ഓഗന്നാന് 4:48 - സാമി സേദി

⁴⁸ ഏസ്സ് അയാള്‌ക്ക്: <<നിമ്മ അഡ്യാളഗാള്‌മ് അദിസ്യഗാള്‌മ് കാണാദെ പോന നമ്പാഗേമാട്ട്‌റ്‌ല്ല?>> എന്റ് സൊന്നാന്.

ഓഗന്നാന് 4:48 ပူးပေါင်းရင်းမြစ်များ

മത്തായി 16:1

അദ്‌ക്ക് പ്‌റ പരിസാര്‌ഗാള്‌മ് സദൂക്ക്യാര്‌മ് ഏസ്സ്‌ന സോദണെ ഗേയ ബേ്ണ്ടി ബന്ത്: <<മേലോഗാത്ത്‌ലിന്ത് ഒന്റു അഡ്യാള എമാക്ക് കാട്ടി തരുഡോമെ>> എന്റ് കേ്ട്ടാര്.

മത്തായി 24:24

പഗ്‌ദ്യാള്‌ഗാള് തമ്മാത്തെ ക്‌റ്‌സ്‌ത്ത് എന്റ്‌മ് ബേ്റെ പഗ്‌ദ്യാള്‌ഗാള് തമ്മാത്തെ സാമിദാസ്‌ഗാള് എന്റ്‌മ് ഉറുട്ടു സൊല്ലി ബരുവാര്. അവാര് സാമി പട്ട്‌ലിന്ത് ബന്തവാര് എന്റ് കാട്ട്യ ദൊഡ്ഡുദൊഡ്ഡ അദിസ്യഗാള് ഗേവാര്. മുഡിന്തളാവുക്കു സാമി തെരിന്തെ്ഡ്‌ത്തവാര്‌ന ഗുഡി ഏമാത്ത്യ ബേ്ണ്ടി അവാര് ഇദെല്ല ഗേവാര്.

മത്തായി 27:42

<<അയാള് ബേ്റെ ആള്‌ഗാള്‌നെല്ല കാപാറ്റ്‌നാന്. ആന തനാന കാപാറ്റ്യ മുഡിവാദില്ലെ. അയാള് ഇസ്‌റവേല്‌ഗാറാര് രാജാവായിന്തദാന ഇന്നാല് കുരുസുലിന്ത് ഇ്റാഗി ബരുഡൊ. അന്നാപ്പ് എമ്മ അയാള്‌ന നമ്പ്‌ന്റേമ്.

മര്‌ക്കോസു 13:22

പഗ്‌ദ്യാള്‌ഗാള് തമ്മാത്തെ ക്‌റ്‌സ്‌ത്ത് എന്റ്‌മ് ബേ്റെ പഗ്‌ദ്യാള്‌ഗാള് തമ്മാത്തെ സാമിദാസ്‌ഗാള് എന്റ്‌മ് ഉറുട്ടു സൊല്ലി ബരുവാര്. അവാര് സാമി പട്ട്‌ലിന്ത് ബന്തവാര് എന്റ് കാട്ട്യ ദൊഡ്ഡുദൊഡ്ഡ അദിസ്യഗാള് ഗേവാര്. മുഡിന്തളാവുക്കു സാമി തെരിന്തെ്ഡ്‌ത്തവാര്‌ന ഗുഡി ഏമാത്ത്യ ബേ്ണ്ടി അവാര് ഇദെല്ല ഗേവാര്.

ലൂക്കോസു 10:18

അദുക്കുള ഏസ്സ്: <<ബാന്‌ലിന്ത് സെയിത്താന് മിച്ചുവ പാസെ അഡി അലേവാദ്‌ന നാന് കണ്ടെ.

ലൂക്കോസു 16:31

അദ്‌ക്ക് അവുറഗാമ്: <മോസേമ് സാമിദാസ്‌ഗാള്‌മ് സൊന്ന നായന കേ്ള്‌ക്കാത്തവാന് സത്തവാര് ഉജുര്‌ളാഗി പോയി സൊന്നാല്‌മ് നമ്പ്യ പോവാദില്ലെ> എന്റ് സൊന്നാന്.>>

ഓഗന്നാന് 12:37

അവാര് കണ്ണ്‌മുന്നുക്കു ഇഞ്ചൊന്റു അദിസ്യമാന അഡ്യാളഗാള് ഗേന്ത് ഗുഡി അവാര് ഏസ്സ്‌ല് നമ്പിക്കെ ബെക്കാലെ.

ഓഗന്നാന് 15:24

ബേ്റെ ആര്‌മ് ഗേഗാത്ത കാര്യഗാള്‌ന അവാര് പട്ട്‌ല് നാന് ഗേഗാദിന്തിന്തദാന അവാര്‌ക്ക് പാവ ഇല്ലാദിന്ത്‌റ്‌ക്ക്‌മ്. ആന ഇന്നാല് ഈ കാര്യഗാള്‌നെല്ല അവാര് കണ്ട്‌മ് ഇര്‌ന്റാര്, എനനാമ് എന്നപ്പാന് സാമിനാമ് തൊറേന്ത്‌മ് ഇര്‌ന്റാര്.

ഓഗന്നാന് 2:18

അദുക്കുള എഗുദാര് ഏസ്സ്‌ന: <<ഇത്തെല്ല ഗേയ നിനാക്ക് അദിഗര ഇര്‌ക്ക്‌ന്റ് എന്റ് കാട്ട്യ നിനാക്ക് എന്ത് അദിസ്യമാന അഡ്യാള ഗേയ മുഡിമ്?>> എന്റ് കേ്ട്ടാര്.

ഓഗന്നാന് 20:29

അദുക്കുള ഏസ്സ് അയാള്‌ക്ക്: <<നീ എനാന കണ്ടാദ്‌നാലെ നമ്പ്‌നായി, ആന എനാന കാണാദെ നമ്പ്‌ന്റവാര് ബാഗ്യകേ്ട്ടവാര്>> എന്റ് സൊന്നാന്.

ഓഗന്നാന് 4:49

അയി ജോലിഗാറാന് ഏസ്സ്‌ക്ക്: <<പണ്ണാഡി, മഗ സാവാദ്‌ക്ക് മുദാല് സെറ്റെ ബരുഡോമെ>> എന്റ് സൊന്നാന്.

അപ്പോസുത്തലാര് 14:3

എന്റിന്ത് ഗുഡി പവുലോസുമു ബറ്‌ണവാസ്‌മ് ആണ്ടവാന്‌ന പറ്റി ദയിരത്തോഡ നായ സൊല്ലികൊണ്ടു എഞ്ചോ കാല അദ്‌ല് താനെ ഇന്താര്. ആണ്ടവാന് അവാര്‌ക്ക് അദിസ്യഗാള്‌മ് അഡ്യാളഗാള്‌മ് ഗേവാദ്‌ക്കുള്ള സക്‌തി കൊഡുത്താന്. അത്തെ സാമി തനാക്ക് ആള്‌ഗാളോഡ ഇര്‌ക്കുവ ഗവാന പറ്റി സൊല്ലുവ തന്ന് സേദിന സത്ത്യ എന്റ് കാട്ട്‌നാന്.

അപ്പോസുത്തലാര് 15:12

അദ്‌ക്ക് പ്‌റ സാമി തമ്മോഡിന്ത് എഗുദാര് അല്ലാത്ത ജാദിഗാള് പട്ട്‌ല് ഗേന്ത അദിസ്യഗാള്നാമ്, അഡ്യാളഗാള്‌നാമ് ബറ്‌ണവാസ്‌മ് പവുലോസുമു സൊന്നാര്. അദുക്കുള ജന കൂട്ടഗാള് ഒട്ടുക്കു സപ്പാന കേ്ട്ടിന്താര്.

അപ്പോസുത്തലാര് 2:19

നാന് ബാന്‌ല്‌മ് ബൂമില്‌മ് അദിസ്യഗാള്‌മ് കാട്ടുവെ. സോരേമ്, തീയിമ് കറ്‌ത്ത പൊഗേമ് ബരുവു.

അപ്പോസുത്തലാര് 2:22

എന്ന് സൊന്ത ഇസ്‌റവേല്‌ഗാറാരെ, എന്ന് നായന കേ്ള്‌ന്! നസറേത്ത്‌ഗാറാന് ഏസ്സ്‌ക്ക് ഇന്ത സാമി അദിഗരാന സാമി നലമായി നിമാക്ക് കാട്ടി തന്താന്. അദ് അയാള് ഗേന്ത അദിസ്യഗാള്‌ല്‌മ് അഡ്യാളഗാള്‌ല്‌മ്‌ത്തെ സാമി കാട്ടി തന്താദ്. നിമ്മ് എ്ഡേല് നഡാന്ത ഈ കാര്യഗാളെല്ല നിമാക്ക് നലമായി തെരിവു.

അപ്പോസുത്തലാര് 2:43

അപ്പോസുത്തലാര് എഞ്ചോ അഡ്യാളഗാള്‌മ് അദിസ്യഗാള്‌മ് ഗേന്താര്. അദ്‌ന കണ്ട് ആള്‌ഗാള് അഞ്ചി തള്ള്‌നാര്.

അപ്പോസുത്തലാര് 4:30

നീ കയി നീ്ട്ടി നോയിഗാറാര്‌ന തെ്ള്‌സുഡോമെ. നിന്ന് ഗിലാസാക്ക് സൊല്ലി ബെത്ത്‌റ്‌ക്കുവ ഏസ്സ് പേര്‌ല് അദിസ്യഗാള്‌മ്, അഡ്യാളഗാള്‌മ് ഗേന്ത് കാട്ടുഡോമെ.>>

അപ്പോസുത്തലാര് 5:12

അപ്പോസുത്തലാര്‌നാലെ ആള്‌ഗാള് പട്ട്‌ല് എഞ്ചോ അദിസ്യഗാള്‌മ് അഡ്യാളഗാള്‌മ് നഡാന്ത്‌ദ്. ഏസ്സ്‌ഗാറാര് ഒട്ടുക്കു ഒന്റേ മനേസ്സോഡ സലോമോനുത്തു എന്നുവ മണ്ടഗാത്ത്‌ല് ഒന്റായി കൂഡിന്താര്.

അപ്പോസുത്തലാര് 6:8

സാമിലിന്ത് തെപാനോസുക്കു മൊത്തന ബാക്ക്‌വരഗാള്‌മ് സക്‌തിമ് കെ്ഡേത്ത്‌ദ്. അയാള് ആള്‌ഗാള് പട്ട്‌ല് ദൊഡ്ഡുദൊഡ്ഡ അഡ്യാളഗാള്‌മ്, അദിസ്യഗാള്‌മ് ഗേന്താന്.

അപ്പോസുത്തലാര് 7:36

മോസെ ഇസ്‌റവേല്‌ഗാറാര്‌ന മിസ്‌റേമ്‌ല് ഇന്ത് ബെ്ട്ടെകാഡ്‌മേലെ നാപ്പദ് ബര്‌സ്സ നഡാത്ത്‌നാന്. മിസ്‌റേമ്‌ല്‌മ്, സെങ്കഡാല്‌ല്‌മ് അദിസ്യഗാള്‌മ്, അഡ്യാളഗാള്‌മ് ഗേന്ത്‌കൊണ്ടുത്തെ അവാര്‌ന നഡാത്ത്‌നാദ്.

റോമഗാറാര് 15:19

സാമിനിഗാല് സക്‌തില് ദൊഡ്ഡുദൊഡ്ഡ അദിസ്യഗാള്‌മ് അഡ്യാളഗാള്‌മ് ഗേയ ക്‌റ്‌സ്‌ത്ത് എനാന കയിതാങ്ക്‌നാന്. അത്തെ നാന് ക്‌റ്‌സ്‌ത്ത്‌ന പറ്റി സൊല്ലുവ നല്ല സേദിന എര്‌സലേമ്‌ലിന്ത് ഇല്ലൂറിയ ദേസമാട്ട്‌ക്ക് പോയി സൊല്ലി മുഡിത്ത്‌റ്‌ന്റെ.

1 കൊരിന്ത്യഗാറാര് 1:22

എഗുദാര് അദിസ്യമാന അഡ്യാളഗാള്‌ന പരാക്ക്‌ന്റാര്, ആന എവനഗാറാര് അറുവുനാമ് ബുദ്ദിനാമ് പരാക്ക്‌ന്റാര്.

2 കൊരിന്ത്യഗാറാര് 12:12

നാന് നിമ്മ് പട്ട്‌ല് അഡ്യാളഗാള്‌മ് അദിസ്യഗാള്‌മ് ആന മ്‌ഗ്‌ന്ത കാര്യഗാള് ഗേന്ത്‌റ്‌ന്റെ. ഇദ് നാന് ഒന്റു അപ്പോസുത്തലാന് എന്നുവാദ്‌ക്ക് തെ്ള്‌വു തന്റല്ല?

2 തെസെലോനിക്ക്യഗാറാര് 2:9

സെയിത്താന് കൊഡുക്കുവ സക്‌തിനാലെ ഗേവ കാര്യഗാളോഡ അയി കേ്ഡ്‌ഗെ്ട്ടവാന് ബെ്ളിപഡുവാന്. അയാള് തന്ന് പൊയ്യാന സക്‌തില് അഡ്യാളഗാള്‌മ് അദിസ്യഗാള്‌മ് ഗേന്ത് കൊണ്ടു ആള്‌ഗാള്‌ന ബഞ്ചിക്കുവാന്.

എവുറായാര് 2:4

ഇദല്ലാദെ താനെ അഡ്യാളഗാള് കാട്ടി കൊണ്ടുമു അദിസ്യഗാള് ഗേന്ത് കൊണ്ടുമു അദിസ്യപഡുവ ദൊഡ്ഡുദൊഡ്ഡ കാര്യഗാള് ഗേന്ത് കൊണ്ടുമു ഇദ് സത്ത്യ എന്റ് ആണ്ടവാന് കാട്ടി തന്ത്‌റ്‌ന്റാന്. സാമിനിഗാല് തരുവ ബരഗാള്‌ന തന്ന് ആസെപഡി കൊഡുത്തു കൊണ്ടുമു ഇദ് സത്ത്യ എന്റ് ആണ്ടവാന് കാട്ടി തന്ത്‌റ്‌ന്റാന്.