ഓഗന്നാന് 3:21 - സാമി സേദി

²¹ ആന സത്ത്യമാന കാര്യഗാള് ഗേന്റവാന് ബെ്ള്‌സാക്ക് ബരുവാന്. എന്ത്‌ക്കെന്റ് സൊന്ന അയാള് ഗേവ കാര്യഗാള് സാമിക്ക് പ്‌ഡിത്ത കാര്യഗാള് എന്റ് ബെ്ള്‌സ കാട്ടി കൊഡുക്കുന്റു.>>

ഓഗന്നാന് 3:21 ပူးပေါင်းရင်းမြစ်များ

ഓഗന്നാന് 1:47

നദനെയേല് ഏസ്സ് പട്ട്‌ക്ക് ബരുവാദ്‌ന കണ്ട്: <<ഇദാ, നേര്‌മാന ഇസ്‌റവേല്‌ഗാറാന്. ഇയാള് നെഞ്ച്‌ല് കവാഡ് ഒന്റുമില്ലെ>> എന്റ് ഏസ്സ് സൊന്നാന്.

ഓഗന്നാന് 3:20

തമ്മ ഗേവ കെ്ട്ട കാര്യഗാള് എദ്‌ക്കാമ് എന്റ് നെനേത്ത് ബെ്ള്‌സാന ബെ്റ്‌ക്കാമ് ഗേന്റാര്, അദ്‌ക്ക് ബരുവാദ്‌മില്ലെ.

ഓഗന്നാന് 5:39

സാമി സൊല്ലുസുലാക്കന നിമ്മ സൊക്കാന പഡിത്ത് നോഡുന്റുറു. എന്ത്‌ക്കെന്റ് സൊന്ന അദ് എന്നാല്‌ക്ക്‌മ് ഇര്‌ക്കുവ പെ്ളേപ്പ്‌ന തന്റ് എന്റ് നിമ്മ നെനേക്ക്‌ന്റ്‌റ്. ഈ സാമി സൊല്ലുസുലാക്ക നാന് ആരെന്റ് എനാന പറ്റി സൊല്ലി തന്റ്.

ഓഗന്നാന് 7:17

സാമി പിര്യപഡുവാദ്‌ന ഗേയ ആസെപഡ്‌ന്റവാന് ഈ ബുദ്ദിനായ സാമിലിന്ത് ബരുവാദൊ ഇല്ലെ നാനാഗ സൊല്ലുവാദൊ എന്റ് നെപ്പ്‌കെ്ഡേസുവാന്.

1 കൊരിന്ത്യഗാറാര് 15:10

ആന സാമി പ്‌ണ്ണ്യാത്ത്‌ല്‌ത്തെ നാന് അപ്പോസുത്തലാന് ആനാദ്. സാമി എനാക്ക് ഗേന്ത പ്‌ണ്ണ്യ ഉവഗര ഇല്ലത്താദ് ആഗാലെ. ബേ്റെ അപ്പോസുത്തലാര്‌ന ബ്‌ഡ നാന് മ്‌ഗ്‌ന്ത പാഡ്‌പട്ട്‌റ്‌ന്റെ. നാന് ഒരുത്താന് താനെ എന്തൊന്റു ഗേന്തേന് എന്റല്ല, സാമി പ്‌ണ്ണ്യാത്ത്‌ല്‌ത്തെ നാന് ഇദെല്ല ഗേന്താദ്.

2 കൊരിന്ത്യഗാറാര് 1:12

ഈ ഉലഗാത്ത്‌ല ആള്‌ഗാള് പട്ട്‌ല്, മുക്ക്യമായിമ് നിമ്മ് പട്ട്‌ല് പെ്ളേക്കാട്ടി സാമി എമാക്ക് തന്ത സുത്താപ്പുള്ള മനേസ്സോഡാമ് കവാഡില്ലാത്ത മനേസ്സോഡാമ്‌ത്തെ പെ്ളേത്തേമ്. ഈ ഉലഗാത്ത്‌ലിന്ത് കെ്ഡേത്ത അറുവുനാലെ അല്ല സാമി ഗേന്ത പ്‌ണ്ണ്യാത്ത്‌ല്‌ത്തെ എമാക്ക് അത്തെ പെ്ളേക്ക്യ മുഡിന്താദ്. ഇദ് നേര്‌ത്തെ എന്റ് എമ്മ് മനേസ്സ് ഒറേപ്പായിമ് സൊന്റു. ഇദ്‌നത്തെ എമ്മ പെരിമെപഡ്‌ന്റേമ്.

ഗലാത്ത്യഗാറാര് 6:8

തന്ന് പിര്യാക്ക് കെ്ട്ട കാര്യഗാള്‌ന ഗേന്റവാന് ഒന്റേപെ്ട്ട് കെ്ട്ട് തള്ളുവാന്. ആന സാമിനിഗാല് സൊല്ലുക്കു കെ്ട്ട്‌പട്ട് നഡാക്ക്‌ന്റവാന്‌ക്ക് എന്നാല്‌ക്ക്‌മ് ഇര്‌ക്കുവ പെ്ളേപ്പ്‌മ് കെ്ഡേക്ക്‌മ്.

എപസോസുഗാറാര് 5:9

സാമിപ്‌ള്ളെഗാള് എന്നുവ മദ്‌പ്പോഡ ബെ്ള്‌സാത്ത്‌ല് പെ്ളേക്ക്‌ന്റവാര് പൊയി സൊല്ലാദെ നേര്‌മെഗാറാരായി പെ്ളേക്കുവാര്.

പിലിപ്പ്യഗാറാര് 1:11

അദല്ലാദെ താനെ ഒന്റു നേര്‌മെഗാറാരായി നിമ്മാമ് ഏസ്സ് ക്‌റ്‌സ്‌ത്ത് തരുവ ബിലാത്ത്‌ല് എല്ലാ ദിന്‌സ്‌ല നല്ല കാര്യഗാള്‌മ് ഗേന്ത് സാമിന മദ്‌സുഡൊ എന്റ്‌മ് സാമിക്ക് ദൊഡ്ഡ പേര് കെ്ഡേസി കൊഡുക്കുഡൊ എന്റ്‌മ് നാന് പരേസ്‌ന്റെ.

പിലിപ്പ്യഗാറാര് 2:13

എന്ത്‌ക്കെന്റ് സൊന്ന സാമി ആസെപഡുവാദ്‌ന ഗേയ നിമാക്ക് ആസെ തരുവാദ്‌മ് സാമിത്തെ, അദ്‌ന ഗേയ നിമാക്ക് ബില തരുവാദ്‌മ് സാമിത്തെ.

കൊലേസ്യഗാറാര് 1:29

അത്തെ ക്‌റ്‌സ്‌ത്ത് തരുവ സക്‌തിന ബെത്ത് കൊണ്ടു എനാക്ക് അയാള് തന്ത ഗിലാസാന ഗേന്ത് മുഡിക്ക്യ നാന് മ്‌ഗ്‌ന്ത ഓരാട്ട ഓരാഡ്‌ന്റെ.

1 പത്ത്‌റോസു 1:22

നിമ്മ സത്ത്യാക്ക് കെ്ട്ട്‌പട്ട് നഡാക്കുവാദ്‌നാലെ ഇന്നാല് നിമ്മ നിമാന താനെ സുത്താപ്പുള്ളവാര് മാഡ്‌ന്റ്റ്. അദ്‌നാലെ നിമ്മ ഏസ്സ്‌ന നമ്പിര്‌ന്റവാരോഡ മനേസ്സാറ സീവാന്‌ബെത്ത് കൊണ്ടുമു ആങ്കീങ്ക് ഉജുരുക്കുജുര സീവാന്‌ബെത്ത് കൊണ്ടുമു നഡാന്.

1 ഓഗന്നാന് 1:6

സാമ്യോഡ എ്ണേവിര്‌ന്റ് എന്റ് സൊല്ലികൊണ്ടു പാവ ഗേന്ത്‌കൊണ്ടേ ഇര്‌ക്ക്‌ന്റവാര് സാമി സൊല്ലുപഡിക്ക് പെ്ളേക്കാദെ ഉറുട്ടുസൊല്ലികൊണ്ടു നഡാക്ക്‌ന്റാര്.

3 ഓഗന്നാന് 1:11

എനാക്ക് മെച്ച്‌പ്‌ഡിത്തവാനെ, നീയിമ് അയാള്‌ന പാസെ കെ്ട്ടാദ് ഗേഗാദെ. നല്ലാദ് ഗേന്റവാന് സാമിപ്‌ള്ളേമ്‌ത്തെ. കെ്ട്ടാദ് ഗേന്റവാന്‌ക്ക് സാമി ആരെന്റേ തെര്യ.

ബെ്ളിപട്ട കാര്യ 3:15

നീ ഗേവ ഗിലാസ എനാക്ക് തെരിമ്. നീ സൂഡുള്ളവാന്‌മ് അല്ല, തണ്‌പ്പുള്ളവാന്‌മ് അല്ല. നീ സൂഡുള്ളവാനൊ ഇല്ലപോന തണ്‌പ്പുള്ളവാനൊ ആയിര്‌ക്കുഡൊ എന്റ് നാന് ആസെപഡ്‌ന്റെ.