ഓഗന്നാന് 4:21 - സാമി സേദി

²¹ ഏസ്സ് അവാള്‌ക്ക്: <<അമ്മെ, നാന് സൊല്ലുവാദ്‌ന നമ്പ്, നിമ്മ അപ്പാന് സാമിന കുമ്മുഡുവാദ് ഈ മലേല്‌മല്ല, എര്‌സലേമ്‌ല്‌മല്ല എന്നുവ നേര ബന്റ്.

ഓഗന്നാന് 4:21 ပူးပေါင်းရင်းမြစ်များ

മത്തായി 18:20

എന്ത്‌ക്കെന്റ് സൊന്ന എന്ന് പേര്‌ന സൊല്ലി റാഡാളൊ മൂറാളൊ കൂഡുവ പട്ട്‌ലെല്ല നാന് അവാര് പട്ട്‌ല് ഇര്‌ക്ക്‌ന്റെ.>>

മത്തായി 28:19

അദ്‌നാലെ നിമ്മ എല്ലാ സാരിമ് പോയി എല്ലാ ജാദിഗാള്‌നാമ് എന്ന് സൊല്ലുപഡി നഡാക്ക്‌ന്റവാര് മാഡ്‌ന്. അത്തെ അപ്പാന് പേര്‌നാമ്, മഗാന് പേര്‌നാമ്, സാമിനിഗാല് പേര്‌നാമ് സൊല്ലി അവാര്‌ന നീര്‌ക്ക് മുളുഗുസുനു.

ലൂക്കോസു 21:24

അവാര്‌ല് ലേസ ആള്‌ഗാള്‌ന ബാള്‌ല് ബെ്ട്ടി കൊല്ലുവാര്. ലേസ ആള്‌ഗാള്‌ന പ്‌ഡിത്ത് ബേ്റെ നാഡ്‌ക്ക് എ്ഡ്‌ത്ത് പോവാര്. എഗുദാരല്ലാത്ത ജാദിഗാള് ആളുവ കാല മുഡ്യാമാട്ട്‌ക്ക് അയി ജാദിഗാള് എര്‌സലേമ്‌ന മെ്ട്ടിതൊഗേത്ത് തള്ളുവാര്.>>

ഓഗന്നാന് 14:6

ഏസ്സ് അയാള്‌ക്ക്: <<നാന്‌ത്തെ ബട്ടെ, നാന്‌ത്തെ സത്ത്യ, നാന്‌ത്തെ ഉജുരു. എന്ന്‌നാലെ അല്ലാദെ ആര്‌ക്ക്‌മ് അപ്പാന് പട്ട്‌ക്ക് പോയ മുഡ്യാമാട്ട.

ഓഗന്നാന് 16:2

അവാര് നിമാന എഗുദാര് പരേസുവ ബീ്ഡ്‌ഗാള്‌ലിന്ത് മുഡിക്കി ബ്‌ഡുവാര്, അദ്‌താനേമല്ല അവാര് നിമാന കൊല്ലുഗാട്ടി സാമിക്ക് ബേ്ണ്ടി ഒന്റു നല്ല കാര്യ ഗേന്റേമ് എന്റ് നെനേക്കുവ ഗളിഗെ ബന്റ്.

ഓഗന്നാന് 16:32

ആന എനാന തനിഗെ തള്ളി നിമ്മ ഒന്റൊന്റാള്‌മ് അവനവാന് ബീ്ഡ്‌ക്ക് ജില്ലമ്പുല്ലാത്തായി പോവ ഗളിഗെ ബന്റ്, ഇന്നാല് ബന്ത്‌മിര്‌ന്റ്. എന്റാല്‌മ് അപ്പാന് സാമി എന്നോഡൊപ്പ ഇര്‌ക്കുവാദ്‌നാലെ നാന് തനിഗ്യല്ല.

ഓഗന്നാന് 4:23

നേരോഡ സാമിന കുമ്മുഡുന്റവാര് അപ്പാന് സാമിന സാമിനിഗാല് ഉദാവിനാലേമ് സത്ത്യത്തോഡാമ് കുമ്മുഡുവ നേര ബര്‌മ്. അദ് ഇന്നാല് ബന്ത്‌മിര്‌ന്റ്. എന്ത്‌ക്കെന്റ് സൊന്ന ഇത്തവ ദിന്‌സ്‌ല് സാമി കുമ്മുഡുന്റവാര്‌നത്തെ സാമി പരാക്കുവാദ്.

ഓഗന്നാന് 5:25

നാന് സത്ത്യമായിമ് നിമാക്ക് സൊന്റെ, സത്തവാര് സാമിമഗാന് നായ ജദ്ദന കേ്ള്‌ക്കുവാര്. കേ്ള്‌ക്ക്‌ന്റവാര് പെ്ളേക്കുവ ഗളിഗെ ബന്റ്. ഇന്നാല് ബന്ത്‌മിര്‌ന്റ്.

ഓഗന്നാന് 5:28

അദ്‌നാലെ നിമ്മ അദിസ്യപഡാദേന്. എന്ത്‌ക്കെന്റ് സൊന്ന സുഡാലേല് ഇര്‌ന്റവാരൊട്ടുക്കു അയാള് നായ ജദ്ദന കേ്ട്ട്, തമ്മ് സുഡലെഗാള്‌ലിന്ത് ബെ്ളിഗെ ബരുവ ഗളിഗെ ബന്റ്. നല്ലാദ് ഗേന്തവാര് ഉജുര്‌ളാഗി എന്നാല്‌ക്ക്‌മ് പെ്ളേക്കുവാര്. കെ്ട്ടാദ് ഗേന്തവാര് ഉജുര്‌ളാഗി ദെ്ണ്ടണേക്ക് സിക്കുവാര്.>>

അപ്പോസുത്തലാര് 6:14

നസറേത്ത്‌ഗാറാന് ആന ഈ ഏസ്സ് സാമിബീ്ഡ്‌ന ഇ്ഡിത്ത് തള്ളുവാന് എന്റ്‌മ്, മോസെ നമാക്ക് തന്ത്‌റ്‌ക്കുവ സട്ട്‌മെ്ട്ട്‌ഗാള്‌ന മാറ്റുവാന് എന്റ്‌മ് ഇയാള് സൊല്ലുവാദ്‌ന എമ്മ കേ്ട്ടേമ്>> എന്റ് സൊന്നാര്.

എപസോസുഗാറാര് 2:18

അദ് എത്തെന്റ് സൊന്നദാന സാമിപ്‌ള്ളെഗാള്, സാമിപ്‌ള്ളെഗാളല്ലത്തവാര് എന്റ് സൊല്ലുവ അന്ന്യ ജാദിഗാള് എന്റ് റാഡായി പ്‌റ്‌ന്തിന്ത നമ്മൊട്ടുക്കുമു അയി സേദിന നമ്പുവാദ്‌നാലെ ഒന്റേ സാമിനിഗാല്‌ല് അപ്പാനായിര്‌ക്കുവ സാമിക്ക് എ്ണേവ ബാഗ്യ നമാക്ക് കെ്ഡേത്ത്‌ദ്.

എപസോസുഗാറാര് 3:14

അദ്‌നാലെ ബൂലോഗാത്ത്‌ല്‌മ് മേലോഗാത്ത്‌ല്‌മ് ഇര്‌ക്ക്‌ന്റവാര്‌ന ഒട്ടുക്കു ഏസ്സ് എന്നുവ പേര്‌ല് ഒന്റേ കുല മാഡ്‌ന സാമിന നെനേത്ത് നാന് മണ്ടിഗലൂറി പരേസുവാദ് എത്തെന്റ് സൊന്ന:

1 തിമിത്തോസു 2:8

അദ്‌നാലെ സാമിന കുമ്മുഡുവ പട്ട്‌ലെല്ല സാമിക്ക് ബേ്ണ്ടി പെ്ളേക്കുവ ഗണ്ടാള്‌ഗാള് മൊനേക്ക് തെ്ട്ടാദേമ് തറ്‌ക്കിപ്‌ഡിത്ത് ഗേഗാദേമ് കയിന ഉജാത്തി പരേസുഡൊ.

1 പത്ത്‌റോസു 1:17

കച്ചി പ്‌ഡിക്കാദെ അവനവാന് ഗേവ ഗിലാസാക്ക് തഗ്‌ന്ത പാസെ ഒന്റൊന്റാള്‌നാമ് ബിദിക്ക്‌ന്റവാന്‌നാത്തെ അപ്പാന് എന്റ് നിമ്മ സൊല്ലുവദാന പരദേസിഗാളായി പെ്ളേക്കുവ ഇന്ന്യുള്ള നിമ്മ് പെ്ളേപ്പ് ബക്‌ത്യോഡ പെ്ളേന്.

ബെ്ളിപട്ട കാര്യ 21:22

പട്ടണാത്ത്‌ല് സാമിബീ്ഡ് ഒന്റുനാമ് നാന് കാണാലെ. എന്ത്‌ക്കെന്റ് സൊന്ന എല്ലാ ബിലാമ് ഇര്‌ക്കുവ ആണ്ടവാനാന സാമിമ്, കൊറ്യാഡ് കുട്ടിമ്‌ത്തെ അയി പട്ടണാത്ത്‌ല സാമിബീ്ഡ്.