ഓഗന്നാന് 3:22 - സാമി സേദി

²² അദ്‌ക്ക് പ്‌റ ഏസ്സ്‌മ് തന്ന് സൊല്ലുപഡി നഡാക്ക്‌ന്റവാര്‌മ് എഗുദാര് നാഡ്‌ക്ക് പോനാര്. അയാള് അദ്‌ല് തന്ന് സൊല്ലുപഡി നഡാക്ക്‌ന്റവാരോഡ തങ്കിന്ത് ആള്‌ഗാള്‌ന മുളുഗുസ്‌നാന്.

ഓഗന്നാന് 3:22 ပူးပေါင်းရင်းမြစ်များ

ഓഗന്നാന് 2:13

എഗുദാര് ഗേവ പെസഗെ നോമ്പി അഡ്‌ത്തിന്താദ്‌നാലെ ഏസ്സ് എര്‌സലേമ്‌ക്ക് പോനാന്.

ഓഗന്നാന് 2:2

ഏസ്സ്‌നാമ് അയാള് സൊല്ലുപഡി നഡാക്ക്‌ന്റവാര്‌നാമ് കല്യണാക്ക് ബ്‌ളിത്തിന്താര്.

ഓഗന്നാന് 3:23

ഓഗന്നാന്‌മ് സാലേമ്‌ക്കര്‌ഗെ ഇര്‌ക്കുവ അയിനോനു എന്നുവ എ്ഡേല് ആള്‌ഗാള്‌ന മുളിഗിസി കൊണ്ടിന്താന്. എന്ത്‌ക്കെന്റ് സൊന്ന അദ്‌ല് മൊത്തന നീര് ഇന്ത്‌ദ്. അദ്‌നാലെ ആള്‌ഗാള് ബന്ത് ഓഗന്നാന് കയില് മുളുഗുനാര്.

ഓഗന്നാന് 3:26

അത്തെ അവാര് ഓഗന്നാന് പട്ട്‌ക്ക് പോയി: <<ഗുരുവെ, ഓറ്‌ദ്ദാന് ബാനിക്ക് അയ്യെ്ട്ടി നിന്നോഡൊപ്പ ഇന്തവാന്‌ന തെര്യാഗ? നീ അയാള്‌ന പറ്റി ആള്‌ഗാള്‌ക്ക് സൊല്ലിര്‌ക്ക്‌ന്റായല്ല, അയാള് ഇന്നാല് ആള്‌ഗാള്‌ന മുളുഗുസ്‌ന്റാന്, എല്ലാ ആള്‌ഗാള്‌മ് അയാള് പട്ട്‌ക്ക് പോന്റാര്>> എന്റ് സൊന്നാര്.

ഓഗന്നാന് 7:3

അദ്‌നാലെ ഏസ്സ് തമ്പ്യാമ് ഏസ്സ്‌ക്ക്: <<നീ ഗേവ കാര്യഗാള്‌ന നിന്ന് സൊല്ലുപഡി നഡാക്ക്‌ന്റവാര്‌മ് കാണ്യ ബേ്ണ്ടി ഇദ്‌ലിന്ത് എഗുദ നാഡ്‌ക്ക് പൊ.