌മ് ഒന്റു മഗാന പരിസേദനെ സാത്ത്‌റ ഗേന്റ്‌റ്. അത്ത്യാന ഒന്റു മന്‌സാന്‌ന നാന് ഒയിവു നാള് ഒന്റേപെ്ട്ട് തെ്ള്‌സ്‌നാദ്‌നാലെ നിമ്മ എന്ത്‌ക്ക് എനാന മൊനേക്ക് തെ്ട്ട്‌ന്റ്‌റ്?

ഓഗന്നാന് 9:16

പരിസാര്‌ഗാള്‌ല് ലേസ ആള്‌ഗാള്: <<ഒയിവു നാള് ഗേയ പാങ്കില്ലാത്താദ് ഗേവ ഇയാള് സാമി പട്ട്‌ലിന്ത് ബന്തവാനല്ല>> എന്റ് സൊന്നാര്. ആന ബേ്റെ ലേസ ആള്‌ഗാള്: <<പാവ ഗേവ ഒന്റു മന്‌സാന്‌ക്ക് ഇത്തവ ദിന്‌സ്‌ല അദിസ്യമാന അഡ്യാളഗാള് ഗേയ എത്തെ മുഡിമ്?>> എന്റ് സൊന്നാര്. അത്തെ അവാര് ആങ്കൊന്റു കച്ചിമ് ഈങ്കൊന്റു കച്ചിമ് ആനാര്.