ഓഗന്നാന് 3:8 - സാമി സേദി

⁸ കാറ്റ് തനാക്ക് പ്‌ഡിത്ത സാരി അഡിക്ക്‌ന്റ്. അയി ജദ്ദന താനെത്തെ നീ കേ്ള്‌ക്ക്‌ന്റായി. ആന കാറ്റ് ഏദ്‌ലിന്ത് ബന്റ് എന്റ്‌മ് ഏങ്ക് പോന്റു എന്റ്‌മ് നിനാക്ക് തെരിവാദില്ലെ. അദേപാസെത്തെ സാമിനിഗാല്‌ല് പ്‌റാന്ത ഒന്റൊന്റു ആള്‌ഗാള്>> എന്റ് സൊന്നാന്.

ഓഗന്നാന് 3:8 ပူးပေါင်းရင်းမြစ်များ

ഓഗന്നാന് 1:13

ഉലഗാത്ത്‌ല് മക്കാള്‌മറി പ്‌റാക്കുവ പാസേഗൊ, മന്‌സാന് ആസെപഡി പ്‌റാക്കുവ പാസേഗൊ അല്ല അവാര് പ്‌റാന്ത്‌റ്‌ക്കുവാദ്. സാമിത്തെ അവാര്‌ന പ്‌റാത്തിര്‌ക്കുവാദ്.

ഓഗന്നാന് 3:7

നിമ്മ മറിസിമ് പ്‌റാന്തെ ആഡൊ എന്റ് നാന് സൊല്ലുവാദ്‌നാലെ നീ അദിസ്യപഡബേ്ഡ.

ഓഗന്നാന് 3:9

<<ഇദ് എത്തെ നഡാക്ക്‌മ്?>> എന്റ് നിക്കോദിമോസു ഏസ്സ്‌ന കേ്ട്ടാന്.

അപ്പോസുത്തലാര് 2:2

അന്നാല് താനെ ബാന്‌ലിന്ത് ഒന്റു ജദ്ദ ആറ്റ്. അയി ജദ്ദ ദൊഡ്ഡ ഒന്റു കാറ്റഡിക്കുവ പാസെത്തെ ആനാദ്. ഈ ജദ്ദ അവാര് ഇന്ത ബീ്ഡ്‌കുളാക്ക് ഒട്ടുക്കു കേ്ട്ട്‌ദ്.

അപ്പോസുത്തലാര് 4:31

ഇത്തെ അവാര് പരേസി തീന്താദ്‌മ് അവാര് കൂഡിന്ത എ്ഡെ അദ്‌റ്‌ന്ത്‌ദ്. അവാര്‌ക്ക് ഒട്ടുക്കു സാമിനിഗാല് ഏ്റി അവാര്‌ന മൂഡി തള്ള്‌ട്ട്. സാമി സേദി അവാര് ദയിരത്തോഡ സൊല്ല്യാമ് പ്‌ഡിത്താര്.

1 കൊരിന്ത്യഗാറാര് 12:11

ആന ഈ ബരഗാളെല്ല കൊഡുക്കുവാദ് ഒന്റേ സാമിനിഗാല്‌ത്തെ. അയാള് തനാക്ക് പ്‌ഡിത്ത പാസെ ഒന്റൊന്റാള്‌ക്ക്‌മ് അദാദ് ബരാന പങ്കി കൊഡുക്കുന്റാന്.

1 കൊരിന്ത്യഗാറാര് 2:11

ഒന്റു മന്‌സാന് മനേസ്സ്‌ല് ഇര്‌ക്കുവാദ് എന്തെന്റ് അയാള് ഉജുരുകെ്ളേക്കല്ലാദെ ബേ്റെ ആര്‌ക്ക്‌മ് തെര്യ. അദേപാസെ സാമി മനേസ്സ്‌ല് ഇര്‌ക്കുവ നെനേവുഗാള് എന്തെന്റ് സാമിനിഗാല്‌ക്കല്ലാദെ ബേ്റെ ആര്‌ക്ക്‌മ് തെര്യ.

1 ഓഗന്നാന് 2:29

ക്‌റ്‌സ്‌ത്ത് എത്തെ നേര്‌മെഗാറാനായി പെ്ളേത്താനെന്റ് നിമാക്ക് തെരിമ്. അയാള്‌ന പാസെ നേര്‌മെഗാറാരായി പെ്ളേക്ക്‌ന്റവാരൊട്ടുക്കു സാമിപ്‌ള്ളെഗാള് എന്റ്‌മ് നിമാക്ക് തെരിമ്.