ഓഗന്നാന് 3:10 - സാമി സേദി

¹⁰ അദ്‌ക്ക് ഏസ്സ് ഇത്തെ ബദ്‌ല് സൊന്നാന്: <<നീ ഇസ്‌റവേല്‌ഗാറാര്‌ന പഡ്‌സ്‌ന്റവാനായിന്ത് ഗുഡി ഈ കാര്യഗാള് നിനാക്ക് തെരിവാദില്ലേഗ?

ഓഗന്നാന് 3:10 ပူးပေါင်းရင်းမြစ်များ

മത്തായി 11:25

അയി ഗളിഗേല് താനെ ഏസ്സ് ഇത്തെ സൊന്നാന്: <<അപ്പാ, മേലോഗാക്ക്‌മ് ബൂലോഗാക്ക്‌മ് ആണ്ടവാനായിര്‌ക്ക്‌ന്റവനെ, നീ ഇദ്‌ന അറുവുഗാറാര്‌ക്ക്‌മ് ബുദ്ദിസാലിഗാള്‌ക്ക്‌മ് മറേസി ബെത്ത് സ്‌ന്നമക്കാള്‌ന പാസെ തണിന്ത് നഡാക്ക്‌ന്റവാര്‌ക്ക് കാട്ടി കൊഡുത്തിര്‌ന്റായി. അദ്‌നാലെ നാന് നിനാക്ക് മദ്‌പ്പ് തന്റെ.

മത്തായി 15:14

അവാര്‌ന പറ്റി നിമ്മ നെനേക്ക ബേ്ഡ. അവാര് കുറുഡാരായിര്‌ക്കുവ തലെവാര്‌ഗാള്‌ത്തെ. ഒന്റു കുറുഡാന് ബേ്റെ ഒന്റു കുറുഡാന്‌ക്ക് ബട്ടെ കാട്ടി പോന റാഡാള്‌മ് കുയിക്ക് ബീ്വാരല്ല>> എന്റ് സൊന്നാന്.

മത്തായി 22:29

അദുക്കുള ഏസ്സ്: <<സാമി ബൊക്കുലു എ്ള്‌ദിര്‌ക്കുവാദ്‌നാമ് സാമിക്ക് എല്ലാമ് ഗേയ മുഡിമ് എന്റ്‌മ് നിമാക്ക് തെര്യാത്താദ്‌നാലെത്തെ നിമാക്ക് തപ്പ് ബന്ത്‌റ്‌ക്കുവാദ്.

ലൂക്കോസു 2:46

മൂറാവാദ് നാള് അവാര് അവാന്‌ന സാമിബീ്ഡ്‌ല് ബെത്ത് കണ്ടാര്. അദുക്കുള അവാന് ബേദബാത്ത്യനാമ് പഡുസുവാദ്‌ന കേ്ട്ട് കൊണ്ടുമു അവാരോഡ കേ്ള്‌വി കേ്ട്ട് കൊണ്ടുമു അവാര് കൂട്ടാത്ത്‌ലിന്താന്.

ലൂക്കോസു 5:17

ഏസ്സ് ഒന്റു നാള് പഡിസികൊണ്ടു ഇര്‌ക്കാട്ടി ഗലീല നാഡ്‌ലിര്‌ക്കുവ എല്ലാ ഊരുഗാള്‌ലിന്ത്‌മ്, എര്‌സലേമ്‌ലിന്ത്‌മ് എഗുദ നാഡ്‌ലിര്‌ക്കുവ ബേ്റെ ഊരുഗാള്‌ലിന്ത്‌മ് പരിസാര്‌ഗാള്‌മ് ബേദബാത്ത്യനാമ്‌ഗാള്‌മ് അദ്‌ക്ക് ബന്തെജ്ജിന്താര്. നോയിഗാറാര്‌ന തെ്ള്‌സുവാദ്‌ക്കുള്ള ആണ്ടവാന് ബിലാമ് അദുക്കുള ഏസ്സ്‌ക്കിന്ത്‌ദ്.

ഓഗന്നാന് 3:9

<<ഇദ് എത്തെ നഡാക്ക്‌മ്?>> എന്റ് നിക്കോദിമോസു ഏസ്സ്‌ന കേ്ട്ടാന്.

അപ്പോസുത്തലാര് 5:34

ആന എഗുദ കോഡിദിലവാര് കൂട്ടാത്ത്‌ല് ഗമേലിയേല് എന്റ് സൊല്ലുവ ഒന്റു പരിസാന് ഇന്തിന്താന്. അയാള് ഒന്റു എഗുദ ബേദബാത്ത്യാന്‌മ് ആള്‌ഗാള് മദ്‌സ്‌ന്റവാന്‌മ് ആയിന്താന്. അയാള് ഇ്ളാഗി നിന്റ് ഇത്തെ സൊന്നാന്, <<അപ്പോസുത്തലാര്‌ന ലേസ ഗളിഗെ ബെ്ളിഗെ നില്ല്‌സ്‌ന്.>>

റോമഗാറാര് 2:28

എന്ത്‌ക്കെന്റ് സൊന്ന, പ്‌റാവില് എഗുദാര് ജാദിക്ക് പട്ടവാനായി പ്‌റാക്ക്‌ന്റവാന് സത്ത്യാത്ത്‌ല് എഗുദാനല്ല. സരിഗലാത്ത്‌ലൊ ഉദ്ദാക്കൊ ഗേവാദ് പരിസേദനെ സാത്ത്‌റാമല്ല.

പിലിപ്പ്യഗാറാര് 3:3

ആന സാമിനിഗാല് ഉദാവി ഗേന്ത് സാമിന കുമ്മുഡുവ നമ്മാത്തെ നേര്‌മായിമ് സാമിഗാറാര്. സാമിന പിര്യപഡിസ്യ ബേ്ണ്ടി മന്‌സാര് തമ്മ് സരിഗലാത്ത്‌ല് അഡ്യാള മാഡുവാദ്‌നാമ് മന്‌സാന് പെരിമെപഡുവ ഏദ് കാര്യഗാള്‌നാമ് നമ്മ നമ്പുവാദില്ലെ. നമാന കാപാറ്റ്യ ബേ്ണ്ടി ക്‌റ്‌സ്‌ത്ത് ഏസ്സ് ഗേന്ത കാര്യഗാള്‌ന സൊല്ലി താനെത്തെ നമ്മ പെരിമെപഡ്‌ന്റാമ്.

കൊലേസ്യഗാറാര് 2:11

നിമ്മ ഏസ്സ് ക്‌റ്‌സ്‌ത്ത്‌ന നമ്പി പെ്ളേക്ക്‌ന്റവാര് ആഗാട്ടി പാവ ഗേന്ത് കൊണ്ടു പെ്ളേത്തിന്ത നിമ്മ് മുന്നുക്കുല പെ്ളേപ്പ്‌ന അഡ്യോഡ പ്‌ഡിങ്കി തള്ളി ഏസ്സോഡ പുദ്യ പെ്ളേപ്പ് പെ്ളേക്ക്യ ഒപ്പന്ത ബെത്ത്‌റ്.