ഓഗന്നാന് 21:14 - സാമി സേദി

¹⁴ അത്തെ ഏസ്സ് സത്തവാര്‌ലിന്ത് ഉജുര്‌ളാഗ്‌ന പ്‌റ തന്ന് സൊല്ലുപഡി നഡാക്ക്‌ന്റവാര് കണ്ണ്‌ക്ക് കാട്ട്‌നാദ് ഇദ് മൂറാവാദ് ജമ്പ്‌മ്‌ത്തെ.

ഓഗന്നാന് 21:14 ပူးပေါင်းရင်းမြစ်များ

മര്‌ക്കോസു 16:12

അദ്‌ക്ക് പ്‌റ റാഡ് സൊല്ലുപഡി നഡാക്ക്‌ന്റവാര് ഊരുക്കു പോയി കൊണ്ട്‌റ്‌ക്കാട്ടി ഏസ്സ് അവാര് കണ്ണ്‌ക്ക് കാട്ട്‌നാന്. ആന മുദാല്‌ല പാസെ കാട്ടാലെ.

മര്‌ക്കോസു 16:14

കഡേഗല പദ്‌നൊണ്ണു സൊല്ലുപഡി നഡാക്ക്‌ന്റവാര്‌മ് തീനി തിന്റ്‌കൊണ്ടു ഇര്‌ക്കാട്ടി ഏസ്സ് അവാര് കണ്ണ്‌ക്ക് കാട്ട്‌നാന്. താന് ഉജുര്‌ളാഗ്‌ന പ്‌റ തനാന കണ്ണാറ കണ്ടവാര് സൊന്നാദ്‌ന അവാര് നമ്പാത്താദ്‌ക്ക്‌മ് അവാര്‌ക്ക് ഇര്‌ക്കുവ മരനെഞ്ച്‌ന കണ്ട്‌മ് ഏസ്സ് അവാര്‌ന നൊഡിന്താന്.

ഓഗന്നാന് 20:19

ബാരാത്ത്‌ല് ഒണ്ണാവാദ് നാള് സന്ത്യോഡ ഏസ്സ് സൊല്ലുപഡി നഡാക്ക്‌ന്റവാര് ഒന്റായി ബീ്ഡ്‌ല് ഇര്‌ക്കാട്ടി എഗുദാര്‌ക്ക് അഞ്ചി അവാര് ബാസന അഡേത്ത് ഇന്താര്. അദുക്കുള ഏസ്സ് അവാര് പട്ട്‌ക്ക് ബന്ത് നിന്റ്: <<നിമ്മ നിമ്മ്‌ദ്യായി ഇര്‌ന്>> എന്റ് സൊന്നാന്.

ഓഗന്നാന് 20:26

എ്ട്ട് നാള് കളിന്ത പ്‌റ സൊല്ലുപഡി നഡാക്ക്‌ന്റവാര് പിന്നേമ് ബീ്ഡ്‌കുളാക്ക് കൂഡിന്താര്. അദുക്കുള തോമാസ്‌മ് അവാരോഡൊപ്പ ഇന്തിന്താന്. ബാസ അഡേത്ത്‌റ്‌ക്കാട്ടി ഏസ്സ് ബന്ത് അവാര്‌ക്ക് നഡ്‌ക്കെ നിന്റ് കൊണ്ടു: <<നിമ്മ നിമ്മ്‌ദ്യായി ഇര്‌ന്>> എന്റ് സൊന്നാന്.

ഓഗന്നാന് 21:1

അദ്‌ക്ക് പ്‌റ ഏസ്സ് തിവര്യോസു കഡാല് ഓരാത്ത്‌ല് ബെത്ത് തന്ന് സൊല്ലുപഡി നഡാക്ക്‌ന്റവാര് കണ്ണ്‌ക്ക് പിന്നേമ് കാട്ട്‌നാന്. ഈ ദിന്‌സ്‌ല്‌ത്തെ അയാള് അവാര് കണ്ണ്‌ക്ക് കാട്ട്‌നാദ്:

അപ്പോസുത്തലാര് 1:3

ഏസ്സ് സത്ത പ്‌റ അയാള് നാപ്പദ് നാള് കുളാക്ക് ഏസ്സ് സൊല്ലുപഡി നഡാക്ക്‌ന്റവാര്‌ക്ക് എഞ്ചോ ഗളിഗെ ബെ്ളിപട്ടാന്. താന് ഉജുരോഡ ഇര്‌ക്ക്‌ന്റേനെന്റ് അവാര്‌ക്ക് സന്തേഗപഡാത്ത ദിന്‌സ്‌ല് സൊക്കാന കാട്ടി കൊഡുത്താന്. അത്തെ അവാര് ഏസ്സ്‌ന കണ്ടാര്. അയാള് അവാരോഡ സാമി ആള്യ പോവാദ്‌ന പറ്റി നായ നൊഡിന്താന്.